IMG-LOGO

2024 ජුනි මස 17 වන සඳුදා


මන්ත්‍රීන් වගකීම පැහැර හැරීම තනතුර බාල්දු කිරීමක්

පාර්ලිමේන්තුව වරින් වර රටේ ප්‍රධාන මාතෘකාවක් බවට පත්වෙයි. හොඳ සහ නරක මාතෘකා දෙවර්ගයම සම්බන්ධයෙන් පාර්ලිමේන්තුව ජනතාවගේ විමසුමට ලක්වුණත් බොහොමයක් අවස්ථාවල නරක මාතෘකා හොඳ මාතෘකා අබිබවා යාම වර්තමානයේ දී නිරතුරුව දැකිය හැකිය.

පාර්ලිමේන්තුවේ සිටින්නේ රටේ මහජනතාවගේ ඡන්දයෙන් තෝරා පත්කර ගනු ලැබූ මහජන නියෝජිතයන් වුවද ප්‍රශ්න ඇසීමේ වාරය ලැබුණු අවස්ථාවේ මන්ත්‍රීවරුන් හත් දෙනකු පාර්ලිමේන්තුවට පැමිණ නොසිටීමේ සිද්ධියෙන්ද පෙන්වා දී ඇත්තේ නරක පූර්වාදර්ශයකි. ජනතාවගේ දැඩි කලකිරීමට හේතුවන ඔවුන්ගේ දැඩි විවේචනයට හසුවන මාතෘකාවකි.

පාර්ලිමේන්තුවේදී තමන්ට ප්‍රශ්න ඇසීමේ වාරය නොලැබෙන බවට ඇතැම් මන්ත්‍රීවරුන් කතානායකවරයාට දෝෂාරෝපණ කරන අවස්ථා ද අප දැක තිබේ. එවැනි අවස්ථාවල මන්ත්‍රීවරුන් ප්‍රකාශ කරන්නේ තමන්ට පාර්ලිමේන්තු මන්ත්‍රීවරුන් වශයෙන් ලැබෙන අවස්ථාව පැහැරගැනීමක් වශයෙනි. එය ජනතාවගේ අයිතිය පාගා දැමීමක් බවට ද ඔවුහු චෝදනා කරති. එහෙත් තමන්ට ලැබෙන අවස්ථාව භාවිතයට නොගැනීමෙන් මන්ත්‍රීවරුන් සිදුකරන්නේ තමන්ට බලය ලබාදුන් ජනතාවගේ අයිතිය පාගා දැමීමක් බව කනගාටුවෙන් වුවද පෙන්වාදීමට සිදුව තිබේ. එය මහජන නියෝජිතයන් වශයෙන් තමන්ට පැවරී තිබෙන වගකීම පැහැරහැරීමක් බව මන්ත්‍රීවරුන්ට නොදැනෙන්නේද? ඔවුන්ට නොදැනුණත් සිය ජනතාවට දැඩි ලෙස දැනෙන බව මන්ත්‍රීවරුන් දැනගත යුතු ය. පාර්ලිමේන්තුවට නොපැමිණීමට ඇතැම් මන්ත්‍රීවරුන්ට විවිධ හේතු තිබිය හැකි වුවද ප්‍රශ්න ඇසීමේ වාරය තමන්ට ලැබෙන බව දැන දැනම එය පැහැරහැරීම මන්ත්‍රීවරයකුට උචිත නොවන බව ද කිව යුතු ය.

මෙරට පාර්ලිමේන්තුව සම්බන්ධයෙන් බරපතළම විවේචනය එල්ල වූයේ පසුගිය අරගලය සමග බවද මෙහිදී සිහිපත් කරදීම අවැසිය. එහිදී දැඩිව ප්‍රකාශයට පත්වූ අදහසක් වූයේ පාර්ලිමේන්තුවේ 225 දෙනාම ගෙදර යැවිය යුතු බව ය. එය පාර්ලිමේන්තුවේ මන්ත්‍රීවරුන් තමන්ගේ වගකීම පැහැරහැර තිබෙන බවට ජනතාව තුළ පැවති දැඩි කෝපය සහ කලකිරීම පුපුරා ගිය අවස්ථාවකි. එයට පෙර සිදුවූ පාස්කු දින ප්‍රහාරයෙන් පසුව පාර්ලිමේන්තුව රැස්වූ අවස්ථාව ද ඇතැම් මන්ත්‍රීවරුන් පවා දැඩි ලෙස ආවේගශීලීව අදහස් ප්‍රකාශ කරනු දැකිය හැකි විය. එහිදී එක් මන්ත්‍රීවරියක, අද රටේ ජනතාව මුළු පාර්ලිමේන්තුවටම හෙණ ඉල්ලන තත්වයට පත්ව සිටින බව ප්‍රකාශ කළේ දැඩි සංවේගයකිනි. මේ කිසිවකින් හෝ ඇතැම් මන්ත්‍රීවරුන් තවමත් පාඩමක් ඉගෙන ගෙන නැත. එසේ පාඩම් මතක තිබේ නම් ජනතාව වෙනුවෙන් ප්‍රශ්න ඇසීමට තිබෙන අවස්ථාව මේ ආකාරයට නොසැලකිලිමත් ලෙස කටයුතු කරමින් මග හැර යන්නේ නැත.

පසුගිය සති අන්තයේ දී කොළඹදී පැවති උත්සවයකදී කොළඹ සරසවියේ නීති පීඨයේ මහාචාර්ය ප්‍රතිභා මහානාම හේවා මහතා කළ ප්‍රකාශයක සඳහන් වූයේ මූලික වගකීම් ඉටුකිරීම සම්බන්ධයෙන් පාර්ලිමේන්තුවේ සඵල බව දැඩි ලෙස අභියෝගයට ලක්වී තිබෙන බවය. මහාචාර්යවරයා එහිදී රැස්ව සිටි පිරිසගෙන් විමසා සිටියේ පාර්ලිමේන්තුව සැබෑ ලෙසම තම වගකීම් ඉටුකරන්නේද යන ප්‍රශ්නයයි. විශේෂයෙන්ම අණ පනත් ක්‍රියාත්මක කිරීම් සහ මූල්‍ය විනය පවත්වා ගැනීම් සම්බන්ධයෙන් නිසි කාර්යක්ෂම බවකින් කටයුතු කරන්නේද යන ප්‍රශ්නයද ඔහු විමසා තිබිණි. ඊළඟට මහාචාර්යවරයා ප්‍රකාශ කර තිබුණේ මහජනතාවගේ මූලික අභිලාෂයන් ඉටුකිරීම සම්බන්ධයෙන් පාර්ලිමේන්තුවේ කාර්යභාරය ගැන තමන් සෑහීමට පත් නොවන බව ය. එකම දවසේ මන්ත්‍රීවරුන් හත්දෙනකුම ප්‍රශ්න ඇසීමේ වාරය සඳහා පැමිණ නොසිටීම සම්බන්ධයෙන් මහාචාර්යවරයා දක්වන එකී අදහස දැඩි ලෙස අනුමත කිරීමට අප පොළඹවන බව ද පෙන්වා දෙමු.

අප මේ කරුණු පෙන්වා දෙන්නේ සද්භාවයෙන් යුතුව බව ද මෙහිදී සඳහන් කරමු. පාර්ලිමේන්තුවේ වරප්‍රසාද මන්ත්‍රීවරුන්ට ලබාදී ඇත්තේ රටේ මහජනතාව වෙනුවෙන් තම යුතුකම් සහ වගකීම් ඉටුකිරීමේ දී එල්ලවෙන බාධා හිරිහැර වළක්වා ගැනීමට මිස වගකීම් පැහැරහැරීම සඳහා යොදාගැනීමට නොවන බවද සඳහන් කළ යුතුය. වාහන පර්මිට් ලබාගැනීම සඳහා මන්ත්‍රීවරුන් දක්වන උනන්දුවෙන් අල්පමාත්‍රයක් හෝ මහජනතාව වෙනුවෙන් ප්‍රශ්න ඇසීමට යොදා නොගැනීම ඔවුන්ට ලජ්ජාවක් බව ද කිව යුතු ය.

 

(***)



අදහස් (0)

මන්ත්‍රීන් වගකීම පැහැර හැරීම තනතුර බාල්දු කිරීමක්

ඔබේ අදහස් එවන්න

කතුවැකිය

ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?
2024 ජුනි මස 15 127 0

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති ද


අයවැයෙන් වූ දේ දැනගැනීම ජනතාවගේ අයිතියක්
2024 ජුනි මස 14 69 0

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට


රටට හානිකරවන නිලධාරි කඹ ඇදිලි
2024 ජුනි මස 13 78 0

මහජනයාගේ මුදල් අවභාවිත කිරීම, සොරකම් කිරීම, නාස්ති කිරීම තරම් බරපතළ සාපරාධයක් තවත් නොමැත. එහෙත් අනාදිමත් කාලයක සිට මේ රට තුළ ඒ සියල්ල බරපතළ ලෙස සිදුවෙම


මාධ්‍ය නිදහස වෙනුවෙන් දුන් ඓතිහාසික නඩු තීන්දුවක්
2024 ජුනි මස 12 794 1

තොප්පියක් පැළද රත්නපුර මහ දිසාපති කාර්යාලයට ඇතුළු වුණැයි කියමින් මාධ්‍යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝ


ළමා නිවාස දැරියන් විකුණද්දී බලධාරීහු අහකබලා සිටියෝද?
2024 ජුනි මස 11 839 1

සමාජ සාරධර්ම බරපතළ ලෙස නාය යමින් තිබෙන ශාපලත් යුගයක් වෙත අපි පැමිණ සිටින්නෙමු. නැතහොත් එම යුගය උදාවීම වේගවත් වී තිබෙන්නකි. එකක් පසුපස එකක් වශයෙන් වාර්


විදුලි බිලේ සහනය ජනතා අපේක්ෂාව ඉටුකිරීමක්
2024 ජුනි මස 08 470 2

ලංකා විදුලි පනත් කෙටුම්පත වැඩි ඡන්ද 44කින් පාර්ලිමේන්තුවේදී සම්මත විය. ඒ සම්බන්ධ විවිධ මතවාද තිබුණද ලංකා විදුලි පනත් කෙටුම්පත පාර්ලිමේන්තුවේදී සම්මත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1304 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3022 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2482 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site