(ජේ.කේ.එල්. චාමින්ද)

ඇඳිරි නීතිය පවතින කාලය තුල සමුපාකාර අලෙවිසැල්, සමුපාකාර හරහා කරන ජංගම බෙදාහැරිම් හා පෞද්ගලික අංශය මගින් දකුණේ ජනතාව වෙත හිගයකින් තොරව අත්‍යවශ්‍ය ආහාර ද්‍රව්‍ය බෙදාහැරිමේ සදහා මේ වනවිට මුලික කටයුතු කර ඇති බව දකුණු පළාත් ආහාර සැපයුම් බෙදාහැරීම වෙළඳ හා සමුපාකාර සංවර්ධන අමාත්‍යංශයේ ලේකම් ඒ.යු වෙලාරත්න මහතා පවසයි.

මෙම කටයුතු ඉදිරි දිනවල පුළුල් කිරිමට කටයුතු කරන බවද ලේකම්වරයා පවසයි.

මේ පිළිබද අදහස් දක්වමින් පළාත් සමුපාකාර අමාත්‍යංශයේ ලේකම්වරයා මෙසේද කිවේය.

'සමුපාකාර සමිති හාරහා පළාත් සභාවේ කුඩා ලොරි රථ යොදාගෙන ආහාර බෙදාහැරිම කටයුතු කරනවා. සමුපාකාර සමිති හා ජංගම වෙළදසැල් හරහා මෙම කටයුතු කරනවා. පෞද්ගලික අංශය මගින් වෙළද සංගම් හරහා පාරිභෝගිකයින්ගේ නිවෙස්වලට ආහාර ද්‍රව්‍ය ගෙනවිත් දිමේ වැඩසටහනක් ක්‍රියාත්මක කිරිමට පෞද්ගලික අංශය එකගවි තියෙනවා. රෝහල් කාර්ය මණ්ඩලය වෙනුවෙන් ආහාර සැපයිම සදහා ක්‍රමවේදයක් සකස් කිරිමට සැලසුම් කර 'ඇති බවද පළාත් ලේකම්වරයා සදහන් කළේය.