IMG-LOGO

2024 අප්‍රේල් මස 16 වන අඟහරුවාදා


බොටුව මිරිකීම නතර කර ජනතාවට සහනයක් දෙන්න

යුද සමයේ දී ‘‘මුදා නොගත් ප්‍රදේශ’’ යනුවෙන් විශේෂයෙන් නාමකරණය කරන ලද ප්‍රදේශ තිබිණි. එම ප්‍රදේශ පාලනය කරනු ලැබුවේ ත්‍රස්තවාදීන් විසින්ය. ත්‍රස්තවාදීන්ට අවශ්‍ය ලෙස එම ප්‍රදේශ පාලනය කරනු ලැබූ අතර සාමාන්‍ය ජනයාට සිදු වූයේ ත්‍රස්තවාදීන්ගේ ගිනි අවි ඉදිරිපිට අසරණව අඩදැණිව කල්ගත කිරීමටය.

යුද්ධය නිමාවී වසර පහළොවකට ආසන්න වුවද ‘‘මුදා නොගත් ප්‍රදේශ’’ යන නාමකරණය සිහිගන්වන රාජ්‍ය ආයතන රාශියක් අපට හමුවේ. ලංකා විදුලි බල මණ්ඩලය ඉන් ප්‍රධානය. ඒ බව පසක් කරවන ප්‍රවෘත්තියක් අප පුවත්පත ඉකුත් දා වාර්තා කළේය.

අප පුවත්පත වාර්තා කළ ප්‍රවෘත්තියෙන් කියැවුණේ ලංකා විදුලි බල මණ්ඩලය විදුලි ගාස්තු අඩු කිරීමට මහජන උපයෝගිතා කොමිසමට පසුගිය 22 වැනිදා යොමු කළ යෝජනාවක් පිළිබඳවය. එම යෝජනාවට අනුව විදුලි ගාස්තුව සියයට 14 කින් අඩු කිරීමට යෝජනා කර තිබේ. විදුලි බල මණ්ඩලය සියයට 3.34 කින් විදුලි ගාස්තු අඩු කිරීමට පසුගිය ජනවාරි මස ඉදිරිපත් කළ යෝජනාව හකුලා ගනිමින් මෙම නව යෝජනාව ඉදිරිපත් කළ බවද අප ප්‍රවෘත්තියේ වැඩිදුරටත් සඳහන්ය.

ප්‍රශ්නය එය නොවේ.

විදුලි බල හා බලශක්ති අමාත්‍ය කාංචන විජේසේකර පාර්ලිමේන්තුවේ දී ඉකුත්දා ප්‍රකාශ කළේ පසුගිය වසරේ ඔක්තෝබර් මස ඉහළ දැමූ විදුලි ගාස්තුව සියයට 18කින් අඩු කරන බවය. ඔක්තෝබර් විදුලි ගාස්තු ඉහළ දැමීමේ දී ඇතැම් ඒකක කාණ්ඩවලට සියට 18 කට වැඩි ප්‍රතිශතයකින් ගාස්තු ඉහළ දැමූ අතර අමාත්‍ය කාංචන විජේසේකර පාර්ලිමේන්තුවේදී කළ ප්‍රකාශයෙක් කියැවුණේ ඔක්තෝබර් මස විදුලි ගාස්තු ඉහළ දැමීමට පෙර තත්වයට ගාස්තු ගෙන එන බවය.

විදුලි බල හා බලශක්ති අමාත්‍යවරයා විදුලිය ගාස්තුව සියයට 18කින් අඩු කරන බව කියන විට විදුලි බල මණ්ඩලය කියන්නේ විදුලිය ගාස්තුව සියයට 14 කින් අඩු කරන බවය. ‘‘මේක යකාගේ ආණ්ඩුවක්නේ’’ යනුවෙන් ජනයා අතර ප්‍රචලිත කියමන මෙබඳු අණ්ඩර දෙමළ වැඩවලින් සිහියට නැගීම වැළැක්විය නොහැකිය.

ජනතාව ජීවත් වන්නේ ඉතාම අසීරුවෙන් බව යළි යළිත් සිහිපත් කළ යුතු නොවේ. කුණු බක්කි අවුස්සා කෑමට යමක් සොයන තත්වයට එම අඳුරු ඉරණමට රට පත්ව නොමැති වුවද එබඳු භයංකාර පතුළකට රට ඇද නොවැටේ යැයි සහතිකයක් ද නැත. කරන්ට් මිල ‘‘බල්ටි’’ ගසන්නට පටන් ගත්තේ එබඳු අසීරු තත්වයක ජනයා සිටින මොහොතකය.

පාඩම් කිරීමට විදුලිය අවශ්‍ය නැතැයි ද කුප්පි ලාම්පුවෙන් පාඩම් කළ හැකි යැයි ද විදුලි බල මණ්ඩලයේ මාධ්‍ය ප්‍රකාශකවරයා ප්‍රකාශ කර තිබිණි. 21 වැනි සියවසේ ජීවත් වුව ද ගල් යුගයේ සිතිවිලි හා ආකල්පවලින් පිරුණු මෙබඳු පන්නයේ නිලධාරීන්ගෙන් ජනතාවට සෙතක් - සහනයක් අපේක්ෂා කළ නොහැකිය.

විදුලි බල මණ්ඩලය මුදා නොගත් ප්‍රදේශයක් ලෙස හැඳින්විය යුත්තේ එහෙයිනි. මෙය තුළ ඉතා ප්‍රබල වෘත්තිය සමිති මාෆියාවක් ද ක්‍රියාත්මක වේ. නිලධාරීන් මෙන්ම වෘත්තිය සමිති නායකයන් සිය නිලතල මෙන්ම බල පුළුවන්කාරකම් පාවිච්චි කර ගනිමින් අති විශාල වරප්‍රසාද භුක්ති විඳින බවද නොරහසකි. විදුලි බල හා බලශක්ති අමාත්‍ය කාංචන විජේසේකර ප්‍රකාශ කර තිබුණේ විදුලි බල මණ්ඩලයේ නිලධාරීන් විවිධ පන්නයේ දීමනා 36ක් භුක්ති විඳින බවය. එම දීමනා 36න් කැබිනට් අනුමැතිය ලැබී ඇත්තේ දීමනා 26කට පමණක් බව ද අමාත්‍යවරයා ප්‍රකාශ කර තිබිණි. එහෙයින් අප යෝජනා කරන්නේ ජනතාවගේ බොටුව මිරිකා සුර සැප විඳීම වෙනුවට ජනතාවට සහන සලසන ලෙසය.

 

(***)



අදහස් (1)

බොටුව මිරිකීම නතර කර ජනතාවට සහනයක් දෙන්න

Bada burul Saturday, 09 March 2024 04:58 PM

හොරු සමග කම්මැලි ජනතාවත් පුවත්පත් එකතු වී ඇත...

:       0       0

ඔබේ අදහස් එවන්න

කතුවැකිය

වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 153 0

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 147 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 271 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 166 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 1004 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 904 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 140 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1422 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1347 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site