IMG-LOGO

2024 මාර්තු මස 04 වන සඳුදා


සෞඛ්‍ය වැඩ වර්ජනයේදී ජනතාව පැත්තත් බලන්න

වෛද්‍යවරුන් නොවෙන සෞඛ්‍ය ක්ෂේත්‍රයේ සෙසු අංශවල සේවකයන් විසින් දියත් කරන ලද වැඩවර්ජන සහ උද්ඝෝෂණ හේතුවෙන් මෙරට රජයේ රෝහල් පද්ධතිය ඊයේත් සෑහෙන දුරකට අකර්මණ්‍යව තිබිණි. මීට දින ගණනාවකට පෙරදීද මේ ආකාරයටම සෞඛ්‍ය වෘත්තීය සමිති කීපයක් වැඩවර්ජනයක නිරත විය. වෛද්‍යවරුන් සහ හෙද හෙදියන් හමුදාවේ නිලධාරීන්ගේද සහාය ඇතිව රාජකාරි ඉටුකිරීම නිසා යම්තාක් දුරකට රෝහල් සේවා කටයුතු පවත්වාගෙන යා හැකි වුවද රජයේ රෝහල් කරා පැමිණි රෝගීහු මහත් පීඩාවකට මුහුණ දුන්හ. එම සටනේ ගිනිපුපුරු එසේම තිබියදී වෛද්‍යවරුන්ද වැඩවර්ජනයකට තීන්දුවක් ගත් බව ඉකුත්දා නිවේදනය කෙරිණි. එහෙත් සෞඛ්‍ය අමාත්‍යංශය මගින් එම වර්ජනයට මගපෑදූ පියවර ආපසු හැරවීම නිසා එම වර්ජනය ක්‍රියාත්මක වූයේ නැත.

වෛද්‍යවරුන්ගේ වැඩ වර්ජන තීරණය අත්හිටුවීම රෝගීන්ගේ වාසනාවක් වුවද වෛද්‍යවරුන් නොවන සෞඛ්‍ය ක්ෂේත්‍රයේ සෙසු සේවකයන් දියත් කර ඇති වැඩවර්ජනයෙන් රෝගීහු අතරමංව සිටිති.   අධික විය හියදම් සහ ඖෂධ වර්ග හිඟයෙන් බැටකමින් සිටින රෝගීන්ට වැඩවර්ජනයක් යනු මරණයට අතවැනීමකි. ඔවුන්ගේ සමීපතමයන්ගේ සිත් සතන් භීතියට පත් කරවන තත්වයකි. සෞඛ්‍ය සේවකයන්ගේ වැඩවර්ජනයකදී රෝගීන්ට සිදුවිය හැකි අනතුරුවල සීමා මායිමක් නැත. ඇතැම් විට එය රෝගියාගේ මරණය විය හැකිය. එය වැළඳගන්නවා හැර රෝගීන්ට වෙනත් විකල්පයක්ද ඉතිරිව නැත.

පසුගිය දිනවලදී රෝහල්වල ක්‍රියාත්මක වූ වැඩවර්ජන දිනවලදී ප්‍රතිකාර සඳහා පැමිණි රෝගීන් විඳි දුක් ගැහැට මාධ්‍ය හරහා සියලු‍දෙනාම දැක බලාගත හැකි විය. රජයේ බලධාරීන් කොතරම් උත්සාහ දැරුවත් එම තත්වයට මුහුණදීම පහසු කටයුත්තක් නොවීය. වෛද්‍යවරුන් සිටියත් බොහෝ රෝගීන්ට සිදුවූයේ ආපසු හැරී යාමටය. සෞඛ්‍ය සේවකයන් වැඩවර්ජනය කිරීම හරහා සිදුවන්නේ මුළු රජයේ රෝහල් පද්ධතියේම ක්‍රියාකාරීත්වය ඇනහිටීමය. එවැනි තත්වයකදී රෝගීන්ගේ ජීවිතය දෙවියන්ට බාරකරනු හැර වෙනත් යමක් සිදුකළ නොහැක. වෛද්‍යවරුන්, හෙද හෙදියන් වැඩවර්ජනයට එක් නොවූවද සෞඛ්‍ය සේවයේ සෙසු සියලු නිලධාරීන් සහ සේවකයන් රාජකාරියට වාර්තා නොකිරීමෙන් රෝහල් පද්ධතියම අඩපණ වූ බව පැහැදිලිය. වෛද්‍යවරුන්ට ලබාදුන් දීමනාව අනෙකුත් සෞඛ්‍ය සේවකයන්ටද ලබාදිය යුතු බවට කරන ඉල්ලීමේ සාධාරණ අසාධාරණ බවද තුලනාත්මකව විමසා බැලිය යුතුය.

මෙම ගැටලු‍වට ස්ථීර විසඳුමක් සෙවීමේ වගකීම රජයේ බලධාරීන් සතුය. එසේම මෙම දීමනාව ලබාදීම සම්බන්ධයෙන් බලධාරීන්ට මුහුණ දී සිටින්නේ අන්තෝ ජටා - බහි ජටා තත්වයකට බවද පැහැදිලිය. වෛද්‍යවරුන්ට පමණක් මේ දීමනාව ලබාදීමට පියවර ගැනීම සෞඛ්‍ය සේවයේ සෙසු නිලධාරීන් සහ සේවකයන් වැඩවර්ජනයකට උසිගැන්වීමක් වී තිබේ.

වෛද්‍යවරුන් රට හැර යාම රටේ බරපතළ සෞඛ්‍ය සේවා ගැටලු‍වක් ඇතිකර තිබෙන බවද මෙහිදී සිහිපත් කළ යුතුය. සංඛ්‍යා ලේඛන පෙන්වා දෙන්නේ විශේෂඥ වෛද්‍යවරුන් 250ක්ද ඇතුළත් වෛද්‍යවරුන් 1000ක පමණ පිරිසක් පසුගිය දෙවසර තුළ විදේශගත වී ඇති බවය. රජයේ වෛද්‍ය නිලධාරීන්ගේ සංගමය, දිගින් දිගටම ප්‍රකාශ කළේ මේ තත්වය වළක්වා ගැනීමේ එක් පියවරක් වශයෙන් හොඳ වැටුප් සහ දීමනා ලබාදීමට කටයුතු කළයුතු බවය.

තම වෘත්තීය අයිතිවාසිකම් දිනාගැනීම සඳහා ඇති අයිතිය භාවිත නොකරන්නැයි වෛද්‍යවරුන්ගෙන් මෙන්ම සෞඛ්‍ය සේවයේ සෙසු නිලධාරීන්ගෙන් සහ සේවකයන්ගෙන් අපට ඉල්ලා සිටිය නොහැක. එහෙත් වැඩවර්ජන තීන්දු ගතහොත් රජයේ රෝහල් කරා ප්‍රතිකාර පිණිස එන රෝගීන් මුහුණ දෙන දුක්ඛිත තත්වය දෙස සානුකම්පිතව බලන්නැයි අපි මේ සියලු‍ පාර්ශ්වවලින්ම ඉල්ලා සිටීමට කැමැත්තෙමු.

(***)



අදහස් (1)

සෞඛ්‍ය වැඩ වර්ජනයේදී ජනතාව පැත්තත් බලන්න

Ilanganthilaka Wednesday, 07 February 2024 03:21 PM

වෛද්‍යවරුන් වැඩ වර්ජනයට නොයන හේතුව වෙනම කාරණාවක්... වැටුප් සහ දීමනා මෙම වැඩවර්ජනයේ එක කොටසකි. වෛද්‍යවරුන් හට දීමනා රුපියල් 70,000.00 පමණ වැඩි වනවිට අනෙකුත් සේවකයින් හට එය රුපියල් 5,000.00 ක් පමණ අඩු ප්‍රමාණයකි. රෝහල්වල සේවය කරන සේවකයින්ගෙන් වෛද්‍යවරු යනු සේවයක් සපයන එක කොටසක් පමණකි. අනෙක් සේවකයින්ද විටෙක වෛද්‍යවරුට වඩා සේවයක් සපයයි. එමනිසා ඔවුන්ටද සාධාරණ ලෙස දීමනා බෙදී යා යුතු නොවේද?

:       5       1

ඔබේ අදහස් එවන්න

කතුවැකිය

කුඩා තේ වතු හිමියන්ට සහනයක් දිය නොහැකිද?
2024 මාර්තු මස 02 104 0

රටේ ආර්ථිකය තවමත් තිබෙන්නේ මරණ මංචකයේය. කොවිඩ් මාරක වසංගතයත් මෙරට පාලකයන් ගත් අනුවණ උද්ධච්ච තීන්දු තීරණත් හේතුවෙන් බිඳ වැටුණු ආර්ථිකය එසේ එකවර වේගයෙ


බොටුව මිරිකීම නතර කර ජනතාවට සහනයක් දෙන්න
2024 මාර්තු මස 01 255 0

යුද සමයේ දී ‘‘මුදා නොගත් ප්‍රදේශ’’ යනුවෙන් විශේෂයෙන් නාමකරණය කරන ලද ප්‍රදේශ තිබිණි. එම ප්‍රදේශ පාලනය කරනු ලැබුවේ ත්‍රස්තවාදීන් විසින්ය. ත්‍රස්තවාදීන


සමාජය බියගන්වන කුරිරු අපරාධකරුවන් දඬුකඳේ ගහමු
2024 පෙබරවාරි මස 29 246 0

මේ වසරේ අද (29) ගෙවී ගියේ දෙවැනි මාසයයි. දින වශයෙන් ගණන් තැබුවොත් 60කි. මේ දින 60ට රටේ විවිධ ප්‍රදේශවල වෙඩි තැබීම්වලින් සිදුව ඇති ඝාතන සංඛ්‍යාව 14ක් වන අතර තවත්


සම්මාන මේනියාවෙන් රෝගී අපේ ප්‍රභූවරු
2024 පෙබරවාරි මස 28 605 0

‘සම්මාන මේනියාව’ අප රටේ බොහෝ දෙනකුට වැළඳෙන රෝගයකි. එය බොහෝ දේශපාලනඥයන්ට වැළඳෙන ‘රථගාය’ බඳු ය. ධනය ලැබූ පසු බොහෝ දෙනෙක් බලය පසුපස හඹායති. ඒ ගමනට සම්මාන ල


මල්වතු මහ නාහිමි ප්‍රකාශය අගයමු
2024 පෙබරවාරි මස 27 838 1

වර්තමාන පාලකයන් ඡන්දය කල් දැමීමට කටයුතු කළහොත් ඊට ඉඩ නොතබන ලෙස තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශ්වයේ මහ නා හිමියන් පසුගියදා සඳහන් කර ත


හොර දොස්තරලාගෙන් රෝගීන් බේරාගන්න බැරිද?
2024 පෙබරවාරි මස 26 423 3

අප රටේ ජනයා කවර කලෙක කළ පාපකර්මයක් ගෙවා දමමින් සිටින්නේදැයි සිතා ගත නොහැකි තරම්ය. නයන පිනවන මේ රන් දිවයිනේ ඉපදීම සම්බන්ධයෙන් ප්‍රීති ප්‍රමෝදයට පත් විය


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 519 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 422 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 374 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site