IMG-LOGO

2024 ජුනි මස 24 වන සඳුදා


මහ වැස්සෙන් පීඩාවූවන්ට වහාම සහන පියවර ගනිමු

නිරිත දිග මෝසම් සමය සක්‍රීයවීමත් සමග මහවැසි සහ සැඬ සුළං ඇතිවීම බලාපොරොත්තු විය යුතුය. එහෙත් පැය 24 ක් වැනි සුළු කාලයක් ඇතුළත දී මිලිමීටර් 400 කට ආසන්න හෝ ඊටත් වැඩි හෝ වර්ෂාපතනයක් ඇතිවීම දරුණු ප්‍රතිවිපාක ඇතිකරවන අනපේක්ෂිත බරපතළ ආපදාවකි. පසුගිය ඉරිදා (02) අලුයම් කාලයේ දකුණු බස්නාහිර සහ සබරගමුව පළාත්වල බොහෝ ප්‍රදේශවාසීහු ආපදාවේ වින්දිතයෝ බවට පත්වූහ. දරුවන් දෙදෙනකු ඇතුළු 15 දෙනකුට මරණය අත්කර දෙමින් තවත් බොහෝ දෙනකුට උන්හිටි තැන් අහිමි කරවීමට තරම් එම ආපදා තත්වය උග්‍රවී තිබිණි.

ස්වාභාවික ආපදා කල් තබා ඇඟවීම් සිදුකර අනතුරු පැමිණෙන්නේ නැත. මෝසම් සමය සක්‍රිය වූ බව ප්‍රකාශ කරමින් කාලගුණ විද්‍යා දෙපාර්තමේන්තුව ගත වූ සති කිහිපය තුළදීම ඉහත කී පළාත්වලට දැඩි වර්ෂාපතනයක් ඇද හැලෙනු ඇති බවට අනාවැකි පළ කළේය. එහෙත් පැය 24 ක් තුළ මෙතරම් දරුණු වර්ෂාවක් ඇදහැලෙනු ඇති බවට අනතුරු ඇඟවීමක් සිදු නොවීය.

එවැනි අනතුරු ඇඟවීමක් කිරීමට කාලගුණ විද්‍යා දෙපාර්තමේන්තුවට හැකි වූයේ නම් සිදු වූ ජීවිත හානි කිහිපයක් හෝ වළක්වා ගැනීමට තිබූ බව අපගේ වැටහීමයි. මහවැසි ඇදහැලීමෙන් පසුව එහි බලපෑමට හසු වූ පළාත් වාසීන්ට එකී ප්‍රදේශවලින් වහා ඉවත්වන්නැයි ප්‍රකාශ නිකුත් කිරීමෙන් පළක් නැත. එවැනි ප්‍රකාශ අසා බලා ගැනීමට එකී ආපදා හමුවේ දැඩි අසරණභාවයට පත් වූ ජනතාවට හැකියාවක් ද නැත. ගේ දොර වතුපිටි දෝරේ ගලා උන්හිටිතැන් අහිමිවීමෙන් පසුව කාලගුණ නිවේදනවලට කන්දීමට වඩා එකී ආපදාවට මුහුණ දුන් අය ප්‍රමුඛත්වය ලබා දෙන්නේ තමන්ගේ ජීවිත හා දේපළ රැක ගැනීමටය. මේ නිසා  නිකුත් කරන ඕනෑම අනතුර ඇඟවීමක් අඩුම තරමින් පැය කිහිපයකට කලින් හෝ සිදු කිරීමට හැකියාවක් කාලගුණ විද්‍යා දෙපාර්තමේන්තුව සතු විය යුතුය. ආපදා කළමනාකරණ මධ්‍යස්ථානයට වුවද කල්තබා මෙහෙයුම් කටයුතු සඳහා සූදානම් වීමට ද එයින් ලැබෙන්නේ විශාල අනුබලයකි.

අපේ රට මුහුණ දී සිටින ආර්ථික අර්බුදයේ හැටියට ස්වාභාවික ආපදාව යනු ‘කොරේපිටට මරේ’ වැඩකි. විපතට පත්වන ජනතාවට සහන ලබාදීමටත් උන්හිටි තැන් අහිමි වන දරු පවුල්වලට ආහාර පාන ඇතුළු සහන ද විකල්ප නවාතැන් පහසුකම් ලබාදීමද සිදු විය යුතුය. ඊට අමතරව හානි පූරක වන්දි ලබාදීම් ද අවශ්‍යය. මේ සියල්ල කිහිප දෙනකු වෙනුවෙන් සිදු කිරීම අපහසු නොවුණත් විපතට පත්වන ජනතාව දහස් ගණනක් බවට පත් වනවිට එය රටට ඉතා බරපතළ ආර්ථික පීඩාවකි. බොහෝවිට සිදුවන්නේ වැස්ස නැවතී අහස පැහැපත් වන විට දුකට වැටුණ ජනතාව බොහෝමයක් බලධාරීන්ට ද අමතකවී යාමයි. ඉන්පසු එම ජනතාවට ඉතිරිවන්නේ දෙවියන්ගේ පිහිට පැතීම පමණි.

එම තත්වය වඩාත් සංකීර්ණ වීමට ප්‍රබල හේතුවක් වන්නේ රටේ යටිතල පහසුකම් පිළිබඳ සොයා බැලීමේ ලොකුම වගකීම පැවරී තිබෙන පළාත් පාලන ආයතනවල දේශපාලන ක්‍රියාකාරීත්වය සම්පූර්ණයෙන්ම ඇනහිට තිබීමයි. වසර ගණනාවක් තිස්සේ අකර්මණ්‍යව ඇති පළාත් පාලන ආයතන එම තත්වයට පත් කිරීමට කටයුතු කළ සියලුම දේශපාලන නායකයන් මේ සම්බන්ධයෙන් වග කිවයුතුය. ප්‍රාදේශීය සභා, නගර සභා පමණක් නොව මහනගර සභාවල පවා  මහජන නියෝජිතයන් සිටියානම් මෙවැනි ස්වාභාවික ආපදාවල දී පීඩාවට පත් වෙන ජනතාවට එසේ විශාල සහනයක් විය හැකිව තිබිණි. ආපදා කළමනාකරණ මධ්‍යස්ථාන සම්බන්ධීකරණය කිරීමේ දී පවා පළාත් පාලන මන්ත්‍රීවරුන් සිටියා නම් එය විශාල පහසුවකි. දේශපාලන වාසි වෙනුවෙන් අකර්මණ්‍ය කෙරුණු පළාත් පාලන ආයතන හේතුවෙන් දුක් විඳින්නේ පොදු මහජනතාව වීම ලොකුම ඛේදවාචකයයි. ස්වාභාවික විපත්වලින් වඩාත්ම පීඩනයට පත්වෙන්නේ අඩුආදායම්ලාභී පිරිස් බවද සඳහන් කළ යුතුය.

මහ වැසි සහ සුළං හේතුවෙන් ජීවිත හානිවූ සියලු දෙනා වෙනුවෙන් ඔවුන්ගේ සමීපතමයන්ට අපගේ සංවේගය පළ කරමු. විපතට පත් සියලු දෙනාට හැකි ඉක්මනින් සහන ලබා දීමට කටයුතු කරන්නැයි ඒ සමග බලධාරීන්ටද සිහිපත් කරමු. කෘත්‍රිම බුද්ධිය යොදා ගැනීම  ගැන කතාකරන රටක හරිහැටි නිවැරැදි අනාවැකියක් පළකර ගත නොහැකි කාලගුණ විද්‍යා දෙපාර්තමේන්තුවක් තිබීම ගැන කනගාටුවන බවද ඒ සමග කිව යුතුය.

(***)



අදහස් (1)

මහ වැස්සෙන් පීඩාවූවන්ට වහාම සහන පියවර ගනිමු

රුවන් පුෂ්පකුමාර Friday, 07 June 2024 09:58 AM

මෙරටට බලපාන ස්වාභාවික ආපදා අවම කිරීම හා ආපදා කළමනාකරණය විධිමත් කිරීම සඳහා ගත යුතු ක්‍රියාමාර්ග රැසක් පවතිනවා. එනම් ආපදා කළමනාකරණ මධ්‍යස්ථානය මගින් අනෙකුත් ප්‍රධාන ආයතන සමග එක්ව පර්යේෂණ හා සංවර්ධන කටයුතු ඉටු කිරීම, සූදානම් කරන ලද සැලසුම් පවත්වා ගැනීම, අවදානම් සහගත තත්ත්වයේ පසු වන ජනතාව සඳහා පූර්ව අනතුරු හැඟවීම් සහ හදිසි ප්‍රතිචාර දැක්වීම ප්‍රමුඛව කළ යුතුයි. මීට අමතරව ආපදා කළමනාකරණ ක්‍රියාකාරකම් ක්‍රියාත්මක කිරීම හා සම්බන්ධීකරණයට පහසුකම් සැපයීම දිස්ත්‍රික්ක, ප්‍රාදේශීය සහ ග්‍රාම නිලධාරී කොට්ඨාස මට්ටමින් දීප ව්‍යාප්තව ආපදා කළමනාකරණ කමිටු පවත්වාගෙන යා යුතු වෙනවා.

:       0       1

ඔබේ අදහස් එවන්න

කතුවැකිය

ප්‍රමිතියෙන් තොර ඖෂධ නිකුත් කිරීම ජාතික අපරාධයක්
2024 ජුනි මස 22 69 0

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළු


රටට අභිමානය උදාකළ උතුම් පොසොන් පෝය
2024 ජුනි මස 21 88 0

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාර


එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?
2024 ජුනි මස 20 459 2

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දර


වතු කම්කරු ජීවන අරගලය සාධාරණව විමසුමට ලක්කරමු
2024 ජුනි මස 19 121 1

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නො


පොහොර ටිකෙනුත් ගසාකන මොවුන්ට දඬුවම් නැද්ද?
2024 ජුනි මස 17 219 0

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 291 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 149 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1427 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3201 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site