කරන්දෙණිය එම්.සුසිල් ප්‍රියන්ත
අසනීප වූ සේවිකාවගේ සැමියා ඇය සේවය කරන ආයතනයට ඇගේ රෝගී තත්ත්වය දන්වා නිවාඩු ඉල්ලීමට දුන් දුරකතන ඇමතුමෙන් ඇය සහ ආයතනයේ ප්‍රධාන ලිපිකරු අතර අනියම් සම්බන්ධය හෙළිවීමේ සිද්ධියක් දකුණු පළාතේ කාර්යාලයකින් අසන්නට ලැබේ.

රූමතියකි. හුරුබුහුටිය. දැකුම්කළුය. ආයතනයේ කා සමගත් හොඳ හිත බෙදාගත් සේවිකාවකි. මේ නිසාම කාර්යාලයේ අය ඇය හැඳින් වූයේ පොත්තේ පාට අනුවය. ඒ නිසා මුළු කාර්යාලයම ඇයට කීවේ සුද්දි කියාය. සුදූ කියන අයද මේ අතර සිටියහ. හැට පනින්න ඔන්න මෙන්න සිටි ප්‍රධාන ලිපිකරුද ඒ අතරින් කෙනෙකි. ප්‍රධාන ලිපිකරුට ඇය දෙන නොමද සහයෝගය ඊට ප්‍රබල හේතුවක් වී තිබුණි.

හිටි හැටියේම එදා උදේ ඇයගේ උගුර ආසාදනය වූයේ මේ අතරය. මේ නිසාම ඇය ආයතනයේ ප්‍රධාන ලිපිකරුට සිය රෝගී තත්ත්වය පවසා දුරකතන ඇමතුමක් දෙන ලෙස සිය සැමියාට කීවාය. ඒ ප්‍රධාන ලිපිකරුගේ ජංගම දුරකතනයටය.

ප්‍රධාන ලිපිකරුගේ ජංගම දුරකතනයේ ඇයගේ නම සටහන් විය. මගේ සුදූ ඇයි කියන්න. මේ සමගම සේවිකාවගේ සැමියාගේ රුධිර පීඩනය වැඩි වූයේය. ඒ සිය භාර්යාවට තමා හැර සුදු කියන්න ඉන්න පිරිමියා කවුද යන්න සමග ඇය පිළිබඳව ඇති වූ සැකයෙනි. පපුව ටිකක් රිදෙන්න ගත්ත ද සිය භාර්යාවගේ අසනීප තත්ත්වය පවසා ලෙඩ නිවාඩුවක් ගැනීම නිසාම ඔහු දුරකතනයට යළිත් සම්බන්ධ වූයේය.

එමෙන්ම සැමියා සිතූවේ ප්‍රධාන ලිපිකරුට වැරදි ඇත යන්නය. මම මේ කතා කළේ අසවල් සේවිකාවගේ සැමියා යැයි කීවේ ප්‍රධාන ලිපිකරුගේ ද හර්ද ස්පන්දනය වැඩිවූයේය. ඒ තමා කළ කතාව අනුවය.

පණිවුඩය කී ඔහු භාර්යාවගේ ඇඟට කඩා පැන ඇයට දෙස් දෙවොල් තැබුවේ ඇයගේ අසනීප තත්ත්වය ගැන ද නොසිතාය. හැටට ආසන්නයේ සිටින ප්‍රධාන ලිපිකරුගේ නම ඈදා සැමියා නැගූ දෙස් දෙවොල්වලින් ඇයගේ ද හදවත වෙනදාට වඩා වේගයෙන් ගැහුණේ දැන් ඉතිං ගෙදර ඉදලා හමාරයි යන්න සිහිවීමෙනි.