IMG-LOGO

2024 අප්‍රේල් මස 12 වන සිකුරාදා


රජයේ වාහනවලින් සිදුවන නාස්ති අඩු කරගන්න බැරිද?

රජයේ වාහනවලින් සිදුකෙරෙන ගැහිලි ගැන කතා නිමක් නැත. ඒ ගැහිලි අතරේ ඉන්ධන සොරා ගැනීමේ සිට ගෙඩිය පිටින් වාහනයම අතුරුදන් කිරීම දක්වා කටයුතු සිදුවෙමින් පවතී. මේ බොහොමයක් ගැහිලි සිදුවන්නේ හොර රහසේ වුවද ඒ සිදුවීම් ඇතැම් විට ‘ප්‍රසිද්ධ රහස්’ බවට ද පත්වෙයි. එවිට සිද්ධියට සම්බන්ධ පුද්ගලයන්ට විනය පරීක්ෂණවලට මුහුණ දීමට පමණක් නොව රැකියාව අහිමිවීම දක්වා දඬුවම්වලට යටත්වීමට ද සිදු වෙයි.

බලශක්ති සහ ප්‍රවාහනය පිළිබඳ ආංශික අධීක්ෂණ පාර්ලිමේන්තු කාරක සභාව මගින් පසුගියදා අනාවරණය කරගත් තොරතුරුවලට අනුව එවැනි ගැහිලි හේතුවෙන් සිදුවන විශාල මූල්‍ය නාස්තිය පිළිබඳව පැහැදිලි චිත්‍රයක් මවා පා තිබේ. රුපියල් 100ක පිරිවැයකින් කිලෝමීටරයක් ධාවනය කළ හැකි රාජ්‍ය ආයතන වාහනයක් රුපියල් 300ක් තරම් ඉහළ පිරිවැයකට ධාවනය කළ යුතු වන තත්වයකට පත්වීම ඒ සඳහා එක් උදාහරණයකි. මිනිස් බල හා රැකී රක්ෂා දෙපාර්තමේන්තුව විසින් රාජ්‍ය සම්පත් කළමනාකරණය සම්බන්ධයෙන් සකසන ලද පර් යේෂණ පත්‍රිකාවක මේ බව සඳහන් වන්නේ යැයි කාරක සභාව ප්‍රකාශ කර තිබිණි.

රුපියල් 100කින් කළ හැකි වැඩේට රුපියල් 300ක් වැය කිරීම යනු විශාල නාස්තියකි. එය නාස්තියක් පමණක් නොව දූෂිත සහ වංචනික ක්‍රියාදාමයක එක් ශක්තිමත් පුරුකක් ද වෙයි. ඒ අනුව වැඩිපුර වැය වන රුපියල් දෙසීය අවසානයේ නවතින්නේ කාගේ හෝ සාක්කුවක ය. රජයේ ආයතන බොහොමයක වාහනවලට වර්තමානයේ අත්වී තිබෙන ඉරණම එයයි.

රජයේ වාහන බරපතළ ලෙස අවභාවිතයේ යෙදෙන බව ද ඒ සමග සඳහන් කළ යුතු ය. කොළඹ ඇතුළු ප්‍රධාන නගරවල සුපිරි පාසල් ගේට්ටු අසලට එම පාසල් ඇරෙන වේලාවට ගොස් පරීක්ෂා කළහොත්  රාජ්‍ය ලාංඡනය ගැසූ වාහන කොපමණ සංඛ්‍යාවක් අවභාවිතයේ තිබේදැයි බලාගත හැකිවනු ඇත. එසේම දිගු සති අන්තවලදී විවිධ පළාත්වල තිබෙන නිවාඩු නිකේතන සහ සුපිරි ගණයේ හෝටල් පරිශ්‍රවල ද රාජ්‍ය ලාංඡනය සහිත වාහන දැක ගැනීම අසීරු නැත.

ආංශික කාරක සභාව සඳහන් කර ඇති පරිදි රාජ්‍ය අංශය සතුව මේ වනවිට පවතින වාහන සංඛ්‍යාව අසූ දෙදාහක් පමණ වන අතර එයින් ධාවන තත්වයේ පවතින්නේ හැත්තෑදහසක පමණ සංඛ්‍යාවකි. ධාවන තත්වයේ ඇති වාහනයක් කිලෝමීටරයක් දුරක් යාමේදී රුපියල් 300ත් 500ත් අතර වියදමක් ආසන්න වශයෙන් වැය කෙරෙන බව ද සඳහන්වීම නිසා සිදුවන විශාල පාඩුව ගණන් හදාගත හැක.

මෙවැනි විශාල මුදලක් වැය වන්නේ එකී වාහන නඩත්තුවට සහ රියැදුරන්ටත් සහායකයන්ටත් වැටුප් ගෙවීමට සිදුවීම නිසා බව පෙනීයයි. එහෙත් රාජ්‍ය ආයතනවලට අවශ්‍ය වාහන කුලී හෝ බදු පදනම යටතේ පෞද්ගලික අංශයෙන්  ලබාගත හැකි නම් ඒ සඳහා කිලෝමීටරයකට වැය වන්නේ රුපියල් සියයක් හෝ ඊට වඩා අඩු මුදලක් බව ද අදාළ පර් යේෂණ වාර්තාව අනුව හෙළිවී ඇතැයි කියති. ඒ අනුව එවැනි වැඩපිළිවෙළකින් රජයට ඉතිරි කරගත හැකිවන මුදල රුපියල් කෝටි 2000ක් පමණ වන බව ද සඳහන් ය.

මේ තොරතුරු අදාළ කර ගනිමින් රාජ්‍ය ආයතන සතු වාහන භාවිතයේ දී සිදුවන නාස්තිය වැළැක්වීමට හඳුන්වාදිය යුතු වෙනස්කම්  කවරේ ද යන්න ගැන ආණ්ඩුව තීන්දුවක් ගත යුතුය. අත්‍යවශ්‍යම රාජකාරී කටයුතු සඳහා හැර වෙනත් අවශ්‍යතා සඳහා වාහන බැහැරින් කුලී පදනම මත ලබාගත  හැකිනම් එය මේ නාස්තිය වැළැක්වීම සඳහා සුදුසු එක් පියවරක් වනු ඇත. එහෙත් එහිදී සැලකිලිමත් විය යුත්තේ රාජ්‍ය ආදායම ඉතිරිකර දෙන අතරේ වැඩි මිලකට වාහන කුලියට ගනිමින් අතයට ගනුදෙනු  හරහා තවත්  දූෂණයකට ඉඩ නොතැබීමට ය. එය සිදු වුවහොත් අපේක්ෂිත අරමුණු ඉටුකර ගැනීම කෙසේ වෙතත් ඒ ඒ රාජ්‍ය ආයතනවල ඇතැම් නිලධාරීන්ට අයථා අන්දමින් මුදල් රැස්කර ගැනීමේ මාර්ගයක් උදාකර දීමක් වනු ඇත.

(***)



අදහස් (5)

රජයේ වාහනවලින් සිදුවන නාස්ති අඩු කරගන්න බැරිද?

himal Tuesday, 02 April 2024 10:58 AM

ඔය පත්‍රිකාවට අනුව රුපියල් 100 කින් කිලෝ මීටරයක් යන්න පුළුවන් වෙන්නේ මොන වාහනයේද? මොකද ත්‍රී රෝද රථයක වුණත් ඊට වඩා ගන්නවා. අනෙක වාහන කියන්නේ හුදෙක් කාර්, වෑන් විතරක් නොවෙයි. හමුදාවේ වාහන, පොලිසියේ වාහන, ගිලන් රථ වගේ ඒවා කුලියට අරන් පාවිච්චි කරන්න පුළුවන්ද?

:       0       0

මහින්දපාල Thursday, 04 April 2024 01:45 PM

රජයේ වාහන වලින් සිදුවන නාස්ති ගැන කියද්දී ගමන් වියදම් හා සංයුක්ත දීමනා ගැන කියන්න වෙනවා... අතීතයේ එනම් මෙයට වසර පනහකට හෝ ඉන් පෙර කාලයේ ලංකාවේ ගමනාගමන හා ප්‍රවාහන පහසුකම් ඉතාමත් අඩුයි. ඉතින් කලාතුරකින් හෝ තියෙන බසයක ගොස් පා ගමනින් රාජකාරි කරන නිලධාරින්ට කෑමට යමක් ගන්න තැනක් තිබුනේ නැහැ. කුසගින්නේ දවසක් ඇවිදලා කාගේ හෝ පැලක රාත්‍රිය ගතකර පසුදා ආපසු යන්නේ ඉතාමත් විඩාවට පත්වෙලා තමයි... වර්තමානයේ එවැනි ගමනක් තියෙන්නේ නම් ශ්‍රීපාද වන්දනාවේ යන බැතිමතුන් සඳහා පහසුකම් සැලසීම බාර නිලධාරින්ට පමණයි. ඉතින් අතීතයේ එවැනි ගමන් යෙදීම වෙනුවෙන් බස්ගාස්තු හා කාලය පදනමෙන් යැපීම් දීමනා ගෙවීම් කරනවා. ඇත්තටම අතීතයේ එහෙම කරපු දේ අනුගමනය කරමින් තවමත් එම දීමනා ගෙවීම කෙසේවත් සාධාරණයක් නැහැ. ඒ අතර සමහරක් රියදුරෝ පිරිසක් ඉන්නවා දිනක් තුළ දෙවරක් ගමන් ගියොත් දෙවරක්ම එම දීමනා ගන්නවා... තවත් දෙයක් තමයි රියදුරුට වැටුප් ගෙවන්නේ ඔහුගේ රාජකාරි කිරීම සඳහා වුණත් රියැදුරෝ වාහන පැදවීම වෙනුවෙන් සංයුක්ත දීමනා නැත්නම් රාජකාරි කරන්නේ නැහැ. මේ ගෙවීම් ක්‍රම නොපමාව අහෝසි කරන්න හෝ සංශෝධනයක් කරන්න අවශ්‍ය වෙනවා..!

:       0       3

SurangaSaturday, 06 April 2024 12:40 AM

සංයුක්ත දීමනාව දිනක් තුළ දෙවරක් ගන්න පුළුවන් කතාව මං නම් අදමයි ඇහුවේ... මොකද එම දීමනාව ලබා ගන්න අවම පැය 12කට වඩා පැය ගණනක් ධාවනය කර තිබිය යුතුයි. (මුල්ම පැය 12 ලබාගත්තත් ඊළඟ පැය 12ක් ගන්න විදිහක් නෑ). අනික මම දන්නා තරමින් එකම දිනට සංයුක්ත දීමනා 2ක් ගන්න බැහැ. අනිත් දේ මොනවා කළත් මසකට ඉල්ලුම් කරන්න පුළුවන් සංයුක්ත දීමනා 10ක් පමණයි. (සෞඛ්‍ය ඇරුණාම). ආයතන කීපයකට ඇරුණාම අනිත් රජයේ රියැදුරන්ට ඔය කියන ඒවා ගන්න බැහැ...

:       0       0

vernonMonday, 08 April 2024 02:42 PM

සංයුක්ත දීමනා ගෙවයි රු 500ක් උපරිම. ඒකත් පැය 12ක් වැඩ කරන්න ඕන. අනික ඔය රු 500න් කෑමක් කන්න මදි අද දවසේ.

:       0       0

තරංග Tuesday, 09 April 2024 07:34 AM

ඔයිට වඩා හොද ගසා කෑමක් කියන්නද. ලංකාවේ ඕනම දුරකතන සමාගමකින් මාසයකට රු 1000ට අඩුවෙන් සීමාවකින් තොරව ඇමතුම් ගන්න පුලුවන්. ඒ කියන්නෙ මාසෙම කතා කරත් රු 1000යි. එසේ තිබියදී මන්ත්‍රීවරුනට රු 50000ක දුරකතන දීමනාවක් දෙන්නෙ ඇයි

:       0       1

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 51 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 169 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 809 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 792 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 92 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1331 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site