2025 ජුලි මස 13 වන ඉරිදා
2025 ජුලි මස 13 වන ඉරිදා
මාර්තු 18 - ඒ.එෆ්.පී. (බර්ලින්)
විවිධ රටවල දේශපාලන නායකයන් කොරෝනා වයිරසයේ දරුණු බව කිසිදු සැලකිල්ලකට නොගෙන අවතක්සේරු කළ බව යුරෝපා කොමිසමේ සභාපතිනී උර්සුලා වොන්ඩ ලියන් මහත්මිය පැවසුවාය. කොරෝනා වයිරසයේ ව්‍යාප්තිය මර්දනය කිරීම සඳහා සිය දේශ සීමා වසාදැමීමට යුරෝපා සංගමය පියවර ගැනීමත් සමඟ ඇය මේ බව සඳහන් කළාය.
''අපි කවුරුවත් විශේෂඥවරු නෙමෙයි. ඒත් මූලික අවස්ථාවේදී අපි කොරෝනා වයිරසය අවතක්සේරු කළා“ යයි උර්සුලා වොන්ඩ ලියන් ජර්මනියේ ‘බිල්ඩ්‘ පුවත් පතට පවසා තිබිණ. ඇය සමග කළ සාකච්ඡාව ‘බිල්ඩ්‘ පුවත් පතේ බදාදා දින පළකර තිබිණ.
“මේ යන විදියට, තව සෑහෙන කාලයක් අපිට මේ වයිරසයත් එක්ක ඔට්ටු අල්ලන්න සිද්ධවෙන බව නම් පැහැදිලියි. වයිරසය පාලනය කරන්න ගන්න තරම් දැඩි වැඩියි කියලා සති දෙකකට හෝ තුනකට පෙර හිතපු ක්‍රියා මාර්ග මේ මොහොතේදීම ක්‍රියාත්මක කළ යුතුයි'' යයිද ඇය පැවසුවාය.
පසුගිය අවුරුද්දේ දී චීනයෙන් ආරම්භ වූ කොරෝනා වයිරසය ශීඝ්‍රයෙන් ලොව පුරා ව්‍යාප්තව ගොසිනි. අද (18 වැනිදා) ග්‍රිනිජ් වේලාවෙන් උදෑසන 7.00 වන (ශ්රී ලංකාවේ වේලාවෙන් දහවල් 12.30 වන විට) වයිරසය ආසාදනය වූ පුද්ගලයන් 200,000 කට ආසන්න සංඛ්‍යාවක් වාර්තා වූ අතර 7,991 දෙනෙකු මිය ගොසිනි.
මෙම වයිරසයේ ගෝලීය ව්‍යාප්තිය යුද්ධයක් ලෙස අර්ථ ගැන්වූ ප්‍රංශ ජනාධිපති එම්මානුවෙල් මහතාගේ භාෂා භාවිතයට ද මෙහිදී උර්සුලා මහත්මිය ප්‍රතික්ෂේප කළාය. ප්‍රංශ ජනාධිපතිවරයා එම ප්‍රකාශය කළේ සියලුම ප්‍රංශ ජාතිකයන්ට සති දෙකක් පුරා නිවෙස් තුළට වී සිටින ලෙස උපදෙස් දෙමිනි.
'මම පෞද්ගලිකව ඒ වචනය පාවිච්චි කරන්නේ නැහැ. ඒත් මට පැහැදිලියි ප්‍රංශ ජනපතිවරයා එයින් අදහස් කළේ, වයිරසය කරදරකාර සතුරෙකු බව හඳුන්වා දීමටයි' “ යයිද උර්සුලා වොන්ඩ ලියන් මහත්මිය පැවසුවාය.
2025 ජුලි මස 04
345
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
891
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1298
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
’දේශපාලනඥයින් වයිරසයේ දරුණුබව අවතක්සේරු කළා’
රවින් Wednesday, 18 March 2020 08:19 AM
එහෙත් එහෙමද? මෙහෙත් එහෙමයි. හැබැයි මෙහෙනම් ටිකක් විතර කොරෝනා මඩින්න පියවර ගත්තා. එ්ත් කොහෙද මෙහේ, "මේ රටේ මිනිස්සු කෙලින්නේ පිස්සු කියකියා අනික් එවුන් එක්ක පිස්සු කෙලිනවා." දන්නවනේ ඉතින් මෙහේනේ මරාගෙන මැරෙන බෝම්බ කරුවන්ට ප්‍රසිද්ධයි කියලා. හැබැයි ඉතින් දේශපාලුවන් ටික නම් පොඩ්ඩක් විතර සැරෙන්ඩර් වෙලා. වෙන මොකවත් නොවේ ගාණක් හොයාගන්න වැඩේට බහින්න ටිකක් අමාරුයි. කෙහෙන් එනවාද දන්නේ නැහැ. මේ පාර උනුන් දන්නවා හුළං වැපුරුවොත් සුළි සුළං හම්බවෙන විත්තිය...
Akila Wednesday, 18 March 2020 08:36 AM
''අපි කවුරුවත් විශේෂඥවරු නෙමෙයි. ඒත් මූලික අවස්ථාවේදී අපි කොරෝනා වයිරසය අවතක්සේරු කළා“ - මේක අපේ ලොක්කත් කියවනවා නම් හොඳයි.. තවම සුළු පිරිසකට පමණක් හැදිලා තියන හින්දා එ්ක එච්චර ලොකු ප්‍රශ්නයක් නෙමෙයි... කිව්වේ ඊයේ රෑ...
විපරමා Wednesday, 18 March 2020 10:12 AM
අපේ රටේත් කියලා ඒ තරම් වෙනසක් නැහැ. තුනෙන් දෙකේ බලය නැතිව මොකවත් කරන්න විදියක් නැහැනේ...?
Champa Wednesday, 18 March 2020 10:58 AM
මෙහෙත් එහෙමයි. ඊට අන්තයි. මෙහෙ ජනාධිපතිට තාම කොරෝනා ලොකු ප්‍රශ්නයක් නෙමෙයිලු... ඒ හින්දා තවතව මිනිස්සුන්ට බෝවෙන්න ඇරලා එයා ආරක්ෂිතව ඉන්නවා. මම හිතන්නේ වසංගතයක් වෙනකම් වෙන්න ඇති...
Kuma Wednesday, 18 March 2020 02:53 PM
විශේෂයෙන් ශ්රී ලංකාවේ..
Kuma Wednesday, 18 March 2020 04:28 PM
2/3 ක බලය ලැබුණු පසු වයිරසයේ දරුණුබව තක්සේරු කළහැකිය..