( ලලිත් නවරත්න)
 
ආරච්චිකට්ටුව කෝට්ටපිටිය ප්‍රදේශයෙන් කොවිඩ් 19 අසාදිතයෙකු හමුවූබව හලාවත රෝහල් අධ්‍යක්ෂ කේ. පී. මල්ලවආරච්චි මහතා පවසයි .
 
මෙම කොරෝනා අසාදිත තැනැත්තිය උණ රෝගය සඳහා ප්‍රතිකාර ගැනීමට හලාවත රෝහලට පැමිණ ඇති අතර ඇයට කොවිඩි 19 රෝග ලක්ෂණ තිබීම
හේතුවෙන් බාහිර රෝගී අංශයේ වෛද්‍යවරු විසින් රෝහල් අධ්‍යක්ෂක වරයාගේ උපදෙස්මත කොරෝනා විශේෂ ප්‍රතිකාර ඒකකයට ඇතුළත්කර
ඇත.
 
එහිදි ඇයගේ ජෛව සාම්පල් කොටස් අදාල වෛද්‍ය පරීක්ෂණ සඳහා යොමු කිරීමෙන් අනතුරුව ඇයට කොවිඩ් 19 වෛරසය අසාදනය වීඇති බවට
හෙළිව ඇත.
 
මෙම කාන්තාව ඩුබායි රටෙහි රැකියාවක නිරතව සිට මීට මාසකට පමණ ඉහතදී මෙරටට පැමිණ ඇති අතර වව්නියාව නිරෝධායන මධ්‍යස්ථානයෙන් දින 14ක් නිරෝධායනය වී නැවත ආරච්චිකට්ටුව කෝට්ටපිටිය සිය නිවසේදීද නිරෝධායනය වී ඇතිබව වෛද්‍ය අංශ පවසයි.
 
මෙම අසාධිත තැනැත්තිය වැඩිපුර ප්‍රතිකාර සඳහා මුල්ලේරියාව රෝහලට ඇතුළත් කිරීමට සෞඛ්‍ය බළධාරීන් කටයුතු කර ඇත.
 
තැනැත්තියගේ පවුලේ සමාජිකයින්ගේ ජෛව සාම්පල කොටස් පරීක්ෂණ සඳහා යොමුකර ඇති අතර එම පිරිස් අනිවාර්ය  නිරෝධායනයට යොමුකර
ඇතිබව ආරච්චිකට්ටුව සෞඛ්‍ය වෛද්‍ය නිළධාරී වෛද්‍ය අයි. එම්. සී ජයසිංහ මහත්මිය සඳහන් කරයි.