කසිප්පු වැටලීමකදී පෙරුම්පොළ අතහැර පළා ගිය බව කියන සැකකරුවකු ඔහුගේම නිවසේ ඇඳක් යට සැඟවී නිදා සිටියදී අත්අඩංගුවට ගත් බව නව ගත්තේගම පොලිසිය කියයි.
ඔහු 45 හැවිරිදි තිදරු පියකු බවත් පොලිසිය පැවැසීය. මොහු ප්රදේශයේ දොළ පාරක් අයිනේ කසිප්පු පෙරීමේ නිරතව සිටින බවට නවගත්තේගම පොලිසියට තොරතුරක් ලැබී ඇත. ඒ අනුව ක්රියාත්මක වූ පොලිසිය ඉකුත් 15 දින සවස අදාළ පෙරුම් පොළ වටලා ඇත.
කෙසේ හෝ මේ පිළිබඳව දැනගත් සැකකරු පලා ගොස් ඇත. මෙහිදී කසිප්පු ස්ප්රීතු බෝතල් 45 ක් හා පෙරීමේ උපකරණ කට්ටලයක් අත්අඩංගුවට ගෙන ඇත. මේ අතර සැකකරු ඔහුගේ නිවසේ සිටින බවට ද පොලිසියට තොරතුරක් ලැබී ඇත. ඒ අනුව ක්රියාත්මක වූ පොලීසිය ඊයේ (16) දින උදෑසනම සැකකරුගේ නිවෙස වටලා ඇත. එහිදී සැකකරු ඔහුගේ නිවසේ ඇඳක් යට සැඟවී හොරට නිදා සිටියදී සොයා ගැනීමට හැකිවූ බවත් අනතුරුව අත්අඩංගුවට ගත් බවත් පොලිසිය වැඩිදුරටත් පැවැසීය.
මෙසේ අත්අඩංගුවට ගත් සැකකරු සමග සිද්ධියට අදාළ කසිප්පු තොගය හා ඒවා පෙරීමට යොදාගත් උපකරණ කට්ටලය ආණමඩුව අධිකරණයට ඉදිරිපත් කිරීමට නියමිතය.
පුත්තලම කොට්ඨාස භාර ජ්යෙෂ්ඨ පොලිස් අධිකාරි නීතිවේදී එල්.පී.එස්.පී. සඳුන්ගහවත්ත සහ ආණමඩුව සහකාර පොලිස් අධිකාරි සමන් දිසානායක යන මහත්වරුන්ගේ උපදෙස් මත නවගත්තේගම පොලිසියේ ස්ථානාධිපති පොලිස් පරීක්ෂක නවීන් ඉන්ද්රජිත් දයානන්ද මහතා සමග පොලිස් සැරයන්වරුන් වන (41440) ධර්මසිරි, (32466) හේරත් සහ පොලිස් කොස්තාපල්වරුන් වන (271232) කැළුම්, (34092) ගුණතිලක මේ පිළිබඳව පරීක්ෂණ සිදු කරති.
2025 දෙසැම්බර් මස 16
69
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
868
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
615
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
කසිප්පු පොළ වටලද්දී ගෙදර ඇඳ යට බොරුවට නිදා ඉඳලා
සමන්ති Wednesday, 17 February 2016 11:14 PM
ගෙදර ඇඳ යට නිදාගන්න තහනම් නැහැනේ (නි)
පුෂ්පකුමාර Wednesday, 17 February 2016 01:58 PM
සාධාරණ මිලකට මත් පැන් පොදක් තොල ගාන්න තිබුනා නම්, කසිප්පු බොන්නේ නැහැනේ මිනිස්සු. මුදල් තියන අයට රට බීම තිබුනට දුප්පත් අපිට කොයින්ද ඒවා?(අ)