2021 දෙසැම්බර් මස 01 වන බදාදා
(නිමන්ති රණසිංහ)
ශී‍්‍ර ලංකා මහ බැංකුව බැඳුම්කර නිකුත් කිරීමෙන් 2016 වර්ෂයේදී අක‍්‍රමිකතාවක් සිදුකර රජයට පාඩු කළැයි කියන සිද්ධියට අදාළව වෝහාරික විගණන පරීක්ෂණ කටයුතු ශ්‍රී ලංකා මහ බැංකුව සිදුකරමින් බවතින බව රජයේ නීතීඥ ලක්මිණී ගිරියාගම මෙනෙවිය කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය හමුවේ අද (28) ප‍්‍රකාශ කළාය.
මෙම බැඳුම්කර වංචාවට අදාළව විවිධ අංශ කිහිපයක් ඔස්සේ අපරාධ පරීක්ෂණ දෙපාර්තමේන්තුව සහ මහ බැංකුව තවදුරටත් විමර්ශන කරමින් පවතින බවත් පර්පෙචුවෙල් ටේරෂරීස් සමාගම් සමූහයට අනුබද්ධ ඩබ්ලිව් එම්. මෙන්ඩිස් සමාගමේ බැංකු ගිණුම් පිළිබඳව ද විශේෂ විමර්ශනයක් ආරම්භ කර ඇති බවත් රජයේ නීතීඥවරිය වැඩිදුරටත් අධිකරණයට දැනුම් දුන්නාය.
2016 වර්ෂයට අදාළ බැදුම්කර නිකුතුවේදී සිදුවූ බව කියන සිද්ධියට අදාළ මහේස්ත‍්‍රාත් පරීක්ෂණය අද(28) අධිකරණය හමුවේ යළි කැදවූ අවස්ථාවේදී මෙම කරුණු ඉදිරිපත් විණී.
