ඉන්දියාවේ ආසාදිතයකුගෙන් තවත් පුද්ගලයකුට කොරෝනා වැළඳෙන අගය හඳුනාගැනේ

ඉන්දියාවේ, සෑම ආසාදිත පුද්ගලයකුගෙන් ම තවත් පුද්ගලයකුට වයිරසය ආසාදනය වීමේ සාමාන්‍ය අගය 1.7%ක් බව චෙන්නායිහි ගණිත සහ විද්‍යාව පිළිබඳ උසස් ආයතනයේ විද්‍යාඥවරුන් කළ අධ්‍යයනයකින් හෙළි වී තිබේ.

ලෝකයේ සෙසු රටවල්වලට සාපේක්ෂව මෙම අගය ඉතා අඩු මට්ටමක පවතින බවද එම අධ්‍යයනයෙන් අනාවරණය වී ඇත.

අද වනවිට ඉන්දියාවේ කොරෝනා වයිරසය ආසාදනය වූ පුද්ගලයන් සංඛ්‍යාව 169 දක්වා ඉහළ ගොසිනි.

වැඩිම ආසාදිතයන් පිරිසක් වාර්තා වන්නේ මහාරාෂ්ට ප්‍රාන්තයෙන් වන අතර, එම අගය 45කි. දිල්ලි ප්‍රාන්තයේ ආසාදනය වූවන් සංඛ්‍යාව 19 දක්වා ඉහළ ගොසිනි.

මේ අතර, අද සිට මාරුතු 31 දක්වා කාලය තුළදී ඉන්දියාවට පැමිණෙන ඉන්දීය ජාතිකයන් 26,000ක් නිරෝධායනයට යොමුකිරීමට බ්‍රිහාන් මුම්බායි නාගරික සංස්ථාව තීරණය කර ඇත.

ඊයේ දිනයේදී සිඩ්නි නුවර සිට පැමිණ, වයිරසය ආසාදනය වී ඇති බවට සැකකරන ආසාදිත පුද්ගලයකු නිරෝධායනය සඳහා රඳවා තිබූ සෆ්දාර්ජුන් රෝහලේ 7 වන තට්ටුවෙන් බිමට පැන ඇති අතර, තුවාල ලබා මියගොස් ඇතැයි වාර්තා වේ.

ඊයේ ඉන්දීය අග්‍රාමාත්‍ය නරේන්ද්‍ර මෝදි මහතා උසස් නිලධාරීන් සමඟ විශේෂ සාකච්ඡාවක් පැවැත්වූ අතර, අද රාත්‍රියේදී ඔහු ජාතිය ඇමැතීමට නියමිතය.

අදහස් (7)

ඉන්දියාවේ ආසාදිතයකුගෙන් තවත් පුද්ගලයකුට කොරෝනා වැළඳෙන අගය හඳුනාගැනේ

rocky Thursday, 19 March 2020 08:07 AM

කරුණාකරලා මේ ගැන අපට පැහැදිලි භාෂාවකින් තේරුම් කරලා දෙනවද? මොකද්ද මේ අගය කියන්නේ? කොරෝනා වයිරස් එක අගය තියන බඩුවක්ද? වෙළඳපලේ විකුණන්න පුලුවන්ද?

: 59 75

samanThursday, 19 March 2020 08:31 AM

කෙනෙකුගෙන් තවෙකෙකුට රෝගය බෝවීමේ සම්භාවිතාවය 0.17 (17%)ක් බව තමයි මට නම් හැඟීයන්නේ...

: 0 3

rasika Thursday, 19 March 2020 08:16 AM

අඩු තක්සේරුවක් වගේ... යුරෝපයට වුණු දේ හොඳින් දැක්කා...

: 0 32

Ranjan Thursday, 19 March 2020 08:17 AM

කොහොම වුණත් සති 2-3 ඉන්දියාවේ සංචාරයකර ලංකාවට පැමිණි කට්ටියම ගෙදර යවලා නිවසට වෙලා ඉන්න කියලා දැන් මේ ආච්චිලා සීයලා ටික ළඟපාත කට්ටියට විස්තර නොකියා සිටීද?

: 1 61

banda Thursday, 19 March 2020 08:39 AM

උෂ්ණ රටවල මෙය පැතිරෙන්නේ නැති තරම්ය . මෙයට හොදම උදාහරණය අප්‍රිකානු කලාපය හා කැරිබියානු දුපත්...

: 0 0

sam Thursday, 19 March 2020 08:58 AM

ඉන්දියාවේ අගමැතිත් ජාතිය අමතන්න යනවා කියන්නේ... එහෙත් සැමන්වලයි, පරිප්පුවලයි මිල අඩුවේවි...!!!

: 1 3

thilak Thursday, 19 March 2020 09:18 AM

එහෙත් සැමන්, පරිප්පු මිල අඩුකරයිද දන්නේ නෑ...

: 0 2