සෞඛ්‍ය අනුගමනය නොකරන බස්වල බලපත්‍ර අවලංගු කරයි

අනේ මහත්වරුනේ. ඔබලා මේ වනවිටත් අපිට ඕනෑවටත් වැඩිය විහිළු සපයලා තියෙනවා. ඒ නිසා අපිට මීට වඩා විහිළු සපයන්නත් එපා. මිනිස්සු ආසාවට හිර වෙලා පොඩිවෙලා යන්නේ නෑ. කෝචිචි, බස් හැම එකක්ම. අවශ්‍යතාවයට වඩා අඩුවෙන් ධාවනය වෙන්නේ. එහෙම වෙද්දි අමුතුවෙන් කොරෝනා ආවා කියලා ඔය විදියට යන්න නම් අවශ්‍යතාවයට සරිලන බස් හා කෝචිචි ධාවනය කරවන්න. සීත කාමරවල ඉඳගෙන ටයි දාගෙන ගන්න තීන්දු මහපොළවේ යථාර්ථයට ගැලපෙන්නෙ නෑ.. අප්‍රසන්නයි හැම එකෙක්ම.

ඔය බස් නෙමේ... පුළුවන් නම් චෙක් කරන්න දක්ෂිණ අධිවේගී මාර්ගයේ බස්රථ.. විශේෂයෙන් ඇල්පිටිය බස්වල. ඒ වගෙත් ගෙනියනවා පොල් පටවලා වගේ මගීන්. කවුළු ළංවෙද්දී අනිත් මිනිස්සුන්ගේ අස්සේ වාඩි කරවනවා. සමහරු මාස්ක් වත් දාගෙන නෙමෙයි ඉන්නේ සල්ලිම විතරයි බලන්නේ... මේ ළඟදී ඔය ගැන කතා කරලා කොන්දොස්තර මට බැනලා බැනලා යන්න බැරිනම් බැහැපන් කිව්වා. ඕන තැනකට ගිහින් කියන්න කිව්වා. ඔන්න තත්වේ. අමු මදාවි ඉන්නේ ඔය බස්වල. අධිවේගී මාර්ගයේ කිසිම නීතියක් පිළිපදින්නේ නෑ. ටිකට් කඩන්නේ බස් එක ධාවනය වෙන ගමන්... කන පැලෙන්න ටකරන් සින්දු. මේවා කිසිම පිටවෙන කවුළු ළඟදි පරික්ෂා කරන්නේ නෑ. පොලිසියට සහ ඒ කවුන්ටර් වල ඉන්න අයට සල්ලි දීලා ශේප් කරගන්නවා. එයාලා දන්නවා ගාන අතට එනවා කියලා.. මිනිස්සුන්ට හෙන ගහලා ගියත් එච්චරයි. අඩු ගානේ සැනිටයිසර් එකක් වත් නෑ බස්වලට නගිද්දී... වගකීමෙන් කියන්නේ මාස්ක් නැතුව හතර, පස් දෙනෙක් නම් යනවාම තමයි. කොවිඩ් නෙමේ හැදෙන්නේ වෙන ලෙඩ. ලැජ්ජයි පොලිසියේ අය ගැන නම් සල්ලිවලට රාජකාරිය කරන විදිය දැක්කාම. මේවා බලන්න ඉන්න අයගේත් කොන්ද පණ නෑනේ. දවසක් දෙකක් කරලා නවත්තනවා.

නිලය තිබෙන අය බලය පාවිච්චි කරලා සමාජයට යහපතක් කරන්න. ඒත් නිලය තියෙන අය බලය පාවිච්ච් කරන්නේ සමාජයේ යහපතටද කියන එක ගැටලුවක්. ලංකාව මෙතරම් පිරිහුනේ නිලය තියෙන අය බලය සමාජයේ යහපතට පාවිච්චි නොකරපු නිසා. බලය පාචිච්චි කලේ වෙනත් දේවලට. කෝවිඩ් පතුරුවන්න ඉඩ දෙනවා කියන්නේ, මිනී කරන්න ඉඩ දෙනවා කියන එක හා සමානයි. ඒ නිසා සමාවක් අවශ්‍ය නැහැ. කෝවිඩ් වලට අනුගත වෙන්න නම් කාටත් සමානව කටයුතු කළ හැකි නීති පද්ධතියක් අවශ්‍යයි. නීතියට බය වෙන්නේ වැරදි කරන අය. තවමත් අම්බලන්ගොඩ පැත්තේ නම් බොහෝ දෙනෙක් මුඛ අවාරණ පාවිචිච් කරන්නේ නැහැ. බස් රථයට නොවෙයි සාමාන්‍යයෙන් වෙළඳ පළට ගියත් අද මුඛ ආවරණයක් පළඳින එක හොඳයි. ඒ වගේම බස් අයිතිකරුවන්ගේ ගැටලු වලටත් රජය විසින් සාධාරණ විසඳුමක් දෙන්න අවශ්‍යයි. ඒ නිසා බස් ගාස්තුව සාධාරණ මුදලකින් වැඩි කරන්න. ඒකට කාටවත් ඒකට විරුද්ධ වෙන්න දෙයක් නැහැ.