(මතුගම බන්දු තඹවිට)
බීමත්ව තම බිරියට පහර දී නිවසේ මුළුතැන්ගේ උපකරණ සහ ශීතකරණය ඇතුළු උපකරණ ගිනි තැබූ තදින්ම බීමට ඇබ්බැහිවූ අයකුට වැලිපැන්න පොලිස් ස්ථානාධිපතිවරයා පසුගියදා අපූරු දඬුවමක් ලබාදුන්නේය.
වසර ගණනාවක සිට තදින්ම බීමට ඇබ්බැහි වූ මෙම පුද්ගලයා දරුවන් තිදෙනකුගේ පියෙකු වන අතර දවස පුරා බීමතින් සිටීම නිසා බිරිය දරු පවුල රැක ගන්නේ පෞද්ගලික ආයතනයක රැකියාවක නිරතවෙමින්ය. දවස පුරා තම මිතුරන් සමග එක්ව බීමතින් සිටින මෙම පුද්ගලයා රැකියාව අවසන්ව නිවසට පැමිණෙන බිරිය සමග කළහ කර ගැනීම දිනපතා සිදුකරන අතර එම අවස්ථාවල නිවසේ සිටින දූ දරුවන්ට අසභ්ය වචනයෙන් බැන වැදී නිවසේ භාණ්ඩවලට අලාභහානි කිරීම සිදුකරන බවත් පසුගියදා ද එසේ කළහ කර නිවසේ මුළුතැන්ගේ උපකරණ සහ ශීතකරණය ඇතුළු භාණ්ඩ සියල්ලට ගිනි තබා විනාශ කළ බවත් සැමියාගේ මෙම ක්රියාවන් නිසා තමා ඇතුළු දරුවන්ට නිදහසේ ජීවත් වීමට නොහැකිවී ඇති බවත් එම පුද්ගලයාගේ බිරිය විසින් වැලිපැන්න පොලිසියට පැමිණිලි කර තිබුණි.
ඒ අනුව වැලිපැන්න පොලිසියේ නිලධාරීන් එම පුද්ගලයා අත්අඩංගුවට ගෙන ස්ථානාධිපතිවරයා වෙත ඉදිරිපත් කෙරිණි. එහිදී ස්ථානාධිපතිවරයා ඔහුගෙන් ප්රශ්න කිරීමේදී ඔහු තදින්ම මත්පැන් පානයට ඇබ්බැහි වී ඇති බව තේරුම් ගෙන බිරිය සහ දරුවන් සමග ගැටුම් ඇති කර නොගෙන මත්පැන් පානය අතහැර ජීවත් වන ලෙස අවවාද කර පොලිස් ස්ථානාධිපතිවරයාගේ නිල කාර්යාලයේ තැන්පත් කර ඇති බුදු පිළිමය වෙත ගොස් පන්සිල් සමාදන් වන ලෙස දන්වා ඇත. බුදු පිළිමය අභියසට ගිය මෙම පනස් හැවිරිදි පුද්ගලයාට පන්සිල් අමතකව ගොස් ඇති අයුරු පොලිස් ස්ථානාධිපතිවරයාට නිරීක්ෂණය විය.
පන්සිල් අමතකවීමට තරම් බීමතට ඇබ්බැහි වූ මෙම පුද්ගලයාට ශාරීරික දඬුවමක් ලබාදීමෙන් ප්රයෝජනයක් නොමැති බැවින් පොලිස් ස්ථානාධිපති ඩබ්ලිව්.කේ. ගමගේ මහතා අපූරු දඬුවමක් නියම කළේය. එනම් එම පුද්ගලයාගේ 8 හැවිරිදි පාසල් යන දියණියගෙන් පන්සිල් ඉගෙන ගෙන දින කීපයක් සවස 6ට පොලිස් ස්ථානාධිපතිවරයාගේ නිල කාමරයේ තැන්පත් කර ඇති බුදු පිළිමයට මල් පහන් පූජා කරන ලෙස නියම කිරීමය. මේ පාරවත් මේ මිනිහා හැදුනොතින් හොඳ යැයි පවසමින් සැමියාව ද කැඳවාගෙන බිරිය වැලිපැන්න පොලිස් ස්ථානයෙන් පිටව යන අයුරු දක්නට ලැබුණි.
පැවති 7 වන ගෝලීය ව්යාපාර නායකත්ව සංසදයේදී, ලෝක සාමය සහ රාජ්ය තාන්ත්රික සංවිධානය (WPDO) වෙතින් තිරසාරභාවය සහ සාමය සඳහා වූ සුවිශේෂී දායකත්වය වෙනුවෙන් මොහ
NSBM හරිත සරසවිය මැයි 17 සහ 18 යන දෙදින පවත්වන ’’NSBM Open Day’’ සමඟ මහජන ප්රදර්ශනය සඳහා විවෘත වේ.
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
දවස තිස්සේම බීලා ඉන්නවාට පොලිසියෙන් මතක හිටින දඬුවමක්
nadeer Thursday, 25 July 2019 08:43 AM
බොහොම හොඳයි...
himal Thursday, 25 July 2019 04:16 PM
පොලිසියට දඬුවම් දීමේ කිසිදු බලයක් නෑ. මෙතන වුනත් මේ මනුස්සයා යහමගට යොමු වූ බවට වාර්තාවක් නෑනේ.
chandima Friday, 26 July 2019 10:21 PM
බැලූ බැල්මට නම් පොලිස් මහත්තයා වීරයෙක්, කට්ටයට හුරේ දාන්නා නියම වැඩක් කරලා තියෙනවා. නමුත් නීතියට අනුව මේ මනුස්සයා වැරදි කරුවෙක් කරලා සුළු හෝ දඬුවමක් දෙන්න පොලිස් උන්නාන්සේට බලයක් නැහැ. ඔහුව මානසික වෛද්ය වරයෙකුට නැතිනම් උපදේශකවරයෙකුට ඉදිරිපත් කිරීම වගේ වැඩ ගොඩක් ඒ නිලධාරීන්ට කරන්න තිබුණා. මොනවා කරන්නද කබාය ඇඳගෙන තරු පටි ගහගෙන උන්නට ඒ වයසක මිනිහට තිබුණු දැනුමම තියෙන කට්ටියනේ වැඩි හරියක් පොලිසියේත් ඉන්නේ. රටේ නීති පද්ධතියක් තිබුණට, පොලිසියට නීතිය ක්රියාත්මක කරන්න බලය තිබුණට එයාලා වැඩ කරන්නේ තවමත් ආදි කාලේ ගම්මුලාදෑනියන් වගේ.