කොලම

ශ්‍රී ලංකාවේ නීතියේ බලය ක්‍රියාත්මකද?

දිවංගත එච්.එල්. ද සිල්වා අනුස්මරණ සඳහා මීට දොළොස් වසකට පෙර කොළඹ පැවති උත්සවයක මුලසුන හොබවමින් හිටපු විදේශ ලේකම් එච්.එම්.ජී.එස්. පළිහක්කාර වටිනා අදහස් කීපයක් ප්‍රකාශයට පත්කළේය. ඔහු කියා සිටියේ ශ්‍රී ලංකාවේ පවතින්නේ රැක බලාගත් නීතිමය පාලනයක් නොව, එය බලයේ සිටිනා මිනිසුන්ගේ පාලන ක්‍රමයක් ලෙස නම් කළ හැකි බවයි.

08 July 2024

තැපෑලේ අතිකාල මගඩි නතර කිරීමට ක්‍රමයක් නැද්ද?

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරුණ වන්නේ, මේ වාර්තා බොහොමයක් හොඳට නොව නරකට සම්බන්ධ ඒවා වීමයි. තැපැල් දෙපාර්තමේන්තුව ද මේ කියන දෙපාර්තමේන්තු අතුරින් එකකි. විගණන කාර්යාලය පසුගිය දා නිකුත් කළ අලුත් වාර්තාව මේ බව සනාථ කර තිබේ.

08 July 2024

පාර්ලිමේන්තු කාලයෙන් උපරිම ප්‍රයෝජන ගනිමු

පාර්ලිමේන්තුවේ පැය එකහමාරක හදිසි රැස්වීමක් පැවැත්වීම සඳහා රුපියල් කෝටියකට ආසන්න මුදලක් වැය වී ඇතැයි පසුගියදා වාර්තා වූයේය. පසුගිය 02 වැනිදා මෙම හදිසි රැස්වීම පවත්වා තිබුණේ ණය ප්‍රතිව්‍යුහගතකරණ ගිවිසුම් සම්බන්ධයෙන් ජනාධිපතිවරයාට විශේෂ ප්‍රකාශයක් කිරීම සඳහා ය. මාධ්‍ය වාර්තාවලට අනුව ජනාධිපතිවරයාගේ කතාවෙන් පසුව විපක්ෂ නායකවරයාද ප්‍රකාශයක් කළ අතර එයින් පසුව පාර්ලිමේන්තුව කල් තබනු ලැබූ බව වාර්තා විය.

06 July 2024

අදට ගැලපෙන බලවේගයක අවශ්‍යතාව

ශ්‍රී ලංකා මහ බැංකුව විසින් ලංකාව නීත්‍යානුකූල නොවන ලෙස බංකොලොත් බව ප්‍රකාශයට පත්කරනු ලැබීමෙන් පසු මතු වූ රට ගොඩ ගැනීමේ සංවාදය අද වන විට දේශපාලනයේ ප්‍රමුඛත්වය අත්පත් කරගෙන ඇත. මේ වන විට සුබාරංචි හා අසුබාරංචි පිළිබඳ තැනක එම සංවාදයේ මුහුණත දක්නට ලැබේ. මේ තීව්‍ර හා ගතික සංවාදය තුළ බොහෝ අය කතා කරන්නේ කොළේ වහගෙන ය.

05 July 2024

ළමා පරපුර රැකගැනීම සමස්ත සමාජ වගකීමක්

හදවත් පාළු සෝබර සංකාවෙන් පුරවන පුවත් නිමක් නැත. එබඳු පුවත් දෙකක්ම අප පුවත්පත ඊයේ වාර්තා කළේය. එක් පුවතකින් කියැවුණේ කොළඹ 2 කොම්පඤ්ඤවීදියේ අල්ටෙයාර් තට්ටු නිවාස සංකීර්ණයේ 67 වැනි මහලින් පැන වයස අවුරුදු 15ක සිසුවකු හා සිසුවියක දිවි නසා ගත් බවය. දෙදෙනාම කුරුඳුවත්ත ජාත්‍යන්තර පාසලක එකම පන්තියේ ඉගෙනගත් බවත් එය දිවි නසා ගැනීමක් ද? වෙනත් අනතුරක් ද? යන්න සම්බන්ධයෙන් පරීක්ෂණ පවත්වන බවත් අප ප්‍රවෘත්තියේ සඳහන්ය.

05 July 2024

සෑම ආගමකටම ගරුකිරීම ශිෂ්ටත්වයේ ලක්ෂණයක්

උපන් බිම, ජාතිකත්වය හා ආගම ඕනෑම මිනිසකු සතු මහරුම සම්පතකි. ඒවාට ගරු නොකරන්නා තුළ මනුෂ්‍යත්වයේ අංශු මාත්‍රයක්වත් තිබිය නොහැක. තමන්ගේ උපන් බිමට, ජාතිකත්වයට හා ආගමට ගරු කරන්නා සේම අනෙකාගේ උපන් බිමට, ජාතිකත්වයට හා ආගමට ගරු කිරීමේ ශිෂ්ටත්වය ද මිනිසා ප්‍රගුණ කළ යුතුය. මනුෂ්‍යත්වයෙන් පිරිපුන් අගනා මිනිසකු නිර්මාණය වන්නේ එමගිනි.

04 July 2024

තෙල් මිල අඩුවීමේ වාසිය ජනතාවටත් ලැබෙන්න ඕනෑ

ඉන්ධන මිල පහළ දැමීමේ පුවත කොහොමත් ශුභාරංචියකි. එයට හේතුව රටේ සෑම ද්‍රව්‍යයක්ම, සේවාවක්ම ඉන්ධන මිල සමග ගැට ගැසී ඇති බැවිනි. ජනතාවගේ විශ්වාසය වන්නේ ඉන්ධන මිල පහළ දැමීමත් සමග ආහාර පාන ඇතුළු සෑම ද්‍රව්‍යයකම මිල පහළ බසිනු ඇති බවය. එහෙත් මෙවර ඉන්ධන මිල පහළ බැස ඇත්තේ ජනතාව බලාපොරොත්තු වූ ශුභාරංචියට උපරිම සාධාරණයක් ඉටු කරවමින් නොවීම කනගාටුවට කාරණයකි.

03 July 2024

සෞඛ්‍ය ක්ෂේත්‍රයේ ගැටලු විසඳීමට ප්‍රමුඛත්වයක් ඕනෑ

මෙම තීරුව වැඩි වශයෙන්ම වැයකර ඇත්තේ සෞඛ්‍ය සේවය සම්බන්ධයනේ විය යුතුය. එයට හේතුව මෙරට ජනයාගේ පණනල රැකී තිබෙන්නේ සෞඛ්‍ය සේවය මත වීම නිසාය. එහෙත් අවාසනාවකට මෙන් සෞඛ්‍ය සේවයෙන් වැඩි වශයෙන් වාර්තා වන්නේ දූෂණ, අක්‍රමිකතා, හොරකම් සහ පරිපාලන ගැටලු ආදිය පිළිබඳවයි. අප පුවත්පත ඊයේ දිනයේ දී ද සෞඛ්‍ය සේවය සම්බන්ධයෙන් වාර්තා කරනු ලැබුවේ ඇඟ ලොමු ඩැගැ ගන්වන සුළු ප්‍රවෘත්තියකි.

02 July 2024

ආර්ථික වර්ධනයේ සුබ ලකුණු

විදේශීය ණය කොටස් තුනකි. එනම්, බහුපාර්ශ්වීය, ද්වීපාර්ශ්වීය සහ වාණිජ ණය වශයෙනි. බහුපාර්ශ්වීය ණය එනම්, ලෝක බැංකුව, ජාත්‍යන්තර මූල්‍ය අරමුදල වැනි මූලාශ්‍රවලින් ලබා ගත් ණය අපි ගෙවමින් සිටිමු. එහෙත් 2022 අප්‍රේල් සිට ද්වීපාර්ශ්වීය ණය හා වාණිජ ණය ගෙවීම අත්හිටවූයෙමු.

01 July 2024

ගුරු වැටුප් ගැටලුව දිග්ගසන්න දෙනු එපා

වැටුප් ප්‍රශ්නයක් මුල්කර ගනිමින් ගුරු - විදුහල්පති වෘත්තීය සමිති සන්ධානය අසනීප නිවාඩු දමා සේවයට වාර්තා නොකර සිටීමේ වෘත්තීය ක්‍රියාමාර්ගය හේතුවෙන් පාසල් පද්ධතියම දින දෙකක් අඩපණ විය. එක දිනකට පමණක් සීමා වන වෘත්තීය ක්‍රියාමාර්ගයක් වශයෙන් එය හඳුන්වා දුන්නද විරෝධතාවේ නිරතව සිටි පිරිසට එල්ල කළ පොලිස් ජල සහ කඳුළු ගෑස් ප්‍රහාර හේතුවෙන් එය දින දෙකක් දක්වා දීර්ඝ විය. ඒ හේතුවෙන් මෙරට පාසල් දරුවන්ට දින දෙකක අධ්‍යාපන කාලයක් අහිමි වී ගියේය.

01 July 2024

අධිවේගියේ වංචනිකයන්ට නීතිය දැඩිව ක්‍රියාවට නංවමු

අධිවේගයේ අධිවේගියෙන් මුදල් සොරකමක් සම්බන්ධයෙන් ප්‍රධාන මුදල් අයකැමි ඇතුළු අයකැමිවරුන් විසි දෙදෙනකුගේ වැඩ තහනම් කිරීමේ පුවතක් අප පුවත්පත ඉකුත්දා වාර්තා කළේය. සිදුකර ඇතැයි පැවසෙන සොරකමේ ප්‍රමාණය අනුව මෙම සොරකමට සම්බන්ධ වූවන් සිටිය යුත්තේ මහ උළුගෙදර කල්දේරම් බතෙහි රස බලමින්ය. දැනට වාර්තා වන්නේ මෙම අක්‍රමිකතාව සම්බන්ධයෙන් චෝදනා ලැබ සිටින්නන් වැඩ තහනම් කර ඇති බවය.

29 June 2024

දේශපාලනයේ ආර්ථිකයේ සුබ අසුබ

මේ දිනවල රටේ සමහර තැන්වල ප්‍රදර්ශනය වූ පෝස්ටරයකින් කියවුණේ ‘සුබ ආරංචියක්’ එන බවයි. සාමාන්‍යයෙන් ඉතිහාසයේ ‘සුබ ආරංචි’ කතාව තිබුණේ කතෝලික දේවධර්ම ඉගැන්වීම් තුළ දැක්වෙන සුබ ආරංචිය පිළිබඳ දේශනාව තුළය. එහෙත් මේ දිනවල පෝස්ටර් ගසා සමහරුන් විසින් ප්‍රසිද්ධ කරන්නට හදන්නේ එවැනි ආගමික සුබ ආරංචියක් නොව දේශපාලන සුබ ආරංචියක් පිළිබඳවය.

28 June 2024

ගෙවල් කුලියට පොලු තබන මැති ඇමැතින්ට දඬුවම් නැද්ද?

පෞද්ගලික නිවාස හිමි පුද්ගලයන්ට පවා බද්දක් පැනවෙන බවට තොරතුරු පළවෙන අතරේ මැති ඇමතිවරුන් 56ක් තමන් පදිංචිව සිටින නිල නිවෙස්වල කුලියට හිඟ තබා වාර්තා වී තිබේ. මේ බව සිය අලුත්ම විගණන වාර්තාවෙන් උපුටා දක්වන ජාතික විගණන කාර්යාලය සඳහන් කරන්නේ පසුගිය 2015 වර්ෂයේ සිට හිඟ තබා ඇති එම මුදල රුපියල් ලක්ෂ 37ක් පමණ වන බවකි. එසේම රජයේ නිලධාරීන් 18 දෙනකුද රුපියල් කෝටියකට ආසන්න මුදලක් නොගෙවා ඇති බවද සඳහන්ය.

28 June 2024

කෝටි ගණන් වැයකර හැදූ ගොඩනැගිලි කැලේට දාන්න එපා

පොලොන්නරුවේ සියලු රාජ්‍ය ආයතන එක වහළක් යටට ගෙන ඒමේ සංකල්පය මත ඉදිකෙරුණු මෙත්සිරිපාය පරිපාලන ගොඩනැගිල්ල වසර පහක් තිස්සේ කැලෑවට යටවෙමින් පවතින බව අපගේ ලංකාදීපයේ ප්‍රධාන සිරස්තලයකින් පසුගියදා අනාවරණය කළෙමු.

27 June 2024

රජයේ රෝහල්වල ඖෂධ හිඟයකට ඉඩ තියනු එපා

ලෙඩට දුකට බෙහෙතක් නැති රටක් යනු එම රට කිසි ලෙසකින් හෝ මිනිස් වාසයට සුදුසු රටක් නොවන බව ඒකාන්ත සත්‍යයකි. එහෙත් ලෝකයෙන් ම උතුම් රට යැයි පුරවැසියා හදපිරි ගෞරවයෙන් විශ්වාස කළ උදම් ඇනූ සසිරිබර මෙසිරිලක සම්බන්ධයෙන් දිගින් දිගටම ලිවීමට සිදු වී තිබෙන්නේ රෝහල්වල ඖෂධ හිඟයක් පවතින බව ය. නැත්නම් ඖෂධ ඇත්තේ ම නැති බව ය. එබඳු අනුවේදනීය පුවතක් අප පුවත්පත ඉකුත් දා වාර්තා කළේ ය.

26 June 2024

සේරුවිල දෙහිවත්ත ජනපදය රටට කියන පණිවිඩය

නිදහසින් පසු ශ්‍රී ලංකාවේ දේශපාලනඥයන් වැඩියෙන්ම කතා කර තිබෙන්නේ දුප්පත්කම තුරන් කිරීම සම්බන්ධයෙනි. එහෙත් දශමයකින් හෝ කර ගැනීමට නොහැකිව තිබෙන්නේ ද එයමය. සිදුව ඇත්තේ දිනෙන් දින දුප්පත්කම ඉහළ යාම ය. රටේ සාතිශය බහුතරයක් ජනයා එම දරුණු ඉරණමේ පහසු ගොදුරු බවට පත්ව සිටිති. විසිතුරු ආටෝප සාටෝපයන්ගෙන් එය වසන්කර තිබුණ ද නොවැළැක්විය හැකි සිදුවීම්වලින් ඒ බව අනාවරණය වේ. එබඳු එක් සිද්ධියක් අප පුවත්පත ඊයේ මුල් පිටුවෙන් අනාවරණය කළේය.

25 June 2024

අර්බුද විසඳීමට සම්මුති අවශ්‍යතාව

ස්ත්‍රී පුරුෂ සමාජභාවය පිළිබඳ පනත් කෙටුම්පත සම්බන්ධයෙන් ශ්‍රේෂ්ඨාධිකරණය දුන් නිගමනය පිළිබඳව ජනාධිපතිවරයා විසින් පාර්ලිමේන්තුවේදී සිදු කරන ලද ආන්දෝලනාත්මක ප්‍රකාශය සහ පසු අවස්ථාවක අධිකරණ ඇමැතිවරයා විසින් යම් යම් විනිසුරුවරුන් සහ අධිකරණ කටයුතු සම්බන්ධයෙන් පාර්ලිමේන්තුවේදී කරන ලද විවේචන පිළිබඳව මේ දිනවල දැඩි කතා බහක් පවතී.

24 June 2024

තෙල් සංස්ථා වංචාව වසර 8 ක්ම යටගැහීම

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ සිදු වී ඇතැයි අනාවරණය වී ඇත්තේ කෝප් කමිටුව පසුගියදා රැස් වූ අවස්ථාවේදීය. වසර 08 ක කාලයක් තිස්සේ සිදුවූ මේ අසික්කිත වංචාවට හවුල් වූ බව කියන නිලධාරීන් දැන් රටෙත් නැති බවද අනාවරණය වීම ලොකුම ඛේදවාචකයයි.

24 June 2024

ප්‍රමිතියෙන් තොර ඖෂධ නිකුත් කිරීම ජාතික අපරාධයක්

පොසොන් පුර පසළොස්වක පොහොය දිනයට පසුදින වුවද අපට ලිවීමට සිදුවී තිබෙන්නේ සිත් නිවී සැනසීම් බවට පත් කරන කරුණක් නොව සිත් කීරිගස්වන්නට හේතුවන භීතිය අවුළුවාලන ප්‍රවෘත්තියක් සම්බන්ධ කාරණාවක්ය. මෙම කාරණාව අප පුවත්පත ඊයේ දිනයේ වාර්තා කළ ප්‍රධාන ප්‍රවෘත්තියෙනි.

22 June 2024

මිහිඳු හිමි ශිෂ්ඨාචාරයෙන් රට යළි පුබුදුවමු

මිහිඳු මාහිමියන් ලංකාවට වැඩම වීම මෙරට මිහිඳු ශිෂ්ටාචාරයක් සඳහා පදනම දැම්මේ ය. අප අද සිංහල බෞද්ධ ශිෂ්ටාචාරය බවට හඳුනා ගන්නා අපගේ සියලු‍ භෞතික හා ආධ්‍යාත්මික වටිනාකම් උත්පත්තිය ලබන්නේ එම පදනමේ අලෝකය ලබමිනි. මිහිදු ශිෂ්ටාචාරය කොතරම් ප්‍රබල එකක් වූයේ ද යන්න අපට අනුරාධපුර හා පොළොන්නරුව වැනි රාජධානිවල දැනට ඉතිරිව තිබෙන බෞද්ධ ස්මාරකවලින් හඳුනාගත හැකි ය.

21 June 2024

රටට අභිමානය උදාකළ උතුම් පොසොන් පෝය

උතුම් පොසොන් පුර පසළොස්වක පොහොය අදයි. සකල ලංකාවාසි ජනී ජනයා කෙරෙහි පතළ මහා කරුණාවෙන් අනුබුදු මිහිඳුමහරහතන් වහන්සේ මෙරටට වැඩම කර අභිමානවත් ශිෂ්ටාචාරයකට මග ලකුණු කළ පොසොන් පුර පසළොස්වක පොහොය ශ්‍රී ලාංකේය බොදු ජනයාගේ පරම පූජනීය දිනය ද වේ. ඒ වෙනුවෙන් දසතින් නැගෙන සාධුකාර හඬ, ඝණ්ටාර නාද මැද ගුවනට එසවෙන බෞද්ධ කොඩියේ සෙවණ යට හිඳිමින් පොසොන් පොහොය සමරන ජනී ජනයා සමග ලංකාදීපය ද අපමණ සැදැහැ සිතෙන් මෙසේ එක්වෙයි.

21 June 2024

එක්ස්ප්‍රස් පර්ල් නැවේ දත්ත මැකුවේ කාගේ වුවමනාවටද?

උඩට ගත් හුස්ම පොද පහත හෙළන්නට අමතක කරවන තරමේ පුවතක් අප පුවත්පත ඊයේ වාර්තා කළේ ය. එම ප්‍රවෘත්තිය අතිභයංකර වූවකි. එමෙන්ම ඇස් මානයෙන් එපිට ක්‍රියාත්මක දරුණු මාෆියාවක් සම්බන්ධ ප්‍රවෘත්තියකි. ප්‍රවෘත්තිය එක්ස්ප්‍රස් පර්ල් නෞකාවේ ගින්න සම්බන්ධයෙන් අධිකරණයේ විභාගවන නඩුව ය.

20 June 2024

වතු කම්කරු ජීවන අරගලය සාධාරණව විමසුමට ලක්කරමු

ජීවත් වීමට මුදල් අවශ්‍ය වෙයි. මිනිසා රැකියා කරන්නේත්, ව්‍යාපාර කරන්නේත් මුදල් ඉපැයීමටය. මුදලේ ස්වරූපය නම්, කෙතරම් ඉපැයුවත් එය ජීවත් වීමට ප්‍රමාණවත් නොවීමය. මිනිසාගේ අවශ්‍යතා අසීමිත වීම එයට එක් හේතුවකි. උද්ධමනය ඉහළ යාම ප්‍රධානම හේතුවය. එහෙත්, මිය යනතුරු ජීවත් වීම මිනිසාගේ අයිතියකි. වතු කම්කරුවාට ද එම අයිතිය එලෙසින්ම තිබේ.

19 June 2024

මෝදිගෙන් ගතයුතු පාඩම්

ඉන්දියාවේ ලෝක් සභා මැතිවරණය, දෙවතාවක් අගමැති ධුරය හෙබවූ නරේන්ද්‍ර මෝදි හා නේරු පවුලේ බලයේ උරුමකරු වූ රාහුල් ගාන්ධි යන ප්‍රධාන තරගකරුවන් දෙදෙනාම කනස්සල්ලට පත් කරමින් නිමාවට පත් වූයේය.

17 June 2024

පොහොර ටිකෙනුත් ගසාකන මොවුන්ට දඬුවම් නැද්ද?

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර්තා කර ඇතැයි අපි හෙළීකර සිටියෙමු. මෙරට ගසාකෑම් හමුවේ සහනාධාර වැඩපිළිවෙළවල් පවා බේරා ගැනීමට නොහැකි තත්වයක් උද්ගතව පවතින බවට මේ සිද්ධිය කදිම උදාහරණයකි.

17 June 2024

ඖෂධ ප්‍රමිති පරීක්ෂණ අත්හැරියේ කාගේ වුවමනාවටද?

මේ රටේ ජනයා කොයි කලෙක කළ පාප කර්මයක් ගෙවා දමමින් සිටින්නේද යන ප්‍රශ්නය යළි යළිත් මතු කිරීමට සිදුවී තිබේ. සාමාන්‍යයෙන් රටක ජනතාවක් මුහුණ දිය යුතු නැති දුර්භාග්‍ය සම්පන්න අත්දැකීම්වලට මෙරට වැසියනට නිරන්තයෙන්ම මුහුණ දීමට සිදුවීම එයට හේතුවය. එය වූ කලී අත්‍යන්තයෙන්ම මානව ආපදාවකි. ඛේදවාචකයකි. ඒ බැව් පසක් කරන පුවතක් අප පුවත්පත ඊයේ වාර්තා කළේය.

15 June 2024

රටට ඔබින ආර්ථික දැක්මක්

ජනාධිපතිවරණය කැඳවීම සඳහා ව්‍යවස්ථාවෙන්ම මැතිවරණ කොමිෂන් සභාවට ලබාදී තිබෙන බලයට අනුව ලබන මාසයේ (ජූලි) 17 වැනිදායින් පසුව රටේ ක්‍රියාකාරීත්වය ඒ සඳහා ගොනු වෙන්නට නියමිතව ඇත. ඒ කියන්නේ මෙතැන් සිට දළ වශයෙන් සති 04 කින් පසුව රට මැතිවරණ ක්‍රියාදාමයකට යටත් වෙනු ඇත.

14 June 2024

අයවැයෙන් වූ දේ දැනගැනීම ජනතාවගේ අයිතියක්

අපේ රටේ ආර්ථිකයේ හැසිරීම් රටාව තේරුම් ගැනීම පවා ඇතැම් විට අපහසුය. ආර්ථිකය බරපතළ ගැටලු රැසකින් පීඩා විඳිමින් සිටින බවත් ඒ ඇතැම් අසීරුතා මගහරවා ගැනීමට රජය සම්බන්ධව සිටින බවත් ආණ්ඩු පක්ෂයේ දේශපාලනඥයන්ගේ ප්‍රකාශවලින් හෙළි වෙයි.

14 June 2024