කලවාන - උපේන්ද්ර ප්රියංකර ජාතුංගම
සිය අතුරුදන් සැමියා ගැන හෝඩුවාවක් දැනගැනීමට දේවාලයකට ගිය බිරියට එම දේවාලය තුළදී සැමියා හමුවීමේ සිද්ධියක් සබරගමුව පළාතේ එක්තරා ගමකින් වාර්තාවේ.
සිද්ධිය මෙසේ ය.
ඇය ඉතා රූමත් ධනවත් පවුලක කාන්තාවක වන අතර ඇය විවාහ වූ සැමියා එතරම් වත්පොහොසත් කම් තිබූ පුද්ගලයකු නොවේ. ඔහු උපතින් ම ගෙනා කපටිකම ඇරෙන්නට ඔහු සතුව වෙනත් කිසිදු වටිනා දෙයක් නොතැබිණි.
කෙසේ වෙතත් ඔහු විවාහ වූ කාන්තාවට ඔහුගෙන් දරුවෝ දෙදෙනෙක් සිටිති. ඔහු ගැන කිසිදු සොයා බැලීමක් නොකර ඔහු හා ඇය විවාහ වී ඇත්තේ ඉතා ළාබාල අවදියක ය. ඔහුගේ කපටිකම් දැනගන්නා විට ඇය ඔහු අතින් අමාරුවේ වැටී අවසන්ය. ඔහුගේ අතින් තවත් තරුණියන් කිහිපදෙනකුම අමාරුවේ වැටී ඇති අතර ඇයව ඔහු විවාහ කරගෙන ඇත්තේ ඇයගේ ධනවත්කම නිසාමය. විවාහ වුවත් ඔහු පරණ සල්ලාලකම් අත් නොහැරි අතර පෙර සේම තරුණියන් සමඟ සම්බන්ධතා ගොඩනගාගෙන ගොස් ඇත.
මෙලෙස එක් තරුණියක මොහුගේ අතින් අමාරුවේ වැටී ඇති අතර, ඇය ඉතා දුප්පත් තරුණියක වූවත් ඇයගේ සහෝදරයා ගමේ චණ්ඩියකු නිසා ඇයට ඔහු භාර ගැනීමට සිදුවී ඇත. රස්සාවක් නොකරන හෙයින් ඇය නඩත්තු කර ගැනීමට නොහැකි බැවින් ඔහු ඈත පළාතකට ගොස් බොරු ආරූඪයක් රැගෙන දේවාලයක් පවත්වාගෙන ගොස් ඇත.
මේ අතර ඔහුගේ කලින් බිරිය මොහු සොයා බැරිම තැන මෙම දේවාලය පිළිබඳව ආරංචි වී මිතුරියක සමඟ එම දේවාලයට ගොස් ඇත්තේ මොහු පිළිබඳව තොරතුරු විමසීමටය.
දේවාලයට ගොස් සිටිය දී ඔහු ආරූඪ වී පැමිණ සිටින්නේ තම කලින් බිරිඳ බව නොදැන සාත්තර කීමට පටන් ගෙන ඇත. එක්වරම ඔහු පැමිණ සිටි කාන්තාව දෙස බලා ඇත්තේ ඇයත් සැමියා හැර ගොස් ඇති බැවින් ඔහුට නම්මා ගැනීමට පුළුවන් දැයි විමසීමටය.
එහෙත් සිදු වූයේ අනෙකකි. පැමිණ සිටින්නේ තම කලින් බිරිය බව දුටු ඔහු හීන් දාඩිය දමා දෙවියන් සිහිකර සිය බොරු ආරූඪය දෙපාවලට ගෙන හැකි තරම් වේගයෙන් දිව ගොස් ඇත්තේ දෙවියන්ද පෙරළා ගෙනය.
කලින් බිරිය ද අන්දුන් කුන්දුන් වී මේ කපුවකු ලෙස සිටින්නේ තම කලින් සැමියා බව දැනගෙන ඔහුගේ ගැබ් ගත් බිරිඳගෙන් විස්තර විමසා ආපසු ගොස් ඇත්තේ දේවාලයට නොව නීතිඥ මහතකු හමු වී දික්කසාද නඩු දැමීමටය.
2025 දෙසැම්බර් මස 18
147
0
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
147
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
951
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
බිරිය පැටලී කපුවාට දෙලෝ රත්වෙලා