IMG-LOGO

2024 පෙබරවාරි මස 22 වන බ්‍රහස්පතින්දා


ග්‍රාමීය රෝහල් වැසී යන්න දෙනු එපා

දිවයින පුරා ග්‍රාමීය රෝහල් හතළිහක් මේ වනවිට වැසීගොස් තිබෙන අතර තවත් රෝහල් සියයකට ආසන්න ගණනක් වැසී යාමේ අවදානමක් පවතින බව සෞඛ්‍ය අමාත්‍යාංශයේ ඉකුත්දා පැවති රැස්වීමකදී සඳහන් වූ බව නොබෝදා අප පුවත්පතේ පළ වූයේය.

ප්‍රතිශතයක් ලෙස ගත්විට මෙරට ජනගහනයෙන් සියයට හැත්තෑවක් පමණ තවමත් වාසය කරනුයේ ග්‍රාමීය ප්‍රදේශවලයි. නාගරික ජනතාවට සාපේක්ෂව තවත් මෙරට ග්‍රාමීය ජනයා ජීවත් වනුයේ අඩු පහසුකම් යටතේය. ක්‍රම සම්පාදන, විදුලිය භාවිතය, දුරකතන සේවා, නළ ජල සැපයුම් සේවා, පරිගණක භාවිතය, ප්‍රවාහන සේවා, සාමාන්‍ය ආදායම යන කාරණා අතින් ගත්විට ග්‍රාමීය අංශය පවතින්නේ නාගරික අංශයට වඩා පහළ මට්ටමකයි.

රටේ සම්පත්වලින් වැඩි ප්‍රමාණයක් සියයට හැත්තෑවක් පමණ වූ ග්‍රාමීය ජනයාට අහිමි වෙද්දී සියයට තිහක් පමණ වූ නාගරික ජනතාව ග්‍රාමීය ජනයා පරදවා පහසුකම් භුක්ති විදින බව පෙනී යයි. සම්පත් ප්‍රති ව්‍යාප්තියේ වැඩි අසමාන බවක් ග්‍රාමීය හා නාගරික ජනයා ඇසුරින් පවතින බව මෙයින් පැහැදිලිය. දැන් මෙම අසමානතාව සෞඛ්‍ය හා වෛද්‍ය පහසුකම් ඇසුරින් ද සිදුව ඇති බව ග්‍රාමීය රෝහල් වැසී යාමේ තර්ජනයෙන් පෙනී යයි.

නිදහස් හා පොදු සෞඛ්‍ය රැකවරණ ක්‍රම අතින් ශ්‍රී ලංකාව දකුණු ආසියානු කලාපයේ සාමාන්‍ය සෞඛ්‍ය රැකවරණ පහසුකම් අතින් ඉහළ තත්ත්වයක පවතින රටකි. 1920 සිට මෙරට සෞඛ්‍ය පහසුකම් වැඩි දියුණුවීම නිසා මිනිසාගේ පරමායුෂ කාලය හෙවත් අපේක්ෂිත ආයු කාලය සෑහෙන මට්ටමකින් ඉහළ ගියේය. 1930දී අවුරුදු හතළිහක්ව පැවති අප රටේ අපේක්ෂිත ආයු කාලය මේ වනවිට අවුරුදු 75ක් පමණ දක්වා වැඩි වී ඇත්තේ වර්ධනය වූ සෞඛ්‍ය පහසුකම් නිසාය.

එසේම අසල්වැසි රටවලට වඩා මෙරට මරණ අනුපාතිකය සහ ළදරු මරණ අනුපාතිකය ඉතා අඩු මට්ටමකට පැමිණියේය.මෙම කාරණා හේතු කොට ගෙන සෞඛ්‍ය පහසුකම් අතින් ලෝකයේ රටවල්වලින් 70වැනි තැනට පත්වන්නට ශ්‍රී ලංකාව සමත් විය.

එසේ වුවද මුහුණ දුන් ආර්ථික අර්බුදය හමුවේ රටේ ජනයා දැඩි ඖෂධ හිඟයකට මුහුණ දුන්හ. ප්‍රමිතියෙන් තොර ඖෂධ වර්ග භාවිතයට පැමිණියේය. වෛද්‍යවරුන් සහ පලපුරුදු සෞඛ්‍ය සේවකයන් සේවය අතහැර යාම විදේශගත වීම යන ගැටලුවලට මුහුණ දෙන්නට මෙරට සෞඛ්‍ය ක්ෂේත්‍රයට සිදුවිය. මෙම අවාසනාවන්ත තත්ත්වය ඍජුවම බලපා ඇත්තේ ග්‍රාමීය රෝහල්වල සේවය ලබාගන්නා ග්‍රාමීය ජනයාටයි.

ශ්‍රී ලංකාවේ නිෂ්පාදන ආර්ථිකයේ සුවිශේෂ කොටසක් තවමත් ග්‍රාමීය ආර්ථිකය හා බැඳී පවතී. ඇඟලුම්, වාණිජ වතු වගා, අපනයන හැරුණු කොට ආර්ථිකයේ පදනම උසුලාගෙන සිටින්නේ ග්‍රාමීය ආර්ථිකයයි. එබැවින් ග්‍රාමීය ජනතාවගේ සෞඛ්‍ය පහසුකම්වලට රෝහල් වැසීයාම ඔස්සේ යම් තර්ජනයක් එල්ල වේ නම් එය රටේ ආර්ථිකයේ සුවිශේෂ නියෝජනයකට එල්ලවන මාරාන්තික ප්‍රහාරයක් වනු ඇත.

උතුරු පළාතේ සෑම දිස්ත්‍රික්කයකම ග්‍රාමීය රෝහල් මෙසේ වැසී ගොස් ඇති බව වාර්තා වේ. උතුරු පළාතේ ජනතාව වසර තිහක් තිස්සේ යුද්ධයෙන් බැට කෑ අය වෙති. යුද්ධය නිමාවී වසර දාහතරක් ගත වී ඇතත් ඔවුන්ගේ දායකත්වය රටේ ආර්ථිකයට උපරිම අයුරින් ඉවල් කරගත හැකි වාතාවරණයක් මෙතෙක් ගොඩනැගී නැත. එවන් අවදානම් අඩියක ඉන්නා ජනතාවකගේ මූලික සෞඛ්‍ය පහසුකම් අඩාලවීමේ තර්ජනයක් වෙතොත් ඒවා දැඩි ලෙස සැලකිල්ලෙන් වළකා ගත යුතුය.

වතුකරේ ග්‍රාමීය රෝහල්ද වැඩි වශයෙන් වැසීයාමේ තර්ජනයකට මුහුණදී ඇති බව වාර්තා වේ. වතුකර ජනයා රටේ අපනයන ආර්ථිකයට වැඩි දායකත්වයක් දරන්නෝය.

කෙසේ වුවද රටේ සියලු සම්පත් ආරක්ෂා කර ගැනීමට පෙර මානව සම්පත ආරක්ෂා කරගත යුතුය. එබැවින් වැසී යන ග්‍රාමීය රෝහල් ක්‍රියාකාරී මට්ටමට ගෙන රටේ ඵලදායී මානව සම්පත් රැක ගත යුතු වේ.

(***)



අදහස් (0)

ග්‍රාමීය රෝහල් වැසී යන්න දෙනු එපා

ඔබේ අදහස් එවන්න

කතුවැකිය

සංවර්ධන ව්‍යාපෘති කෙරෙහි නිරන්තර විමසුමක් ඕනෑ
2024 පෙබරවාරි මස 22 45 0

පාර්ලිමේන්තුව යනු රටේ උත්තරීතරම ආයතනය වේ. නීති සම්පාදනය කිරීමේ බලය, නීති සම්මත කිරීමේ බලය මෙන්ම රටේ මුල්‍ය පාලනය සම්බන්ධ බලය තිබීම පාර්ලිමේන්තුව එවැන


දරුවා පාසලට යැව්වාටම මදි නිරන්තර විමසිල්ලක් ඕනෑ
2024 පෙබරවාරි මස 21 242 0

‘‘ලොව හොඳම දේ දරුවන්ට’’ යැයි කීව ද, සම්මුති විරහිතව හිස් මුදුනින්ම එය පිළිගත්ත ද, අප රටේ දරුවන් ලොව නරකම දෙයෙහි පහසුම ගොදුරු බවට පත්ව ඇති බව ඒකාන්තය. වාර


තෙල් සමාගමේ හොරුන් දඬුකඳේ ගහන්න ඕනෑ
2024 පෙබරවාරි මස 20 1022 2

සාමාන්‍යයෙන් අමාත්‍යවරයකු විසින් තම අමාත්‍යාංශයේ සිදුවන දූෂිත හෝ වංචනික ක්‍රියාවක් සම්බන්ධයෙන් හෙළිදරව් කරනු ලබන්නේ කලාතුරකිනි. එසේ කලාතුරකින් වන


ගොවි ගැටලුවලට සැබෑ විසඳුමක් ඕනෑ
2024 පෙබරවාරි මස 19 167 0

උතුරු ප්‍රදේශයට මහකනදරාව වැවේ ජලය මුදාහැරීමේ උත්සවයට ජනාධිපති රනිල් වික්‍රමසිංහ මහතා පැමිණ සිටියදී, එහි ප්‍රදේශය අවට විශාල උද්ඝෝෂණයක් පැවැත්විණි. ම


විදුලිය විසන්ධි කිරීමට නීතිය අකුරටම ක්‍රියාත්මක කළ යුතුද?
2024 පෙබරවාරි මස 17 820 1

රුපියල් දහතුන් දහසක විදුලිය බිල ගෙවා ගැනීමට නොහැකිව නිවෙසේ විදුලිය විසන්ධි කිරීම හේතුවෙන් පුතාට හා දියණියට පාඩම් කිරීමට අසල්වැසි නිවෙසකින් විදුලිය


පොහොර හොරුන්ට ඉහළම දඬුවම් දෙනු
2024 පෙබරවාරි මස 16 290 0

රටේ ජනතාවට බෙදා දීමට මෙරටට ගෙන්වන ලද සහනාධාර පොහොරවලින් රුපියල් කෝටි 100කට අධික මුදලක් වංචා කිරීම සම්බන්ධයෙන් වගකිවයුතු සමාගම් ප්‍රධානීන් 10 දෙනකු පමණ ළ


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 176 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 239 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 256 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site