අලුත් ලේලිගේ ‘කැන්ද කොළේ’ කන්න ගිය නැන්දම්මා අමාරුවේ

සත් කෝරළයේ ගමක ජයට මඟුලක් කා මනාලියක කැන්දාගෙන ආවේ හෙළ කුල සිරිතට කද මලු බැඳ නෑදෑ පාර්ශ්වය පිරිවරා ගනිමිනි. ගැමි ගෙදරක් වූ මනාලයාගේ නිවස ගොවිතැන් බත බූලතින් ජීවිකාව ගෙන ගිය පවූලකි. සිය සැමියා නැන්දම්මා සහ මාමා සමගින් අලුත් නිවසේ ජීවත්වන්නට සිදු වූ ලේලියට නැන්දම්මාගේ ගුරුහරුකම් ලබමින් මූලුතැන්ගේ වැඩකටයුතු කිරීමට සිදුවීය.

මනාලිය පැමිණ සති කීපයක් ගත වීමත් නිසා පරිස්සමට නැන්දම්මාගේ පිළිවෙලට ටිකෙන් ටික හැඩ ගැසීමට ඇයට සිදු විය. කුඹූර හේනෙ වත්තෙ පිටියෙ කැත්තෙ උදැල්ලෙ සියලු වැඩ දත් නැන්දම්මා අලුත් ලේලියගේ වැඩ කටයුතු කෙසේදැයි පිරික්සීමට සිතා මෙසේ කීවාය. ළමයෝ කැන්ද කොළ ටිකක් තැම්බූවනං හොඳා. හොඳ පොල් පැණි බෝතලේකුත් තියනවා. රාලහාමිත් ඕවට මනාපයි නොවැ කියමින් සිය පුතා ගැන මතක් කළාය. එසේ ලේලියට පැවසූ නැන්දම්මා වත්ත පහළ ඇති කැන්ද ගහකින් කොළ කඩා ලේලියට ගෙනවිත් දුන්නාය.

ලේලිය ද කිසිවක් නොඅසාම කැන්ද කොළ තැම්බීමට සූදානම් වූවාය. එහෙත් ලේලිය කිසි දිනක කැන්දකොළ තම්බා නොතිබුණි. දැන් පැණි බෝතලයකුත් කැන්ද කොළත් ඇත. කැන්දකොළ තම්බන විදිහක් ඇය දන්නේද නැත. ලේලිය කැන්ද කොළ වට්ටියක තබා සම්පූර්ණ කැන්ද කොළය මත පැණි තැවරුවාය. ඉන්පසූ දෙකට නවා වණ්ඩුවක් බැඳ පැණි තැවරූ කැන්ද කොළ එකක් මත එකක් තබා බොහෝ වේලාවක් තැම්බුවාය. තැම්බුන පසූ ලිපෙන් බා නැන්දම්මාට කතා කොට අම්මෙ කැන්ද කොළ ටික තැම්බුවා කීවාය.

නැන්දම්මා පැමිණ “කෝ බලන්න රසද කියලා” කියමින් කැන්දකොළ නොහොත් හැළප කෑමට තැම්බූ කැන්ද කොළය දිග හැරියාය. කැන්ද කොළය තවා මැරී තිබුණත් ඇතුළත කිසිවක් නැත. නැන්දම්මා මෙසේ ලේලියගෙන් විමසීය. “ඈ ළමයෝ කෝ කැන්ද කොළ මේ කොළේ විතරයිනෙ.” “ඉතින් අම්ම කිව්වේ කැන්ද කොළ තම්බන්න කියලනෙ, මම තැම්බුව” ලේලියගේ පිළිතුර විය.

නැන්දම්මා ලේලියගේ කෑම හැදීමේ තරම දැන කැන්ද කොළ කියන්නෙ හැළපවලට. මෙන්න මෙහෙමයි හැළප තම්බන්නෙ. කියමින් කැන්ද කොළ නොහොත් හැලප සාදා පෙන්නූවාය. ලේලිය ලැජ්ජාවට පත් වී නැන්දම්මාගෙන් කැන්දකොළ තැම්බීමේ පාඩම ඉගෙන ගත්තාය.

එදා සිට ඒ ලේලිය කැන්ද කොළ තැම්බූ හැටි ගමේ ප්‍රචලිත විය.

(නැදලගමූව ආර්.ඒ. ප්‍රියංකා රූපසිංහ)

අදහස් (5)

අලුත් ලේලිගේ ‘කැන්ද කොළේ’ කන්න ගිය නැන්දම්මා අමාරුවේ

Ramani Friday, 25 October 2019 08:38 PM

නැන්දම්මට තමනුත් අලුත් ලේලි කෙනෙක් වෙලා හිටපු කාලේ අමතක වෙන්න ඇති. බාගෙට දේවල් කියලා කෙල්ල අමාරුවේ දැම්මට වැඩිය ලස්සනයිනේ... වැඩේ දන්නවද අහලා කියලා දුන්නා නම්... අනික ඕවා ගමේ මිනිස්සු දැනගත්තම හිනාවෙන එක තමන්ගේ පුතාටත් ලැජ්ජාවක් බව හිතන්නේ නැති මෝඩ අම්මලත් ඉන්නවනේ...

: 0 46

CK Banadara Friday, 25 October 2019 09:03 PM

මේ මොන මඤ්ඤං කතාවක්ද? කැන්ද කොළ කියන්නේ කැන්ද කොළ වලට, හැලප කියන්නේ හැලප වලට. මේ සිරි ලංකාවේ කවුද හැලප වලට කැන්ද කොළ කියලා කියන්නේ...?

: 1 285

Mangala Saturday, 26 October 2019 05:38 AM

තියෙන මාන්නේ තමයි. උඹට වැඩිය මම දන්නවා කියන්න. ඔය වගේ නැන්දම්මලාට තමයි පහු පහු වෙනකොට ලේලිලා දෙන්නේ හොම්බෙන් යන්න.

: 0 119

hellaa Saturday, 26 October 2019 08:22 AM

දකුණේ එහෙම තමයි...කැන්ද කොලේට හැලප කියනවා. හැලපෙට කැන්ද කොලේ කියනවා...

: 3 228

රංජිත්Monday, 28 October 2019 03:10 AM

මේ කතාව තියෙන්නේ සත්කෝරළය ගැනනේ... මේ හෙල්ල කියනකෙනා ශ්‍රී ලංකාවේ අතීතය නොදන්න කෙනෙක්. සත්කෝරළය තියෙන්නේ කොහේද? දකුණ කියන්නේ කොහෙටද කියලා නොදන්නාකම මේකෙන් ප්‍රදර්ශනය කරලා තිබෙනවා...

: 0 1

ඔබේ අදහස් එවන්න

වැඩි දෙනා කියවූ පුවත්

උඩුකය නිරුවත් කර පාරේ ගිය විදෙස් කත පොලිස් බාරයට

2025 ජුලි මස 15 18714 17

‘‘රජයේ තීරණය වෙනස් නොකළහොත් දැඩි තීරණයක් ගන්නවා‘‘

2025 ජුලි මස 16 17794 15

අශ්වගන්ධ තෙලේ පිහිට පැතූ උතුරු මැද හිටපු දේශපාලන ලොක්කා

2025 ජුලි මස 15 15009 7

පහ සිසුන්ට දුන් පෙරහුරු ප්‍රශ්න පත්‍රයේ කුණුහරුප

2025 ජුලි මස 23 14945 22

සජබෙ මුල් පුටු පෙරළෙයි?

2025 ජුලි මස 12 13769 17

2025 ජුලි මස 24 116 0

මානසික සෞඛ්යය වෙනුවෙන් 1333 බයිසිකල් සවාරිය සඳහා CCC Foundation සමග Heritance Hotels and Resorts සහ Aitken Spence Travels අත්වැල් බැඳ ගනියි

මානසික සෞඛ්‍යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි

2025 ජුලි මස 23 380 0

අලුත් taxi app එකෙන් ගමන් යන්න, රු 200ක වට්ටමක්.

මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමෙර් app එක Android Play Store සහ Apple App Store යන දෙකෙහිම ලබා ගත හැකි පරිදි නිකු

2025 ජුලි මස 23 62 0

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව ප‍්‍රදානෝත්සවය අදයි.

ශ‍්‍රී ලංකා ඉන්ෂුවරන්ස් ලයිෆ් - සුබ පැතුම් ශිෂ්‍යත්ව ප‍්‍රදානෝත්සවය අද, ජුලි 23 වන දින කොළඹ 07, බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේ (BMICH) ප‍