(මහින්ද නිශ්ශංක)
 
ඩීසල් සහ පෙට්‍රල් ලීටර් 81,200 ක් රැගත්  ටැංකි 14 කින් සමන්විත දුම්රියක් අද (23) පෙරවරු 9 ට කොලොන්නාව තෙල් ගබඩා පර්යන්තයේ සිට පේරාදේණිය දක්වා ධාවනය වූ බව ලංකාඛනිජ තෙල් සංස්ථාව පවසයි.
 
 තවත් පෙට්‍රල් සහ ඩීසල්  40,000 අඩංගු  තවත් දුම්රියක් අද දහවල් 12ට මඩකලපුව බලා  පිටත්වය යාමට සැළසුම් කර ඇතැයිද  සංස්ථාව කියයි.

මීට අමතරව පෙට්‍රල් සහ ඩීසල්   ලීටර් ලක්ෂ පහක් අඩංගු  තවත් දුම්රියක්  අනුරාධපුරයටද  ගුවන් යානා ඉන්ධන ලීටර් 40,500 බැගින් අඩංගු  තවත් දුම්රිය දෙකක් කටුනායක ගුවන්තොටුපොළ දක්වා  ධාවනය කරවීමට සැළසුම් කර ඇතැයි ද සංස්ථාව වැඩිදුරටත් පැවසීය.
 
  ඇදිරිනිය පැනවීමත් සමඟ පසුගිය 20 වැනිදා දුම්රිය ධාවනය නතර කළ පසු අද ධාවනය වන මෙම ඉන්ධන දුම්රිය පළමු දුම්රිය වෙයි.