IMG-LOGO

2024 අප්‍රේල් මස 21 වන ඉරිදා


කුඩා තේ වතු හිමියන්ට සහනයක් දිය නොහැකිද?

රටේ ආර්ථිකය තවමත් තිබෙන්නේ මරණ මංචකයේය. කොවිඩ් මාරක වසංගතයත් මෙරට පාලකයන් ගත් අනුවණ උද්ධච්ච තීන්දු තීරණත් හේතුවෙන් බිඳ වැටුණු ආර්ථිකය එසේ එකවර වේගයෙන් නගා සිටුවීමට ද නොහැකිය. එය ක්‍රමික ගමනකි. එම ගමනේදී ඉදිරියේදී ඇතිවිය  හැකි බාධා, අභියෝග සම්බන්ධ අවධානයෙන් ද සිටිය යුතුය.

මාස හයකට අධික කාලයක් පැවැති වර්ෂාව සහ මාසයකට අධික කාලයක් තිස්සේ පවතින වියළි කාලගුණය හේතුවෙන් මාතර දිස්ත්‍රික්කයේ තේ අක්කර 3,000ක් පමණ විනාශ වී ඇතැයි කුඩා තේවතු හිමියන් පවසන බව අප පුවත්පත ඉකුත්දා වාර්තා කළේය. කුඩා තේ ඉඩම්වල තේ  දලු පලදාව ඉතා ශීඝ්‍රයෙන් පහත වැටී ඇති  බව ද එම ප්‍රවෘත්තියේ සඳහන් ය.

සොබා දහම ඉතා නිර්දය ලෙස පහර දෙමින් සිටින බව ඉතා පැහැදිලි ය. එහෙත් එම ප්‍රහාරයට  මුහුණ දීම හැර අන් විකල්පයක් අපට නැත. මුහුණ දීම යනු ප්‍රහාරයට ඔරොත්තු දෙමින් සිටීම නොවේ. විකල්ප විසඳුම් සොයමින් එයට මුහුණ දීමය. නිලධාරීන්ගේ වගකීම වන්නේ හෙට දවස සම්බන්ධයෙන් නිවැරැදි පුරෝකථන කරමින් එළැඹෙන තත්වයට ශක්තිමත්ව මුහුණදීම සඳහා අවශ්‍ය පදනම සකස් කිරීම ය.

මාතර දිස්ත්‍රික්කය ඇතුළු රටේ පළාත් ගණනාවකට මාස හයකට වඩා වැඩි කාලයක් වැස්ස ඇද වැටුණේය. වැස්ස සම්පතක් වුවද එය සම්පතක් කර ගැනීමේ  දියුණු වැඩ පිළිවෙළක් අප රට  සතුව නැත. ප්‍රතිඵලය වූයේ ගම් - බිම් යට කරමින් වගා බිම් පාළු කරමින් වැසි දිය ගලායාමය.

දැන් නියඟය එළැඹ තිබේ. එයට දැන් මසකටත් වඩා වයසය. …මෙම නියඟය තව කොතෙක් කලක් අල්ලාගෙන ඉඳීවි දැයි කිව නොහැකිය. ප්‍රතිඵලය වී තිබෙන්නේ තේ අක්කර 3000ක් විනාශ වී යාමය. මෙම ගණන අද දවසට සාපේක්ෂවය. හෙට දවසේ තත්වය තවත් බිහිසුණු විය හැකිය.

නිල්වලා ගඟේ ලවණ බාධකය නිසා ජලය බැස නොයෑම හේතුවෙන් තේ ගස් විනාශ වී ඇති බවත්  දලු අස්වැන්න අඩුවීමෙන් දලු නෙළන්නන්ට දෛනික කුලිය ගෙවීමට පවා නොහැකි වී ඇති බවත් අකුරැස්සේ කුඩා තේ වතු හිමියකු වන ඥානසිරි සමරවික්‍රම මහතා අප පුවත්පතට ප්‍රකාශ කර තිබිණි. අධික වියළි කාලගුණය නිසා අක්කරයක් පුරා ඇවිද්දත් තේ දලු කිලෝ 20 ක්වත් කැඩීමට නොහැකිවීමෙන් කුඩා තේ ඉඩම් හිමියන්ට දිනක වැටුප පවා ගෙවා ගැනීමට නොහැකි වී ඇති බවත් දලු මිල පහත වැටීම පොහොර ඇතුළු අනෙකුත් වියදම් ඉහළ යාම හේතුවෙන්  අමු දලු අස්වැන්න බොහෝ සෙයින් අඩු වෙමින් ඇති බවත් කුඩා තේ වතු හිමියන් ප්‍රකාශ කරන බව අප ප්‍රවෘත්තියෙහි වැඩිදුරටත් සඳහන්ය.

අප රටට විදේශ විනිමය උපයන ප්‍රධාන  භෝගයකට අත්වී ඇති ඉරණම ඉතා පැහැදිලිය. මෙම සංඛ්‍යා ලේඛන මාතර දිස්ත්‍රික්කයට අදාළවය. වෙනත් දිස්ත්‍රික්කවල තත්වය ද විමසා බැලිය යුතුය.

කුඩා තේ වතු හිමියන් යන නාමකරණයෙන් ම ඔවුන්ගේ තත්වය පැහැදිලි ය. එහෙයින් ඔවුන්ට මෙවන් ව්‍යසන සමග හැප්පෙන්නට නොහැකිය. එමෙන්ම එම කුඩා තේ වතු හරහා පවුල් ලක්ෂ කීයක් යැපෙන්නේද යන්න විමසිය යුතුය. කුඩා තේවතු හිමියන්ට ආදායම් නැත. කම්කරුවන්ට වැඩ නැත. එය එසේ වනවිට ඔවුන් හා ඔවුන්ගේ යැපෙන්නන් ජීවත්වන්නේ කෙසේ දැයි යන්න මගහැර යා නොහැකිය. එහෙයින් ඒ සම්බන්ධයෙන් බලධාරීන්ගේ අවධානය නොපමාව යොමුවිය යුතු ය.

(***)



අදහස් (1)

කුඩා තේ වතු හිමියන්ට සහනයක් දිය නොහැකිද?

sam Saturday, 02 March 2024 10:30 PM

මාස හයකට අධික කාලයක් පැවැති වර්ෂාව සහ මාසයකට අධික කාලයක් තිස්සේ පවතින වියළි කාලගුණය තේ වගකිරීමට සහ වෙනත් වගාකිරීමට අවශ්‍ය ජල ගැටලුව විසඳීමට පළමුව කළයුතුවේ. මාස හයකට අධික කාලයක් පැවැති වැසි නිසා හෝ වැසි කාලයේ ලබෙන්නා වූ ජලය එක්රැස් කිරීම සඳහා කුඩා, මධ්‍යම සහ විශාල වැව් නිර්මාණය කරගැනීම සඳහා ප්‍රදේශය මට්ටමින් සිටිනා නිලධාරීන් සහ ගොවින් එක්ව වියළි කාලයේදී ජලය ලබාගන්න ක්‍රමවේදයක් පිළිබඳව සකච්ජා කර ඔවුන්ගේ විසඳුම රජයට ඉදිරිපත්කළ යුතුවේ. වැව් තනා ගැනීම සඳහා අවශ්‍ය කරන්නාවූ සහාය (හමුදාවන් යොදවා) හෝ ලබාදුන් පසු ජලය කළමනාකරණය කර ගැනීම පිළිබඳව ප්‍රදේශය නිලධාරීන් සහ ගොවීන් එක්ව ක්‍රමව්දයක් සැකස කරගත යුතුව තිබේ. ඒ සඳහා කුඩා තේවතු හිමියන්ටද රජයට සහයෝගය ලබාදිය හැකිවේ. රජයෙන් සියල්ල නොමිලයේ ලබාදෙන තුරු බලා නොසිටිය යුතුවේ. මේ වනවිට ගෝලීය වශයෙන් පවතින් කාලගුණික වෙනස්වීම් හමුවේ කලහැකි වන්නේ කුමක්ද ? ගෝලීය වශයෙන් සිදුවන මිනිස් ක්‍රියාකාරකම් නිසා සොබාදහම ඉතා නිර්දය ලෙස පහර දෙමින් සිටින බව ඉතා පැහැදිලියි. සංවර්ධනය ලෝකයට අවශ්‍ය නමුත් සැලසුම් නොමැති සංවර්ධනය යනු විනාශයට මූලිකම කාරණයකි...

:       0       0

ඔබේ අදහස් එවන්න

කතුවැකිය

අපේ රට ජාත්‍යන්තරයට ගෙනගිය ලාංකීය පුත්‍රයෙක්
2024 අප්‍රේල් මස 20 208 0

මෙරටින් බිහි වූ විශිෂ්ට ලංකා පුත්‍රයෙක් මිහිමවට සමුදී අද නොඑන ගමන් යන්නේය. ඒ මෙරට විශාලතම රාජ්‍ය නොවන සංවිධානය බිහිකර ශ්‍රී ලාංකීය සමාජය සංවර්ධනය උදෙ


විදේශ සංචාරකයන්ට රට එපා කරවන අඳබාලයෝ
2024 අප්‍රේල් මස 19 525 1

ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො


ඓතිහාසික මිහින්තලය රැකගැනීම ජාතියේ වගකීමක්
2024 අප්‍රේල් මස 18 153 1

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම


මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 327 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


වෛද්‍ය විද්‍යා අධ්‍යාපනය තවත් පුළුල් කළ යුතුයි
2024 අප්‍රේල් මස 16 1013 5

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව


අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 213 1

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 240 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1564 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1464 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site