හැඳල පැත්තේ නිවෙස්වලට සතියකට වරක් සිඟමනේ පැමිණීම පුරුද්දක් කරගෙන සිටි එක්තරා යාචකයෙකි. සතියේ දින හත සඳහා එක් එක් ප්රදේශ බෙදා වෙන්කරගෙන සැලැස්මකට අනුව සිඟමනේ යාම ඔහුගේ පිළිවෙළ විය. මේ සැලසුම්සහගත පිළිවෙළ නිසා කිසිම අවස්ථාවක එක් සතියක් තුළදී කිසියම් නිවසකට එක් වරකට වඩා සිඟමනේ යාමට ඔහුට සිදුවූයේ නැත.ඔහුගේ පැවති විශේෂත්වයක් වූයේ දුගී නිවාස හෝ පැල්පත්වලට සිඟමනේ නොගොස් ඉහළ පැලැන්තියේ නිවෙස්වලට පමණක් සිඟමනේ ඉල්ලා යාමය. මේ හැම නිවසකින්ම ඔහුට අඩුම වශයෙන් රුපියල් දහයක්වත් සිඟමන් වශයෙන් ලැබුණි. ඔහු එම නිවෙස්වලට කොතරම් හුරු පුරුදුවී සිටියෙ ද කිවහොත් එක් එක් නිවසින් තමාට සතිපතා ලැබෙන මුදල කොපමණදැයි හරිහැටි කියන්නට ඔහු දැන සිටියේය.”හොඳ මනුස්සයා, අපට කිසිම කරදරයක් නැහැ” ගමේ මිනිසුන් වැඩිදෙනා මේ යාචකයා ගැන කතා කළේ ඒ විදියටය. තමන්ට කරදර නොකර යමක් කමක් ඇති උදවියගෙන් පමණක් සිඟමන් ඉල්ලීමේ පුරුද්ද පිළිබඳව ගමේ මිනිසුන් වැඩිදෙනකුගේ ප්රසාදයට ඔහු ලක්වී සිටියේය.සතියකට වරක් මේ යාචකයා තම නිවෙස්වලට සිඟමනේ පැමිණෙන දිනය එම නිවෙස්වල පදිංචිකරුවෝ කල්තියා දැන සිටියහ. යාචකයාගේ රාජකාරිය වූයේ අදාළ නිවෙස් ඉදිරිපිටට ගොස් ගේට්ටුව ශබ්ද කිරීම පමණකි. එම සංඥාව මගින් යාචකයා සිඟමන් ඉල්ලීමට පැමිණ සිටින බව දැනගන්නා නිවෙස් හිමියන් මුදල්ද රැගෙන ගේට්ටුව වෙත දිව ඒම පුරුද්දක් වී තිබිණි. එදා ඉරිදා දිනයකි. වෙනත් ඉරිදා දිනවලදී මෙන් එදාද නියමිත ප්රදේශයේ හිඟමන් ලබාගැනීම සඳහා ඔහු උදෑසනින්ම පැමිණ සිටියේය. හුරු පුරුදු නියමිත නිවසක් නිවසක් ගානේ ගොස් සිඟමන් ලබාගත් ඔහුගේ බෑගය තුළ පෙරවරු 11.00 වනවිට රුපියල් දහසක පමණ මුදලක් එක්කාසුවී තිබුණි.තවත් ඉතිරිවී තිබූ නිවෙස් තුන හතරක් අතරේ ඔහුට ස්ථිරවම රුපියල් 100ක් ලැබෙන දෙමහල් නිවසක්ද විය. ඒවනවිට දැඩි මහන්සි ගතියක් දැනුන ද ඔහු එම නිවසට ද යාමට අමතක කළේ නැත. ගේට්ටුව ශබ්ද කරගෙන යද්දී ගෙතුළින් එළියට ආවේ සුපුරුදු ගෙහිමි කාන්තාවය.”මැඩම් මම ආවා” ඔහු හිස නමා කියද්දී ගෙහිමි කාන්තාව ගේට්ටුව දෙසට ආවාය.”අද නං දෙන්ඩ විදිහක් නෑ. ලබන ඉරිදා එන්න.” ඇය කීවේ කාරුණික අන්දමිනි.”ඇයි මැඩම් අද සල්ලි නැද්ද?” ඔහු ඇසීය.”සල්ලි තියෙනවා. මාරු කරන්න විදිහක් නැහැ.” ඇය කෙටියෙන් කීවාය.”ලොකු ගානක්ද මැඩම්?” ඔහු ඇසුවේ බලාපොරොත්තු සහිතවය.”රුපියල් දෙදාහේ කොළයක් තියෙන්නේ. ඒ හින්දා ලබන ඉරිදට එන්න. අද ගානත් එක්කම දෙන්නං” ආපසු යාමට සැරසෙමින් ඇය පිළිතුරු දුන්නාය.”දෙදාහක් ගාණක්ද මැඩම්? කෝ මෙහාට දෙන්න මං මාරුකරලා ඉතුරු සල්ලි දෙන්නං.” කරේ එල්ලාගෙන තිබූ බෑගයට අත යවා මුදල් නෝට්ටු මිටියක් එළියට ගත් ඔහු එයින් රුපියල් 1900ක් වෙන්කරගෙන එය කාන්තාවට දී ඇය අත තිබූ රුපියල් දෙදහසේ නෝට්ටුව ඉල්ලා ගත්තේ කිසිදු බියක් සැකක් නැතිවය.ඉතිරි මුදල ද රැගෙන කාන්තාව ආපසු තම නිවස කරා ගමන් කරද්දී යාචකයා හිඟමන් ඉල්ලාගෙන ඊළඟ නිවස කරා පියවර මැන්නේය.
යුක්තියේ මෙහෙයුමෙන් දහහත් හැවිරිදි සිය පුත්රයාගේ තරම මවුපියන්ට දැනගන්නට හැකි වූ අපූරු කතාවක් අම්බලන්ගොඩ පොලිසියෙන් අසන්නට ලැබේ. එදා මධ්යම රාත්ර
මළ ගෙදරක් ආසන්නයේ ගලක් උඩ සිට ගමේ පිරිමින්ට කසිප්පු අලෙවි කළැයි කාන්තාවන් පිරිසක් එකතු වී පුද්ගලයකුට පහරදී ගල පල්ලට තල්ලු කර ඇතැයි කියන සිද්ධියක් සම
අත දිගහැර වියදම් කොට මෙරට ප්රමුඛ පෙළේ හෝටලයක පැවැත්වූ සිය වැඩිමල් දරුවාගේ මංගල උත්සවයට පැමිණි හිතවතුන්ට විදේශීය රටක නිෂ්පාදනය කරන ලද උසස් තත්වයේ මත
අනියම් පෙමක සම්බන්ධතාවක් ඇතිකර ගැනීමට ගිය අයකු පෙම්වතිය කියා ඇයගේ මව හමුවීමට යාමෙන් පෙම්වතාට සිදු වූ අකරතැබ්බයක් ඉබ්බාගමුව ප්රදේශයෙන් අසන්නට ලැබු
සිංහල අලුත් අවුරුද්ද වෙනුවෙන් නෑගම් යාමේදී සීනි වෙනුවට සිමෙන්ති කිලෝ දෙකක් රැගෙන ගිය අපූරු කාන්තාවක පිළිබඳව දකුණු පළාතේ ලස්සන ගම්මානයකින් වාර්තා ව
රුපියල් 5000ක් පෙන්වා රුපියල් 4500ක් ත්රීරෝද රථ රියදුරකුගෙන් ගත් අපූරු හාදයන් දෙදෙනකු ගැන පුවතක් අම්බලන්ගොඩ නගරයෙන් අසන්නට ලැබේ. ත්රීරෝද රථ ගාලේ ඒ අවස්ථ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිඟමන් පතා ආ යාචකයා රුපියල් 2000 නෝට්ටුව මාරුකර රුපියල් 100 ක් අරන්
samara Friday, 04 November 2011 12:58 PM
කරුණාකරලා ශ්රී ලංකාවේ යාචකයා පොත කියවන්න
සම්පත් - කුමුදු- තනුජා- ජගත් Friday, 04 November 2011 01:26 PM
පුරුද්දට දෙන්න ගියාම ඔහොම වෙනවා
චන්දු Sunday, 06 November 2011 07:50 PM
හිගන්නා රාජ්ය සේවකයන්ට වඩා දවසකට හම්බකරනවා.