IMG-LOGO

2024 පෙබරවාරි මස 22 වන බ්‍රහස්පතින්දා


වැට් බද්ද නැංවීමෙන් ජනතාවට තවත් බරක්

ජනවාරි මස 1 වැනි දින සිට දැනට බලපවත්වන වැට් බද්ද ඉහළ දමන බව රජය විසින් ප්‍රකාශයට පත් කර තිබේ. 2024 අයවැය කතාව මගින්ද මේ බව අවධාරණය කෙරුණි. මේ වනවිට ක්‍රියාත්මක වන වැට් බදු අනුපාතය සියයට 15 කි. එය තවත් සියයට 3කින් ඉහළ දමා සියයට 18 ක් දක්වා වැඩිකරන බව අයවැය යෝජනාවෙහි සඳහන්ය. මේ ආකාරයට වැට් බද්ද ඇතුළු බදු ඉහළ දමන්නේ ජාත්‍යන්තර මූල්‍ය අරමුදල විසින් කරන ලද නිර්දේශ අනුව බව ප්‍රසිද්ධ රහසකි.

මෙලෙස බදු අනුපාත ඉහළ දමා රාජ්‍ය ආදායම මූල්‍ය අරමුදල කියන ඉලක්කය දක්වා වර්ධනය නොකළහොත් ශ්‍රී ලංකාව සමඟ එළඹගත් විස්තීර්ණ ණය ගිවිසුමේ ඊළඟ වාරික අනුමත කිරීම ගැටලු‍ සහගත බවට මූල්‍ය අරමුදල නිල නොවන වශයෙන් අනතුරු අඟවා ඇත.

2023 වසර වෙනුවෙන් ඉදිරිපත් කළ අයවැය ලේඛනය මගින් රජයේ යෝජිත බදු ආදායම රුපියල් බිලයන 3415කි. එහෙත් නවතම වාර්තා අනුව මේ වසරේ එකතු කරගත හැකි බදු ආදායම රුපියල් බිලියන 2410ක් පමණය. යෝජිත ආදායම් ඇස්තමේන්තුව සහ සැබෑ ආදායම අතර පරතරය රුපියල් බිලියන 1005කි. එසේ තිබියදීත් මූල්‍ය අරමුදලේ නිර්දේශ පරිදි 2024 වසරේදී රුපියල් බිලියන 3820ක ආදායම් ඇස්තමේන්තුවක් ඉදිරිපත් කර ඇත.

ආදායම් වර්ධනය උදෙසා දැනට රජයට කළ හැක්කේ ජනතාව පිට තව තවත් බදු බර පටවා ජාතික ආර්ථිකය හැකිතාක් හකුලා දැමීමය. ඒ අනුව වැට් බද්ද සියයට 15 සිට සියයට 18 දක්වා ඉහළ දැමීම දැන් සමාජ අවධානය දිනූ පුවතකි. එයිනුත් මෙතෙක් වැට් බදු බල නොපවත්වන ලද ඇතැම් ඉන්ධන සඳහා වැට් බදු පැනවීම බරපතළ සමාජ ආර්ථික ප්‍රශ්නයක් බව නොකියා සිටිය නොහැක.

ඛනිජ තෙල් සම්පත් අමාත්‍යවරයා ප්‍රකාශ කරන ආකාරයට 2023 වැට් බදු ඉහළ දැමීම ඩීසල් හා භූමිතෙල්වලට අදාළ නොවේ. එහෙත් ඔහු ඍජුව ප්‍රකාශ කර නැතත් පෙට්‍රල්, සුපිරි පෙට්‍රල්, ගුවන් යානා ඉන්ධන, දැවි තෙල් ඇතුළු අනෙකුත් ඉන්ධන වර්ග සඳහා වැට් බදු පැනවීමේ සූදානමක් ඇති බව ව්‍යංගයෙන් සඳහන් කර තිබේ. ඩීසල් පොදු ප්‍රවාහනයටත් භූමිතෙල් දුප්පත් ගොවි, ධීවර ප්‍රජාවටත් අත්‍යවශ්‍ය ද්‍රව්‍ය වන බැවින් ඊට බදු සහනයක් සැලසීම වරදක් නොවේ. එහෙත් පෙට්‍රල් සඳහා වැට් බදු පැනවීමෙන් පහළොස් ලක්ෂයකට ආසන්න ත්‍රිරෝද රථ හිමියන් මෙන්ම තවත් මිලියන ගණනක් වන, යතුරුපැදිකරුවන්ටද, පෞද්ගලික වාහන හිමියන්ටද, තණකොළ කපන්නන් ඇතුළු කුඩා යන්ත්‍ර භාවිතයෙන් ජීවන වෘත්තිය සලසාගන්නා අයටද සිදුවන්නේ බරපතළ අසාධාරණයකි.

සියයට 18 ක වැට් බද්ද අනුව දැනට රුපියල් 356කට අලෙවි කරන 92 වර්ගයේ පෙට්‍රල් ලීටරයකට අදාළ කළහොත් ආසන්න වශයෙන් රුපියල් 50කින් පමණ එක් පෙට්‍රල් ලීටරයක මිල ඉහළ යා යුතුය.

මේ ආකාරයට ජනතාව පිට බදු පැටවීම ගැන සමාජයේ ඇත්තේ බරපතළ විරෝධයකි. 2024 ජනවාරියේ සිට අලු‍තෙන් පනවා තිබෙන ඍජු බදු හා වක්‍ර බදු නිසා රුපියල් බිලියන 900ක පමණ අලු‍ත් බදු බරක් ජනතාව පිට වැටෙන බව දැනටමත් ආර්ථික විද්‍යා විශේෂඥයන් විසින් ප්‍රකාශ කර ඇත. මෙම බදු වැඩි කිරීම පෙට්‍රල් ආදියට පමණක් අදාළ නොවේ. සෙසු අත්‍යවශ්‍ය ද්‍රව්‍යවලටද යටත්වය.

එබැවින් පෙට්‍රල්වලට අමතරව අත්‍යවශ්‍ය ආහාර ද්‍රව්‍ය වන කිරි පිටි, සීනි, පරිප්පු, කරවල වැනි ආනයනික ද්‍රව්‍යවල මිල ගණන්ද සෑහෙන පමණ ඉහළ යා හැකි බව සඳහන්ය. වයඹ විශ්වවිද්‍යාලයේ ආර්ථික විද්‍යා මහාචාර්ය අමින්ද මෙත්සිල පෙරේරා මහතාගේ ගණන් බැලීම් අනුව ජනවාරියේ සිට අත්‍යවශ්‍ය ආහාර ද්‍රව්‍යවල මිල ගණන් සියයට 72 කින් ඉහළ නගිනු ඇතැයි දැනටමත් පුරෝකථනය කර ඇත.

එහෙත් වියදමට සාපේක්ෂව ජනතාවගේ ආදායම වර්ධනය නොවීම නිසා දැනට දෙවේලක් කන ජනතාවට එක වේලක් කා දවස පිරිමසා ගන්නට සිදුවනු ඇතැයි සඳහන් කිරීම යථාර්ථයයි. එබැවින් බදු බරින් ජනතාව පීඩාවට පත් කිරීමෙන් ජනතාව බිත්තියටම හේත්තු නොකළ යුතුය.

(***)



අදහස් (3)

වැට් බද්ද නැංවීමෙන් ජනතාවට තවත් බරක්

dana Monday, 04 December 2023 10:21 AM

මෙහෙම හිඟා කන ආණ්ඩුවක් මම දැක්කේ නැහැ.

:       0       3

Latha Thursday, 07 December 2023 01:04 PM

ආණ්ඩුවේ වියදම් අඩුකරලා ගන්නේ නැතිව අහිංසක මිනිස්සුන්ගේ ඉහමොළ හූරන් කනවා. මරු කළමනාකරණේ...

:       0       3

Sewwandi Monday, 11 December 2023 07:31 AM

ඇත්තටම මහ කාලකන්නි ආණ්ඩුවක් හොරා කාලා සේරම දැන් අපිට හැම පැත්තෙන්ම බදු අපිව හූරන් කන්නම තමයි බලාගෙන ඉන්නේ...

:       0       1

ඔබේ අදහස් එවන්න

කතුවැකිය

සංවර්ධන ව්‍යාපෘති කෙරෙහි නිරන්තර විමසුමක් ඕනෑ
2024 පෙබරවාරි මස 22 42 0

පාර්ලිමේන්තුව යනු රටේ උත්තරීතරම ආයතනය වේ. නීති සම්පාදනය කිරීමේ බලය, නීති සම්මත කිරීමේ බලය මෙන්ම රටේ මුල්‍ය පාලනය සම්බන්ධ බලය තිබීම පාර්ලිමේන්තුව එවැන


දරුවා පාසලට යැව්වාටම මදි නිරන්තර විමසිල්ලක් ඕනෑ
2024 පෙබරවාරි මස 21 241 0

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර


තෙල් සමාගමේ හොරුන් දඬුකඳේ ගහන්න ඕනෑ
2024 පෙබරවාරි මස 20 1018 2

සාමාන්‍යයෙන් අමාත්‍යවරයකු විසින් තම අමාත්‍යාංශයේ සිදුවන දූෂිත හෝ වංචනික ක්‍රියාවක් සම්බන්ධයෙන් හෙළිදරව් කරනු ලබන්නේ කලාතුරකිනි. එසේ කලාතුරකින් වන


ගොවි ගැටලුවලට සැබෑ විසඳුමක් ඕනෑ
2024 පෙබරවාරි මස 19 166 0

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. ම


විදුලිය විසන්ධි කිරීමට නීතිය අකුරටම ක්‍රියාත්මක කළ යුතුද?
2024 පෙබරවාරි මස 17 818 1

රුපියල් දහතුන් දහසක විදුලිය බිල ගෙවා ගැනීමට නොහැකිව නිවෙසේ විදුලිය විසන්ධි කිරීම හේතුවෙන් පුතාට හා දියණියට පාඩම් කිරීමට අසල්වැසි නිවෙසකින් විදුලිය


පොහොර හොරුන්ට ඉහළම දඬුවම් දෙනු
2024 පෙබරවාරි මස 16 290 0

රටේ ජනතාවට බෙදා දීමට මෙරටට ගෙන්වන ලද සහනාධාර පොහොරවලින් රුපියල් කෝටි 100කට අධික මුදලක් වංචා කිරීම සම්බන්ධයෙන් වගකිවයුතු සමාගම් ප්‍රධානීන් 10 දෙනකු පමණ ළ


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 175 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 238 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 256 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site