IMG-LOGO

2025 අප්‍රේල් මස 22 වන අඟහරුවාදා


ඖෂධ ජාවාරමුන්ගෙන් ජනතාව බේරාගන්න ක්‍රමයක් නැද්ද?

අප රටේ ජනතාවට වැඩි වශයෙන් කෑමට බීමට තිබෙන්නේ වස මුසු ආහාරපානය. එමෙන් ම ඉතා අපිරිසුදු ලෙස ඇසුරුම් කරන ලද ආහාරපාන ය. ලෙඩට දුකට ගැනීමට තිබෙන්නේ ප්‍රමිතියෙන් තොර බාල ඖෂධ ය. මෙම බාල ඖෂධ භාවිතයෙන් සුසාන භූමියෙන් මෙපිට විසඳුමක් නැත. එහෙත් මෙම ශාපලත් ඉරණම වෙනස්වන ආකාරයක් පෙනෙන්නට නැත. අප පුවත්පත ඉකුත් දා වාර්තා කළ එක් ප්‍රවෘත්තියක් එයට කදිම නිදසුනකි.

රාගම මහ රෝහලේ පිළිකා රෝගී ප්‍රතිකාර ඒකකය අසල මාර්ගයේ යතුරුපැදියක සිට පිළිකා ඖෂධ අලෙවි කිරීමේ නිරතව සිටි බව කියන ජංගම වෙළෙන්දකු සිය බාරයට ගත් බව ජාතික ඖෂධ නියාමන අධිකාරියේ ගම්පහ දිස්ත්‍රික් කාර්යාලය සඳහන් කරන බව අප ප්‍රවෘත්තියේ සඳහන් ය.

ජංගම කෑම කඩ, ජංගම ගණිකා නිවාස පිළිබඳ ඕනෑතරම් අත්දැකීම් මෙරට ජනයා සතු ය. එහෙත් ජංගම ෆාමසි පිළිබඳ ප්‍රවෘත්ති ඉතා විරළ ය. මේ රට කෙතරම් ‘‘මාෆියාකරණයට’’ ලක්වී ඇද්ද යන්න මෙමගින් පැහැදිලි ය.

අප ප්‍රවෘත්තියට අනුව යතුරුපැදියේ ශීත පෙට්ටියක අසුරා ඖෂධ අලෙවි කළ එම පුද්ගලයා ආහාර හා ඖෂධ පරීක්‍ෂකවරුන්ගේ බාරයට ගෙන ප්‍රශ්න කර ඇති අතර, පිළිකා රෝගීන්ට දෙන මෙම ඖෂධ වර්ග අලෙවි නියෝජිතයකු තමාට දෙන බව පවසා ඇත. තමන් හමුවට යොමු කරනු ලබන රෝගීන්ට එම ඖෂධ අලෙවි කරන බව ද ඔහු පවසා තිබේ. එම පුද්ගලයා සතුව තිබී රුපියල් ලක්‍ෂ 5 ක් පමණ වටිනා පිළිකා එන්නත් සහ ඖෂධ වර්ග 16ක් ද සොයාගත් බව ජාතික ඖෂධ නියාමන අධිකාරියේ ගම්පහ දිස්ත්‍රික් කාර්යාලයේ ආහාර හා ඖෂධ පරීක්‍ෂක නීතිඥ වික්‍රමසේකර බණ්ඩාර මහතා අප පුවත්පතට පවසා තිබේ.

පිළිකා රෝගය සම්බන්ධයෙන් දැඩි නීතියක් සමාජය තුළ වේ. එහෙයින් තම රෝගියා සුවපත් කර ගැනීම සඳහා සියලු සේසත වුව වැය කිරීමට බොහෝ දෙනෙක් පෙළඹී සිටිති. ජාවාරම්කරුවන් ප්‍රයෝජනයට ගන්නේ එම අහිංසක මිනිසුන්ගේ ජීවිතාපේක්‍ෂාවන් ය. මිනිස් ජීවිත සමග මෙසේ සෙල්ලම් කිරීම මහ පොළොව නුහුලන අපරාධයකි.

ජංගම පිළිකා ඖෂධ වෙළෙන්දා පවසා ඇත්තේ තමන් වෙත යොමු කරනු ලබන රෝගීන්ට එම ඖෂධ ලබාදෙන බව ය. මෙතැන බරපතළම ප්‍රශ්නය වනුයේ එම වෙළෙන්දාට රෝගීන් යොමු කරන්නේ කවුරුන් ද යන්න ය. රෝහල තුළින් එම යොමු කිරීම කරන්නේ ද යන්න සාධාරණ සැකයකි. එය එසේ නම් එය ඉතා බරපතළ තත්ත්වයකි. රෝහලේ ඖෂධ නැතැයි කියා ඒවා පිටතින් මිලදී ගත යුතු බව පවසා මෙම වෙළෙන්දා වෙත යොමු කර ජාවාරම සිදු කර තිබේ ද යන්න සොයා බැලිය යුතු ය. එමෙන්ම වෙළෙන්දා සතුව තිබූ ඖෂධ රෝහලෙන් පන්නාගත් ඖෂධ ද යන්න විමර්ශනය කළ යුතු ය.

රෝහලේ නොමැති ඖෂධ රෝහලේ ඉදිරිපස ඇති ෆාමසිවල තිබෙන බව ප්‍රසිද්ධ රහසකි. රෝහල්වල ඖෂධ නොමැතිනම් එම ඖෂධ ෆාමසිවල තිබෙන්නේ කෙසේ ද? එමෙන්ම එම ඖෂධ අලෙවි කරනු ලබන්නේ ද ඉතා අධික මිල ගණන්වලට ය. එම මිල ගණන් සාමාන්‍ය ජනයාට කිසිසේත්ම දරාගත නොහැකි ය. එම අසරණ රෝගීන්ට සිදුවන්නේ මරණය පැමිණෙනතුරු බලා සිටීමට ය.

මෙරට ජනයාගේ මෙම කුරිරු ඉරණම වෙනස් කිරීමට ගතයුතු සෑම ක්‍රියාමාර්ගයක් ම සෙසු සියලු කටයුතු පසෙකලා ගත යුතු ය. මිනිස් ජීවිත සමග මෙසේ නින්දිත ලෙස සෙල්ලම් කරන සියලු මාෆියාකරුවන්ට ඉහළම දඬුවම් දිය යුතු ය.

(***)



අදහස් (1)

ඖෂධ ජාවාරමුන්ගෙන් ජනතාව බේරාගන්න ක්‍රමයක් නැද්ද?

sam Wednesday, 06 December 2023 05:17 AM

රෝහලේ නොමැති ඖෂධ රෝහලේ ඉදිරිපස ඇති ෆාමසිවල අධික මිල ගණන්වලට විකිණේ නම් එවැනි දුෂිත කටයුතු නැවැත්වීමට ගතයුතු පියවර කුමක්ද? විසඳුම කුමක්ද? පොලීසිය යොදවා එවැනි ආයතන පරික්ෂා කිරීම විසඳුමක්ද? මෙවැනි ගැටළු සඳහා රජය විසඳුම් ඉදිරිපත් නොකරන තුරු දූෂිත කටයුතු සිදුවේ.

:       0       0

ඔබේ අදහස් එවන්න

 

 
 

කතුවැකිය

බලවත් විපක්ෂයක් අවශ්‍ය ඇයි?
2024 ඔක්තෝබර් මස 07 1338 0

අලුත් පාර්ලිමේන්තුවක් සඳහා ලබන නොවැම්බර 14 වන දින ඡන්දය දිය යුතුය. ඡන්දය දිය යුත්තේ ජනාධිපති අනුර කුමාර දිසානායකට ශක්තිමත් ආණ්ඩුවක් ලබා දීමට යැයි ඇතැම


ජ්‍යෙෂ්ඨ පුරවැසි තැන්පතු පොලිය තවත් වැඩිකළ නොහැකි ද?
2024 අගෝස්තු මස 08 823 1

ජ්‍යෙෂ්ඨ පුරවැසියන්ගේ ස්ථාවර තැන්පතු සඳහා ගෙවමින් තිබූ විශේෂ පොලී අනුපාතිකය කාලක් තිස්සේ ගෙවීම අත්හිටුවා තිබිණි. එම ගෙවීම නැවත ක්‍රියාත්මක කිරීම සඳ


ජනපතිවරණ මුදල් නාස්ති කරන්න දෙනු එපා
2024 අගෝස්තු මස 07 344 0

මැතිවරණ උණුසුම රළ නගමින් තිබේ. රටේ ප්‍රධාන පුරවැසියා තෝරා පත්කර ගන්නා මැතිවරණය වන හෙයින් උණුසුම තියුණුය. මෙම ජනාධිපතිවරණයේ දී රටේ පුරවැසියෝ 17,140,354 ක් ඡන


ගුරු සමාජය කිලිටිකරන ගුරු ද්‍රෝහීන් පිටමං කරමු
2024 අගෝස්තු මස 06 750 0

සමාජය විවිධය. විසමය. එමෙන්ම එය විෂෙන් පිරුණකි. වැඩිහිටියාට පෞද්ගලික අත්දැකීම් ඇසුරෙන් ද සමාජ සිදුවීම් ඇසුරෙන් ද තම තම නැණ පමණින් එය අවබෝධ කර ගැනීමේ හැක


දැයට සමයට වස්තුවක් වූ අපේ පොඩි හාමුදුරුවෝ
2024 අගෝස්තු මස 05 368 0

සසුනඹර පොබ කළ අති ශෝභමාන සංඝ පීතෘවරයාණන් වහන්සේ නමක ලෙස දෙස් විදෙස් පතළ මහා කීර්ති කදම්බයෙන් අනූන බස්නාහිර පළාතේ ප්‍රධාන සංඝ නායක, කොළඹ ගංගාරාම විහාරා


දේශපාලක නම කෙ​ලෙසීමට ගැත්තන්ට ඉඩදෙනු එපා
2024 අගෝස්තු මස 03 477 1

රුපියල් ලක්ෂ පහළොවක මුදලක් අල්ලස් වශයෙන් ලබාගත් බව කියන වෙළෙඳ හා සමුපකාර රාජ්‍ය අමාත්‍ය සතාසිවම් වියලේන්දිරන් මහතාගේ සම්බන්ධීකරණ ලේකම්වරයකු යැයි ක


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 505 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 289 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 442 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site