කොරෝනා වයිරසය ආසාදනයෙන් ඉන්දියාවේ සිදුවූ 10 වැනි මරණය අද උදෑසන වාර්තා විය.

තමිල්නාඩුවේ 54 හැවිරිදි පුද්ගලයෙකු මෙසේ මරණයට පත්වී ඇති අතර ඔහු විදෙස් සංචාරයක නිරත වී ඇති බවට අනාවරණය වී නැතැයි තමිල්නාඩු ප්‍රාන්තයේ සෞඛ්‍ය අමාත්‍ය විජය භාස්කර් මහතා පැවසීය.

මදුරෙයි ප්‍රදේශයේ රාජාජි රෝහලට ඇතුළත් කර ඇති මොහු දියවැඩියාව සහ  අධිරුධිර පීඩනය වැනි දිගු කල් පවත්නා රෝගවලින් පෙළී ඇත.

මෙම තැනැත්තා වන්දනා චාරිකාවක් සඳහා පැමිණි තායිලන්ත ජාතිකයින් පිරිසක් සමඟ සම්බන්ධතා පවත්වා ඇති බව හෙළවී තිබේ.

තමිල්නාඩු ප්‍රාන්තයෙන් වෛරසය ආසාදිත නව රෝගීන් තිදෙනෙක් හඳුනාගෙන ඇති බව ප්‍රාන්ත සෞඛ්‍ය අමාත්‍යවරයා වැඩිදුරටත් ප්‍රකාශ කළේය.


(හින්දුස්ථාන් ටයිම්ස් ඇසුරෙනි)

-226-