IMG-LOGO

2024 අප්‍රේල් මස 21 වන ඉරිදා


ගොවි ගැටලුවලට සැබෑ විසඳුමක් ඕනෑ

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. මහකනදරාව ඒකාබද්ධ ගොවි සංවිධානයේ ගොවීන් පිරිසකගේ සහභාගිත්වයෙන් පැවැති එම උද්ඝෝෂණය හේතුවෙන් අනුරාධපුර රඹෑව මංසන්ධියේ නොසන්සුන් තත්වයක් ද ඇති වී යැයි මාධ්‍ය ඔස්සේ වාර්තා විය.

මහකනදරාව වැවේ ජල යෝජනා ක්‍රමය දිනකට ඝන මීටර් 6,700ක ජල ධාරිතාවක් එකී ජලාශයෙන් ලබාගැනීමට නියමිත බව ද, ජලාශවලට ජලය ලැබෙන ක්‍රමයක් ස්ථාපිත නොකර එම ජල යෝජනා ක්‍රමය විවෘත කිරීමෙන් ප්‍රදේශයේ දරු පවුල් 5,000කට වැඩි සංඛ්‍යාවකට යන එන මං නැතිව අසරණ වන බව ද එම උද්ඝෝෂණයට සහභාගි වූ ප්‍රදේශවාසීන් ප්‍රකාශ කර තිබිණි. මේ හේතුවෙන් පානීය ජලය හිඟ වීමටත්, වී ගොවිතැනට අවශ්‍ය ජලය සපයා ගැනීමට නොහැකි වීමත් නිසා තමන්ට ජීවන අරගලයක නිරත වීමට සිදුවනු ඇතැයි උද්ඝෝෂකයන්ගේ ප්‍රකාශවල සඳහන් විය.

සංවර්ධන යෝජනා ක්‍රම රටකට අත්‍යවශ්‍යය. එවැනි යෝජනා ක්‍රමවලින් තොරව රටක් ආර්ථික දියුණුවක් කරා යොමු කරවීමට හැකියාවක් නැත. මේ බව අවබෝධ කරගත යුත්තේ දේශපාලකයන් පමණක් නොවේ. එම යෝජනා ක්‍රම ක්‍රියාත්මක ප්‍රදේශවල වෙසෙන ජනතාවට ද ඒ පිළිබඳ අවබෝධයක් තිබිය යුතුය. එවැනි යෝජනා ක්‍රම ක්‍රියාත්මක වීමේදී තාවකාලික අවශ්‍යතා සහ අසීරුකම්වලට මුහුණ දීමට ද ප්‍රදේශවාසීන්ට සිදු වෙයි. මහවැලි වැනි විශාල සංවර්ධන යෝජනා ක්‍රම ක්‍රියාත්මක කිරීමේදී මෙවැනිම අසීරුතාවලට මුහුණ දීමට ඒ පළාත්වල ජනතාවට සිදු විය. එහෙත්, එම යෝජනා ක්‍රම අත්හිටුවීමට සිදු නොවීය. එසේම, එම ජනතාව ද දිගටම එම අසීරුතාවලට මුහුණ නුදුන්හ.

එසේ වුව ද, මෙවැනි යෝජනා ක්‍රමයක් ක්‍රියාත්මක කිරීමේදී එහි බලපෑම්වලට හසුවන පළාත්වාසීන් ඒ පිළිබඳ දැනුවත් කිරීම ද අත්‍යවශ්‍ය කොන්දේසියකි. එහි ලොකුම වගකීම පැවැරෙන්නේ පළාතේ දේශපාලන නායකයන්ටය. ඔවුන් ජනතාව සම්බන්ධ කරගනිමින් යෝජනා ක්‍රමය පිළිබඳ දැනුවත් කර, මතු විය හැකි ප්‍රායෝගික දුෂ්කරතා සම්බන්ධව ද අවබෝධයක් ලබාදීමට කටයුතු කිරීම වඩාත් පිළිගත හැකි ක්‍රමයයි.

අනුරාධපුර මහකනදරාව වැව ප්‍රධාන ජල මූලාශ්‍රය කරගනිමින් ක්‍රියාත්මක කෙරෙන පානීය ජල ව්‍යාපෘතියේ පළමු අදියරේදී රඹෑව සහ මැදවච්චිය ප්‍රාදේශීය ලේකම් කොට්ඨාසවල පවුල් 25,000කට පමණ පානීය ජල අවශ්‍යතා සපුරාලන බව සඳහන්ය. එම යෝජනා ක්‍රමය විවෘත කිරීමේ උත්සවයේදී ජනාධිපති රනිල් වික්‍රමසිංහ මහතා ප්‍රකාශ කර තිබුණේ, ප්‍රදේශයේ කෘෂිකාර්මික කටයුතුවලට හානියක් වෙතැයි අනියත බියක් ඇති කරගත යුතු නොවන බවයි. එසේ නොවන බවට වගබලා ගන්නා බවත්, කෘෂිකාර්මික කටයුතු සඳහා අවශ්‍ය ජලය ලබාදීම මෙන්ම පානීය ජල අවශ්‍යතාව ද සපුරාලමින් එම ගැටලු දෙකම විසඳා දෙන බවටත් ජනාධිපතිවරයා පොරොන්දු වී තිබිණි.

මේ අතර, එම උද්ඝෝෂණය සංවිධාන කළ මහකනදරාව ඒකාබද්ධ ගොවි සංවිධානයේ භාණ්ඩාගාරික තුසිත සමන් මහතා ප්‍රකාශ කර තිබුණේ, ගොවීන්ගේ දැවැන්ත උද්ඝෝෂණයේ ප්‍රතිඵලයක් හැටියට අවසාන මොහොතේ ජනාධිපතිවරයා තමන් ඇතුළු කණ්ඩායමකට සාකච්ඡාවක් ලබාදුන්නත්, එම සාකච්ඡාව සාර්ථක වූයේ තරමක් දුරකට පමණක් බවය. තමන්ට ලැබුණේ පැලැස්තර උත්තර බවට ද ඔහු දෝෂාරෝපණය කර තිබිණි.

මෙයින් පැහැදිලි වන්නේ, රඹෑව උද්ඝෝෂණවලට හේතු වූ මහකනදරාව ගොවීන්ගේ ගැටලුවලට තවමත් අවසන් විසඳුමක් ලැබී නොමැති බවය. විසඳුමක් නොලැබුණු විට එම උද්ඝෝෂණ යළිත් කොයි මොහොතක හෝ ක්‍රියාත්මක වීමට ඉඩ තිබේ. තමන්ගේ කුඹුරු අස්වද්දා ගැනීමට අවශ්‍ය ජලය නොලැබී ගියහොත්, ගොවීන්ගේ ඉවසීමේ සීමා පනින්නත් ඉඩ තිබේ. එවැනි තත්ත්වයක් ඇති වීම වළක්වා ගැනීම අවශ්‍යය.

ඒ සඳහා ගොවීන් මුහුණ දී සිටින සැබෑ ගැටලු හඳුනාගෙන, ඒවාට පිළියම් යෙදීමේ අවශ්‍යතාව බලධාරීන් අවබෝධ කරගත යුතුය. ගොවීන් සැනසීමට බොරු විසඳුම් ලබාදීමෙන් මේ ගැටලු කවදාවත් විසඳාගත නොහැකි බව බලධාරීන් අවබෝධ කරගත යුතුය.

(***)



අදහස් (1)

ගොවි ගැටලුවලට සැබෑ විසඳුමක් ඕනෑ

Malaka Tuesday, 20 February 2024 09:20 PM

මෙම ගැටලුව ප්‍රදේශයේ එක්තරා දේශපාලන කණ්ඩායමක උසි ගැන්වීම් මත නොමග යැවීමක් හේතුවෙන් ඇති වූවකි. මහකනදරාව ජලාශයේ අනුමත වගා කළහැකි භූමි ප්‍රමාණය අක්කර 6500කී. නමුත් අනවසර ගොවීන් අක්කර 9000ක් වගා කරති. ජලාශයේ ධාරිතාව මහා කන්නයටත් යල කන්නයෙන් අඩක් වාගකරන්නත් සෑහේ. එනම් අක්කර 9750ක් අනුමත භූමිය වගාකල හැක. ඉතිරි ජල ප්‍රමාණය ජල ජීවින් සඳහා ජලාශයේ අවම ජල ප්‍රමාණය ලෙස රඳවා ගනී. වසරකට මෙම වැවෙන් වාෂ්ප වන ජල ප්‍රමාණය අක්කර අඩි 2000ක් වන අතර ජල සැපයුම සඳහා වසරකට අක්කර අඩි 1500ක් පමණ අවශ්‍යය. මෙම අවශ්‍යතාව සපුරාගැනීම සඳහා ව්‍යාපෘතිය ම්ගින් එරුවැව ඇළ සංවර්ධනය කර ඇති අතර එමගින් වසරකට අක්කර අඩි 2000කර වැඩි ප්‍රමාණයක් වැසි ජලය එක්රැස් වේ. එරුවැව මගින් ජලය ලබාගැනීම ද සිදුකළ හැක. උතුරු මහ ඇළ ව්‍යාපෘතිය නිමවන තෙක් මේ අයුරින් මහකනදරාව පෝෂණය වේ. ගැටලුව වන්නේ මහකනදරාව ජලාශයේ ඇළ මාර්ගවල කාර්යක්ෂමතාවය 45%පමණ වීමයි. මෙම ජල නාස්තිය අවම කර ගැනීමට ගොවීන්ට සහයවිමෙන් ජලාශයේ ජලය පහසුවෙන් බෙදා ගත හැක.. ජල කළමනාකරණ දැනුම නොමැතිකම ,ඒ සඳහා රාජ්‍ය නිලධාරීන් හා ගොවීන් එක්ව කටයුතු නොකිරීම දේශපාලන උසි ගැන්වීම හේතුවයි.

:       0       0

ඔබේ අදහස් එවන්න

කතුවැකිය

අපේ රට ජාත්‍යන්තරයට ගෙනගිය ලාංකීය පුත්‍රයෙක්
2024 අප්‍රේල් මස 20 205 0

මෙරටින් බිහි වූ විශිෂ්ට ලංකා පුත්‍රයෙක් මිහිමවට සමුදී අද නොඑන ගමන් යන්නේය. ඒ මෙරට විශාලතම රාජ්‍ය නොවන සංවිධානය බිහිකර ශ්‍රී ලාංකීය සමාජය සංවර්ධනය උදෙ


විදේශ සංචාරකයන්ට රට එපා කරවන අඳබාලයෝ
2024 අප්‍රේල් මස 19 516 1

ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො


ඓතිහාසික මිහින්තලය රැකගැනීම ජාතියේ වගකීමක්
2024 අප්‍රේල් මස 18 152 1

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම


මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 327 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 1006 5

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 212 1

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 240 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1562 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1463 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site