කොරෝනා වයිරසයෙන් ආර්තික සහ කම්කරු ක්ෂේත්‍රවලට එල්ල වන බලපෑම හේතුවෙන් ලොව පුරා මිලියන 25ක රැකියා අවස්ථා අහිමිවීමේ අවදානමක් පවතින බව අන්තර්ජාතික කම්කරු සංවිධානය පවසයි.

එක්සත් ජාතීන්ගේ සංවිධානය පැවසුවේ, අන්තර්ජාතික ප්‍රතිපත්තිමය ප්‍රතිචාරයන්ට අනුව ගෝලීය රැකියා විරහිත තත්වය කෙරෙහි වන බලපෑම අඩු කරගත හැකිවනු ඇති බවය.

එම සංවිධානය කොරෝනා වයිරසයේ ගෝලීය ව්‍යාප්තිය අනුව ලැබූ තොරතුරු මත පළකළ වාර්තාවක මේ බව දක්වා තිබිණි.

රැකියා ස්ථානයේ සේවානියුක්තිකයන් ආරක්ෂා කිරීම, ඔවුන්ගේ ආර්ථිකය දිරිගැන්වීම සහ ආදායම් හා රැකියා තත්වය වෙනුවෙන් සහය දැක්වීම යන දැවැන්ත ක්‍රියාමාර්ග එම සංවිධානය යෝජනා කර සිටී.

මිලියන 5.3 සිට මිලියන 24.7 දක්වා ප්‍රමාණයක රැකියා නියුක්තිකයන්ට මෙම අවදානම බලපාන බවද එම වාර්තාවේ දැක්වේ.

ඒ අනුව, සුළු සහ කුඩා පරිමාණ ව්‍යාපාරවල රාජකාරිවල නියුතු පුද්ගලයන්ගේ සමාජ ආරක්ෂණය, වැඩකරන කාලය, ආදී දෑ ද අනුව ගත යතු ක්‍රියාමාර්ග ද සොයාබැලිය යුතුය.