තිස්සගේ මතක වත-119
මට විරුද්ධව මහාධිකරණයේ පවරල තිබුණු නඩුව ඉල්ලා අස්කර ගත්තට පස්සේ මාව සම්පූර්ණයෙන්ම ඒ නඩු කටයුත්තෙන් නිදහස් වුණා. ඊට පස්සේ හැමෝම වගේ කතා කළේ ආපසු කොහොමද මං ක්රියාකාරී දේශපාලනයට අවතීර්ණ වෙන්නේ කියලා. එක්සත් ජාතික පක්ෂය, පොදුජන පෙරමුණ, ශ්රී ලංකා නිදහස් පක්ෂය හැමෝම වගේ මේ ගැන බලාගෙන ඉඳපු බව යම් යම් කාරණා වලින් මට තේරුම් ගියා. මගේ නඩුව කාලය තුළ මම කිසිම පක්ෂයකට පක්ෂව කිසිම අදහසක් පළකළේ නෑ. මාධ්යවලින් මගෙන් කරුණු අහපු හැම වෙලාවෙම මධ්යස්ථ අදහස් තමයි මම ප්රකාශ කළේ.
මේ අතරෙ පහුගිය කාලේ එක්සත් ජාතික පක්ෂයේ අභ්යන්තරයේ විශාල කඩාවැටීමක් සිදුවුණු නිසා පාක්ෂිකයන් බහුතරයක් මට කතා කළා ඇවිත් නැවත පක්ෂය ශක්තිමත් කරන්න කියලා. මේ වෙද්දි එක්සත් ජාතික පක්ෂයේ බිම් මට්ටමේ විශාල දියවීමක් සිදුවෙලා තියෙනවා. ආණ්ඩු බලය ගත්තට පස්සේ යූ.එන්.පී. කාරයින්ට පක්ෂයේ නායකයො කිසිම සැලකීමක් කළේ නෑ කියන චෝදනාව විශාල වශයෙන් පාක්ෂිකයින්ගෙන් එන එක. දේශපාලන පළිගැනීම්වලට ලක්වූ පාක්ෂිකයින්ට පවා කිසිම සාධාරණයක් යූ.එන්.පී.ය බලයට ආවට සිද්ධවුණේ නෑ. මේ නිසා පාක්ෂිකයො විශාල කලකිරීමක ඉන්නේ. යන යන තැනදි මුණගැහෙන පාක්ෂිකයො මේ දේ මට කියනවා.
පක්ෂයේ බිම් මට්ටමේ සංවිධාන ජාලය මේ වෙද්දි කඩාගෙන වැටිලා ඉවරයි. ඒ ගැන වඩාත්ම හොඳින් දන්න කෙනා තමයි මම. මොකද ඒ සංවිධාන ජාලය හැදුවෙ මම. ඒ කණ්ඩායම එක්ක කටයුතු කළේ මම. අද ඒ අය බොහෝ කලකිරීමෙන් උදාසීනවෙලා ඉන්නේ. ඒ බොහෝදෙනා අදත් මාත් එක්ක මේ ගැන කතාකරනවා. අද වෙනකොට පක්ෂ අභ්යන්තරයේ අර්බුදය නැවත වරක් උග්ර අතට පත්වෙලා තියෙනවා. ජනාධිපතිවරණයත් එක්ක මේ තත්ත්වය ඉදිරියට තවත් දරුණු වෙනපාටක් පේන්න තියෙනවා. එදා ඉඳන් පක්ෂය විනාශ කරපු චරිත අදත් පක්ෂය විනාශයට අරගෙන යනවා.
මේ යන විදියට නම් එක්සත් ජාතික පක්ෂය ගොඩගන්න අමාරු බවක් තමයි පේන්නේ. පක්ෂයේ ප්රබල චරිත කීපයක්ම මාත් එක්ක වරින් වර මේව සාකච්ඡා කළා. ඒ අයත් මට පක්ෂයට ඇවිත් පක්ෂ යාන්ත්රණය ශක්තිමත් කරන ලෙස ආරාධනා කළා. ඒත් මම ඒ ගැන ස්ථිර තීන්දුවක් තාම අරගෙන නෑ. ඉදිරි ජනාධිපතිවරණය ජයගැනීම කියන කාරණය මේ තියන යූ.එන්.පී එකට නම් දුෂ්කර ඉලක්කයක්.
පසුගිය කාලය තුළ මහින්ද රාජපක්ෂත් කීප වතාවක්ම මට කතා කළා ඒ පැත්තට ඇවිත් වගකීමක් අරගෙන ඉදිරි මැතිවරණ කටයුතු කරගෙන යමු කියලා. මම ඒ හැම වෙලාවෙම කිව්වේ ජනාධිපතිවරණ අපේක්ෂකයා කවුද කියල නම් කළාට පස්සේ මම ඒ ගැන තීරණය කරන්නම් කියලා. එක්සත් ජාතික පක්ෂයේ අයටත් මම දුන්නේ ඒ උත්තරේමයි.
රට මේ වෙලාවෙ බලාපොරොත්තු වෙන බවක් පේනවා සාම්ප්රදායික දේශපාලනයෙන් පිට අලුත් නායකයෙක් දකින්න. සාම්ප්රදායික දේශපාලනයෙන් රැවටිලා ජනතාව දැන් හති වැටිලා ඉන්නේ. ඒ අය තවදුරටත් ලේසියෙන් රවට්ටන්න අමාරුයි.
අලුත් ඡන්දදායකයෝ දිනාගත්ත මේ පක්ෂ හැම එකකටම ලේසි නෑ. අද තරුණ පිරිස සම්ප්රදායික දේශපාලන අදහස්වල නොවෙයි ඉන්නේ. ඔවුන් දිනාගන්න ආකර්ෂනීය වැඩපිළිවෙළක් ඕනෑ. ඊළඟ ඡන්දවලදී ප්රධාන මාතෘකාව වෙන්නේ ජාතික කියන කාරණය වෙන්න පුළුවන්. ඒ ගැන සහතිකයක් ජනතාවට අවශ්යයි. දැන් රට පාලනය කරන අය රටේ සිද්ධවෙන කිසිම දෙයක වගකීමක් ගන්නේ නෑ. ජනතාවට මේවා දැන් තේරිල ඉවරයි. රට ගැන හිතලා කටයුතු කරන සෘජු නායකත්වයක් එක්ක පක්ෂ, පාට නොබලා ඉදිරි ජනාධිපතිවරණයේදී සහයෝගයෙන් කටයුතු කරන්න මම සූදානම්. කොහොම වුණත් මම නැවත අනිවාර්යෙන්ම ක්රියාකාරී දේශපාලනයට එනවා. ඉදිරි කාලය මගේ දේශපාලන ජීවිතයේ පුනරාගමනයක් සිදුවෙනවා. ඒක රට ගැන හිතලා ගන්න තීන්දුවක්.
ප්රියන්ත කොඩිප්පිලි
ඡායාරූපය අන්තර්ජාලයෙනි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තිස්ස නිදහස්
wickramaarachchi Saturday, 17 August 2019 06:10 AM
මට තේරෙන්නේ නැහැ ඇයි මේ තිස්ස කෙනෙක් ගැන මෙච්චර කතා කරන්නේ ඇයි කියල.