(සිරිනිහාල් ගමගේ)                                                      

වදුරඹ කොකාවල ප්‍රදේශයේ 39 වියැති  කාන්තාවකට කොරෝනා ආසාදනය වී ඇති බවත්, ඇයගේ දරුවා යන පෙර පාසලේ දරුවන් 35ක්‌, එම පවුල්වල අයවලුන් හා ගුරුවරියන් නිරෝධානයට ලක්‌ කර බවත් බද්දේගම සෞඛ්‍ය වෛද්‍ය නිලධාරී කාර්යාලය පවසයි.     

මෙම කාන්තාවගේ පෙර පාසල් යන දරුවාගේ උපන්දිනයක් ඉකුත් දින පැවති අතර එවිට පෙර පාසලේ කේක් කපා ඒවා සැවොම අනුභව කර ඇත. එබැවින් හා මෙම දරුවා සමග අනෙකුත් දරුවන් සමීපව ඇසුරු කිරීම නිසා ඔවුන් නිරෝධනයට යොමු කර තිබේ. ආසාදිත කාන්තාවගේ දරුවා ප්‍රථමයෙන් පී සී ආර් පරීක්ෂණ සදහා යොමුකොට ඉන් ලැබෙන වාර්තාව අනුව ඉදිරි ක්‍රියාමාර්ග ගැනීමට කටයුතු කරණ බැව් පරිපාලන මහජන සෞඛ්‍ය පරීක්ෂක කේ.පි.නවරත්න මහතා පැවසීය.                                                             

කොරෝනා ආසාධිත කාන්තාවගේ සැමියා කොළඹ ප්‍රදේශයේ රැකියාවක් කරණ අයකු බවත් එනමුදු ඔහු මාසයක කාලයක්‌  නිවාඩු ලබා නිවසට පැමිණ නැති බවත් සෞඛ්‍ය නිලධාරීහු පවසති.

බද්දේගම සෞඛ්‍ය වෛද්‍ය නිලධාරී වෛද්‍ය ගුණවර්ධන මහතාගේ උපදෙස් පරිදි පරිපාලන මහජන සෞඛ්‍ය පරීක්ෂක කේ. පි. නවරත්න මහතා ප්‍රමුඛ නිලධාරීහු මෙම රාජකාරින් ඉටු කරමින් සිටිති.