පවුල් ආරවුලක් හා සම්බන්ධ පැමිණිල්ලක් විභාග කළ පොලිස් කාන්තාවක අන්තිමේදී පැමිණිලිකාරියගේ සැමියා සමග හොර රහසේ ගිය පුවතක් රජරට පැත්තෙන් වාර්තා වේ.

ඇය විවාහක තිදරු මවකි. ඔහු කුලී වැඩ කරමින් දරු පවුල නඩන්තු කළ අයෙකි. බිරිඳට තුන්වැනි දරුවා ලැබෙනතුරුම දෙදෙනා අතර අසමගියක් නොවීය. එහෙත් මෑතක සිට සැමියා බිරිඳට හිරිහැර කරන්නට පටන් ගත්තේය. ඇය පොලිසියට පැමිණිලි කිරීමට තීරණය කළේ බේරුමක් නැති තැනය.

මම එයාට ගොඩක් ආදරෙයි. ළඟකදී ඉඳලා කිසිම හේතුවක් නැතිව එයා මට නිතරම බනිනවා. සමහර අවස්ථාවල පහර දෙනවා. මේක මටත් දරුවන්ටත් ලොකු ප්‍රශ්නයක්. මම ඉල්ලා සිටින්නේ මේ ආරවුල විසඳලා දෙන්න කියලයි.

ඇයගේ මෙම පැමිණිල්ල පොලිස් පොතේ සටහන් කර ගත්තේ අවිවාහක වයස අවුරුදු තිහක් පමණ වන තරබාරු පොලිස් කාන්තාවකි. බිරිඳ සහ සැමියා පොලිසියට කැඳවා ඉතා තදින් අවවාද කළ පොලිස් නිලධාරිනිය, දරුවන් ගැන සිතා සමගියෙන් ජීවත් වෙන ලෙසට ඔහුට උපදෙස් දුන්නාය.

එදින සිට සැමියාගේ සැරපරුෂකම් අඩුවිය. බිරිඳ නැවත දිනෙක පැමිණ පොලිස් නිලධාරිනියට මුව නොසෑහෙන සේ ස්තුති කළේ පවුලේ ආරවුල හොඳින් විසඳා දුන් බව කියමින්ය.

සිද්ධිය අපට පැවසූ අ ය කතාව අවසන් කළේ මෙසේය.

“මාසයකට විතර පස්සේ අර කාන්තාව නැවතත් පොලිසියට ඇවිත් පැමිණිල්ලක් කළා. පැමිණිල්ල විභාග කළ පොලිස් නෝනා සිය සැමියා සමග හොර රහසේම පැනලා ගිහින්. ලස්සනම වැඬේ කියන්නේ දෙන්නගේ ෆොටෝ එකකුත් ෆේස්බුක් එකෙත් දාලා. 
(කන්තලේ විශේෂ ආර්.ජී. ධර්මදාස)