IMG-LOGO

2024 ජුලි මස 14 වන ඉරිදා


ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති දුර්භාග්‍ය සම්පන්න අත්දැකීම්වලට මෙරට වැසියනට නිරන්තයෙන්ම මුහුණ දීමට සිදුවීම එයට හේතුවය. එය වූ කලී අත්‍යන්තයෙන්ම මානව ආපදාවකි. ඛේදවාචකයකි. ඒ බැව් පසක් කරන පුවතක් අප පුවත්පත ඊයේ වාර්තා කළේය.

අප පුවත්පත වාර්තා කළ ප්‍රවෘත්තියෙන් කියැවුණේ පසුගිය 2022 සිට 2029 දක්වා කාලයේදී ලියාපදිංචියට ඉදිරිපත් කෙරුණු ඖෂධ 1730කින් 1646ක්ම ජාතික ඖෂධ තත්ව ආරක්ෂණ පර් යේෂණාගාරයට ඉදිරිපත් කර නොතිබූ බවය. එය මුළු සාම්පල්වලින් සියයට 95ක ප්‍රතිශතයක් බවද සඳහන්ය.

ප්‍රවෘත්තියට පාදක වූයේ 2022 සහ 2023 වර්ෂවල ඖෂධ අවශ්‍යතාව ප්‍රසම්පාදනය, සැපයුම, බෙදාහැරීම සහ නියාමනය පිළිබඳ විශේෂ විගණන වාර්තාවය.

ඖෂධ අවශ්‍ය වන්නේ රෝගීන්ටය. රෝග විවිධාකාරය. එමෙන්ම ප්‍රමාණයද විවිධය. නියමිත මාත්‍රාවට ඖෂධ ලබා දෙන්නේ එහෙයිනි.  රෝගියාට දෙනු ලබන ඖෂධය නියමිත ප්‍රමිතියෙන් යුක්තදැයි පරීක්ෂා කර බැලිය යුතුය. ඒ සඳහා වන ආයතනයක් රටේ තිබේ. ජාතික ඖෂධ තත්ව ආරක්ෂණ පර් යේෂණාගාරය යනු ඒ ආයතනය වේ.

කොයි දීපංකරයෙන් ඖෂධ ආනයනය කළද, මෙරට නිෂ්පාදනය කළද එම ඖෂධ නියමිත ප්‍රමිතියෙන් යුතුදැයි ඉහත ආයතනයට යොමුකර පරීක්ෂා කර  බැලිය යුතුය. රටට සෞඛ්‍ය අමාත්‍යාංශයක් මෙන්ම සෞඛ්‍ය සම්බන්ධ විශේෂඥ දැනුමක් සහිත නිලධාරීන් සිටින්නේ එහෙයිනි. එහෙත් ඖෂධ අවශ්‍යතාව, ප්‍රසම්පාදනය, සැපයුම, බෙදාහැරීම හා නියාමනය පිළිබඳ විශේෂ විගණන වාර්තාවේ සඳහන් වන්නේ 2022 සිට 2023 දක්වා කාලයේ ලියාපදිංචියට පැමිණි ඖෂධ 1730 කින් 1646 ක්ම අදාළ පර් යේෂණාගාරයට ඉදිරිපත් කර නැති බවය.

පෙනෙන පරිදි නම් මෙය වූ කලී නොසැලකිල්ල නොවේ. එක්කෝ ඖෂධ නිෂ්පාදනය කළ සමාගම්වල අවශ්‍යතාව පිණිසය. ඒ වෙනුවෙන් කෝටි ප්‍රකෝටි ගණනින් සන්තෝෂම් ලැබුවා වන්නටද බැරි නැත. කෙසේ වුවද මෙය සමූහ ජන සංහාරයකින් වෙනස් වන්නේ නැත. නියමිත පරීක්ෂණවලට බඳුන් නොවී රෝහල්වලට, වෙළෙඳපොළට නිකුත් කළ ඖෂධ නිසා සදාකාලික රෝගී බවට හා මරණයට පත්වූ අපේම රටේ ඇත්තන්ගේ ගණන කොතෙක් වන්නට ඇද්ද? ඒ ලැයිස්තුවේ ඊළඟ බිල්ල බවට පත්විය හැකි පුරවැසියන් ගණන කොතෙක් විය හැකිද? මෙය සමූහ ජන සංහාරයකින් වෙනස් නොවන්නේ එහෙයිනි.

රටක පුරවැසියන් පරීක්ෂණාගාර මීයන් බවට පත් කර ඇත්නම් එම පුරවැසියන්ට ඊටත් එහා ගිය තවත් ඛේදවාචකයක් නැත. ඇඟට - පතට ඍජුව නොදැනුණද මෙරට පුරවැසියා ජීවත් වන්නේ ඛේදවාචකයක් තුළය.

ඉහත විගණන වාර්තාවට අනුව 2022 ජනවාරි සිට 2023 සැප්තැම්බර් දක්වා කාල පරිච්ඡේදයේ දී ජාතික ඖෂධ තත්ව ආරක්ෂණ පර් යේෂණාගාරය ඖෂධ සාම්පල 76 ක් විශ්ලේෂණය කර ඇති අතර ඉන් සාම්පල 16 ක් තත්වයෙන් බාලය.

අප මුහුණ දී සිටින ඛේදවාකයේ දිග පළල ඉන් මැනවින් වටහාගත හැකිය. මේ මහා ඛේදවාචකයට රට ඇද දැමුවෝ කවරහුද? ඒ කවුරු වුවද තරා තිරම් බේදයක් නොසලකා දඬුවම් කළ යුතුය. අපගේ නිර්දේශය වන්නේ රජකාලේ දඬුවම් දිය යුතු බවය.

(***)



අදහස් (0)

ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?

ඔබේ අදහස් එවන්න

කතුවැකිය

පැනියාවලින් රටට දුන් අගනා ආදර්ශය
2024 ජුලි මස 13 236 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 164 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 88 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1156 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 181 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 362 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 7 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1786 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site