ඇමෙරිකා එක්සත් ජනපදයේ නව කොරෝනා වයිරස ආසාදිත මරණ ගණන ඊයේ 125,000 පසු කර ගියේය.

ඇමෙරිකා එක්සත් ජනපදයෙන් වාර්තා වන නව කොරෝනා වයිරස ආසාදිතයන්ගේ සමස්ත ගණන 2,505,590 දක්වා ඉහළ ගොස් ඇත.

නව කොරෝනා වයිරසය හෙවත් 'කොවිඩ්-19' ගෝලීය වසංගතයෙන් වැඩිම ආසාදිතයන් ගණනක් හා මරණ ගණනක් වාර්තා වන්නේ ඇමෙරිකා එක්සත් ජනපදයෙනි. දෙවැනියට වැඩිම ආසාදිතයන් ගණනක් වාර්තා වන්නේ බ්‍රසීලයෙනි. දෙරටින් වාර්තා වන ආසාදිතයන් ගණනේ පරතරය මිලියන 1.2කි.

මේ අතර ඇමෙරිකා එක්සත් ජනපද ජනාධිපති ඩොනල්ඩ් ට්‍රම්ප් සිය දෛනික මාධ්‍ය හමුව නැවැත්වීමෙන් පසුවද නව කොරෝනා වයිරස හේතුවෙන් වියට්නාම් යුද්ධයෙන් මියගිය ඇමෙරිකානුවන්ගේ ගණනට වඩා ගණනක්  මියගොස් ඇතැයි 'ද නිව්යෝක් ටයිම්ස්' පුවත්පතේ ධවල මන්දිර වාර්තාකරු වන පීටර් බේකර් ට්විටර් පණිවුඩයක් නිකුත් කරමින් සඳහන් කර තිබිණි.

නව කොරෝනා වයිරස ව්‍යාප්තිය මර්දනය කිරීම සඳහා ඇමෙරිකා එක්සත් ජනපදය කාර්ය සාධක බලකායක් ස්ථාපිත කළේය. එහි තීන්දු තීරණ සහ එම බලකාය ගත් පියවර දැනුම් දෙමින්  ඇමෙරිකානු ජනාධිපතිවරයා ධවල මන්දිරයේ දී දෛනික මාධ්‍ය හමුවක් පැවැත්වීය. 

පොලිස් ප්‍රචණ්ඩත්වයට සහ වර්ගවාදයට එරෙහිව ඇමෙරිකාව තුළ විරෝධතා ආරම්භ වීමත් සමඟ එම මාධ්‍ය හමුව නතර විණි.

එම කාර්ය සාධක බලකාය ද මාස දෙකකින් රැස්වී නැතැයි ඇමෙරිකනු මාධ්‍ය වාර්තා කර තිබිණි .

ද ගාඩියන් 

055