(පස්ගොඩ - තිලක් එච්. ගමගේ)

මියගිය පුද්ගලයකුගේ සිරුර ගාල්ල කරාපිටිය රෝහලේ සිට රැුගෙන ඒමට සිදුව තිබූ බැවින් අවමංගල රථයක් ඒ සඳහා පිටත් කරන ලදී.

රියෙහි සහායකයාද හදිසි අවශ්‍යතාවක් නිසා නොපැමිණි බැවින් රථයේ රියැදුරාට පමණක් ඒ ගමන යාමට සිදුවිය.

සිරුර රෝහලෙන් රැගෙන එනවිට හොඳටම ? බෝවී තිබිණි. අවාසනාවකට මෙම කැලය මැදදී විශාල හඬක් නන්වා එහි රෝදයක හුළං ගියේය. රියැදුරා වාහනය මාර්ගය අයිනට කර නැවැත්විය.

ඝණ කැලෑව හේතුවෙන් අන්ධකාරය දෙගුණ තෙගුණ වී තිබිණි.

රියදුරා බිමට බැස්සේ මේ මොහොතේ කාගේ හෝ පිළිසරණක් අපේක්‍ෂාවෙනි. ඔහු මාර්ගයේ යන එන වාහන ගැන සැලකිලිමත් වූවත් වාහනයක ශබ්දයක් ඇසෙන පේන තෙක් මානයක නැත. හදිසියේම කුඩා වෑන් රථයක් එනු දුටු රියැදුරා මාර්ගයට පැන එය නවතා ගත්තේය. වාහනයට සිදුව ඇති ආබාධය පැවසූ රියදුරා පිටුපස තිබූ අමතර රෝදය ගැනීමට ඔවුන්ගේ ජංගම දුරකතනයේ එළියෙන් දොර හැරියේය.

දොර ඇරෙන විට එහි තිබූ මළමිනිය දුටු සැනින් කලබලයටපත් වාහනයේ පැමිණි දෙදෙනා වහවහා තම වාහනයට නැග පලා ගියේ භීතියෙනි. තමා තවත් අසරණ වූ බවත් රියැදුරාට දැනුණි.

රියෙහි සීට් එක යට සඟවා තිබූ අරක්කු බෝතලය සිහියට නැගිණි. එය කඩා කටට වත්කර ගත් රියැදුරා හිතට හයියක් ගත්තේය.

තම ජංගම දුරකතන එළියෙන් එහි හුළං ගිය රෝදය පිරික්සන්නට විය. පුදුමයකි වාහනයේ රෝද හතරම නිරුපද්‍රිතව තිබිණි. සිදුවුයේ කුමක් දැයි ඔහුටත් විමතියකි.

වහවහා රිය පණ ගන්වා පැමිණි ඔහු ආපසු බැලූවේ මල්ශාලාවේදීය.