IMG-LOGO

2024 ජුලි මස 18 වන බ්‍රහස්පතින්දා


රටට හානිකරවන නිලධාරි කඹ ඇදිලි

මහජනයාගේ මුදල් අවභාවිත කිරීම, සොරකම් කිරීම, නාස්ති කිරීම තරම් බරපතළ සාපරාධයක් තවත් නොමැත. එහෙත් අනාදිමත් කාලයක සිට මේ රට තුළ ඒ සියල්ල බරපතළ ලෙස සිදුවෙමින් පවතී. ‘රට බංකොලොත්’ යැයි ලෝකයා හමුවේ ප්‍රකාශකර පුරවැසියාට අවමානයට ලක්වීමට සිදුව තිබෙන්නෙත් එහෙයිනි.

අප පුවත්පත ඊයේ වාර්තා කළ ප්‍රවෘත්තියකින් කියැවුණේ නව හැටන් දුම්රිය ස්ථානය ඉදිකිරීම හා යටිතල පහසුකම් වැඩි දියුණු කිරීමේ ව්‍යාපෘතිය නාගරික සංවර්ධන අධිකාරිය සහ දුම්රිය දෙපාර්තමේන්තුව අතර කඹ ඇදීමක් හේතුවෙන් වසර දෙක හමාරයක් තිස්සේ නැවතීමෙන් රුපියල් කෝටි 40 ක පමණ නාස්තියක් සිදුවී ඇතැයි පරිසරය, ස්වාභාවික සම්පත් සහ තිරසාර සංවර්ධනය පිළිබඳ ආංශික අධීක්ෂණ පාර්ලිමේන්තු කාරක සභාවේ දී අනාවරණය වූ බවය.

පළමුව අවධාරණය කළ යුතු කරුණක් තිබේ. රට විනාශවීමට හේතුව ජනතාවට දුක් විඳීමට හේතුව සෑම වර්ණයකටම අයත් දේශපාලනඥයන් බව පොදු පිළිගැනීම වේ. එය අර්ධ සත්‍යයකි. මේ විනාශයට එකම හේතුව දේශපාලනඥයෝ නොවෙති. නිලධාරී පැලැන්තිය ද බැහැර කළ නොහැකි ප්‍රධාන හේතුවකි.

ඇතැම් තැනක සොරකම් කරන්නේ, මහජන මුදල් ගසා කන්නේ දේශපාලනඥයන් හා නිලධාරින් ඒකාබද්ධවය. ඇතැම් තැනක නිලධාරින්ගේ අකාර්යක්ෂමතාව, වග නොවීම ආදි කාරණා නිසා මහජන මුදල් නාස්ති වේ. අප ප්‍රවෘත්තියෙන් කියන්නේ නාගරික සංවර්ධන අධිකාරිය සහ දුම්රිය දෙපාර්තමේන්තුව අතර කඹ ඇදීම නිසා රටට රුපියල් කෝටි හතළිහක නාස්තියක් සිදුව ඇති බවය.

පරිසරය, ස්වාභාවික සම්පත් සහ තිරසර සංවර්ධනය පිළිබඳ ආංශික අධීක්ෂණ පාර්ලිමේන්තු කාරක සභාවේ සභාපති, ගම්පහ දිස්ත්‍රික් පාර්ලිමේන්තු මන්ත්‍රී නීතිඥ අජිත් මාන්නප්පෙරුම මහතා ප්‍රකාශ කර තිබුණේ එම ව්‍යාපෘතිය කඩිනමින් අවසන් කිරීමට එම මුදල් නාගරික සංවර්ධන අධිකාරියට ලබාදී තිබුණේ මහා භාණ්ඩාගාරයෙන් බවය. ව්‍යාපෘතියට අදාළ කොටස් පමණක් දැනට නිමකර ඇති බවත් වසර දෙකහමාරක කාලය තුළ සිදුවී ඇත්තේ එම ව්‍යාපෘතිය විවෘත කිරීම සම්බන්ධයෙන් ලිපි හුවමාරුකර ගැනීම පමණක් බවය.

සංවර්ධන ව්‍යාපෘතියක් එකවර ආරම්භ කර ඊතළයක වේගයෙන් නිම කළ නොහැකිය. එම ව්‍යාපෘතියට අදාළ සියලු පාර්ශ්ව සමග  විධිමත් සාකච්ඡා පවත්වා අවධානය යොමු කළ යුතු සෑම අංශයක් කෙරෙහිම අවධානය යොමු කර ඒවා ක්‍රියාත්මක කළ යුතුය. සංවර්ධන ව්‍යාපෘතිය අපේක්ෂිත ඉලක්කය සපුරා දෙන්නේ එවිටය. ඒ සඳහා යම් කාලයක් ගතවීම බලාපොරොත්තු විය යුතුය. එහෙත් එම කාලය සාධාරණ විය යුතුය.

සංවර්ධන ව්‍යාපෘතියකට අදාළව එය විවෘත කිරීම සඳහා පමණක් වසර දෙක හමාරක් තිස්සේ ලිපි හුවමාරු කර ගැනීමක් පමණක් සිදුවී තිබේ නම් එය බරපතළ ප්‍රශ්නයකි. එමගින් පෙනෙන්නේ අදාළ ව්‍යාපෘතිය සම්බන්ධයෙන් දෙපාර්ශ්වයෙන්ම නිලධාරීන්ගේ ඇති උද්‍යෝගය වේ.

නිදහස් අධ්‍යාපනයෙන් ඉහළට ඉගෙන වගකිවයුතු රැකියා අවස්ථා ලබාගත් නිලධාරීන් රටට යුතුකම් ඉටු කළ යුතුය. මහජනයාට අදාළ සංවර්ධන ව්‍යාපෘති ක්‍රියාත්මක කිරීමේ දී එය මහජනයාට වඩාත් ඵලදායී ලෙස ක්‍රියාත්මක කළ යුතුය. කඩිනම් කළ යුතුය. එය එසේ සිදු නොවන්නේ නම් එය බරපතළ තත්වයකි. දේශපාලන අධිකාරියේ වගකීම වන්නේ ඒ සම්බන්ධයෙන් පසු විපරම් කිරීමය.

(***)

 



අදහස් (0)

රටට හානිකරවන නිලධාරි කඹ ඇදිලි

ඔබේ අදහස් එවන්න

කතුවැකිය

විපක්ෂයේ ආණ්‍ඩුවේ මන්ත්‍රීන් දෙදෙනාගේ යෝජනාව අගය කරමු
2024 ජුලි මස 17 370 0

පාර්ලි​මේන්තුවේ ආණ්ඩු පක්ෂ, විපක්ෂ මන්ත්‍රීවරුන් එකම යෝජනාවකට එකඟත්වය පළ කරන්නේ කලාතුරකිනි. එසේ කලාතුරකින් සිදුවන එකඟත්වයක් පසුගියදා පාර්ලිමේන්තු


පුරන් කුඹුරු අස්වද්දන ගොවීන් අමාරුවේ දාන්න එපා
2024 ජුලි මස 15 624 1

වසර 15කට වැඩි කාලයක් පුරන්ව තිබූ මීගොඩ වෙල්යායේ අක්කර 20ක පමණ කුඹුරු යායක් යළි අස්වැද්දීමට ගත් උත්සාහයක් වැළකී ගොස් ඇතැයි එම ප්‍රදේශයේ ගොවීන් ප්‍රකාශ කර


පැනියාවලින් රටට දුන් අගනා ආදර්ශය
2024 ජුලි මස 13 1159 3

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 300 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 204 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1442 1

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 127 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 995 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1877 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site