විශේෂාංග

දහතුනේම එල්ලිය යුතුද?

තත්ත්වය යහපත් වූ විට පළාත් සභා ඡන්දය පවත්වන බව අග්‍රාමාත්‍ය මහින්ද රාජපක්ෂ නොබෝදා පැවසුවේය. පළාත් සභා අහෝසිිි කර දමන ස්ථාවරයේ අමාත්‍ය සරත් වීරසේකර සිටින්නේය. පළාත් සභා පත්කර නොමැති තත්ත්වය තුළ 13 වැනි ව්‍යවස්ථා සංශෝධනයද අහෝසි වී යන්නේය යන මතය තානාපති නලින් ද සිල්වා පළකර ඇත.

19 January 2021

වගකීම පැහැර හැරිය ආයතන රටටම විනයක්

බස්නාහිර පළාතේ රාජ්‍ය සහ පෞද්ගලික ආයතන 473ක් සෞඛ්‍ය ආරක්ෂ නීති අනුගමනය නොකරන බව පසුගියදා අපගේ ‘ලංකාදීප’ පුවත්පතේ ප්‍රධාන සිරස්තලයේ ප්‍රවෘත්තිය විය. පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා හෙළිකර ඇති පරිදි මේ ආයතන 473ට එරෙහිව නිරෝධායන සහ රෝග වැළැක්වීමේ ආඥා පනත යටතේ ඉදිරියේදී නඩු පැවරෙනු ඇත.

19 January 2021

රන්ජන්ගේ දේශපාලන කේන්දරය

සමගි ජනබලවේගය පක්ෂයේ ගම්පහ දිස්ත්‍රික් පාර්ලිමේන්තු මන්ත්‍රී රන්ජන් රාමනායකට ඉකුත් ද‌ා බරපතළ වැඩ සහිතව සිව් වසරක සිර දඬුවම් හිමි විය. ආණ්ඩුක්‍රම ව්‍යවස්ථාවට අනුව පාර්ලිමේන්තු මන්ත්‍රීවරයකුට එලෙස සිරදඬුවමක් හිමි වූයේ නම් ඔහුට මන්ත්‍රීධුරය අහිමි වෙයි. එහෙත් ආණ්ඩුක්‍රම ව්‍යවස්ථාවේ ඇතැම් වගන්ති ගෙන හැර පාමින් නීතිඥයෝ විවිධ තර්ක විතර්ක මතු කරති.

15 January 2021

යළි ගමට පිවිසුම

මේ සතියේ සටහන මා ලියන්නේ 2021 වසරේ මා ලියන පළමුවැනි කිවිදා දැක්ම ලෙසින්ය. මේ සටහනින් සාකච්ඡා කළ යුතු සහ මේ දවස්වල රටේ සාකච්ඡා වෙන ගැටලු ගණනාවක්ම මේ මොහොතේ තිබෙන බව සැබෑවක්ය. ඒවා අතරින් වැඩියෙන්ම කථා බහට ලක්වී ඇති මාතෘකාවන් වන්නේ ‘කොරෝනා වසංගතය’ ‘නැගෙනහිර ජැටිය’ වැනි තේමාවන්ය. මේ මාතෘකා අතරට රන්ජන්ගේ සිරගතවීම ද එකතු වූ බව පෙනෙන්නට තිබේ.

15 January 2021

ලෝක මහදැනමුත්තාගේ දෛවයේ සරදම

අමෙරිකාව තමන් හඳුන්වා ගන්නේ ප්‍රජාතන්ත්‍රවාදයේ මුරදේවතාවුන් වශයෙනි. එසේ තමන් හඳුන්වා ගත්තත් තම රටේ ප්‍රජාතන්ත්‍රවාදයේ ප්‍රධානම ආයතනය වන “කැපිටල් හිල්” ගොඩනැගිල්ලට එල්ල වූ ප්‍රචණ්ඩකාරී ප්‍රහාරය හේතුවෙන් අමෙරිකාවට ජනවාරි 06 වැනිදා කළු බදාදා දිනයක් බවට පත්විය.

15 January 2021

තුංමංහංදියේ දී සේකර හමුවීම

1976 ජනවාරි 14 දාට පසුව දැන් ජනේරු 45 ක් ගෙවී ගොසිනි. රත්න ශ්‍රී විජේසිංහයන් කියු සේම ‘‘ඒ නිවාත ගුණයෙන් පිරි කලාකරුවාගේ වියොවෙන් කලා ලෝකය තවමත් සිහි එලවාගෙන නැතිවා’’ සේය. මේ කුඩා සටහන ඒ මහගම සේකරයන්ගේ තුංමංහන්දිය නම් විශිෂ්ට චිත්‍රපටය පිළිබඳ චිත්‍රපට විචාරයක් හෝ චිත්‍රපට කියවීමක් නොවන වෙනත් මානයක ඇගයුමක් උදෙසා වන ප්‍රයත්නයකි.

14 January 2021

දකුණු අතින් දීලා වම් අතින් ගන්නා පාපකර්මයට යටවූ කර්මාන්ත

කොරෝනා වසංගතය පැමිණීමත් සමග දේශීය ආර්ථිකයක් ගොඩනැගීමේ අරමුණෙන් රජය විවිධ පියවර ගත්තේය. රජයේ ඒ පියවරයන් හි ප්‍රතිඵල ලෙස කොමඩ් ඇතුළු නාන කාමර කට්ටල නිෂ්පාදනය කරන දේශීය කර්මාන්තකරුවෝද තම නිෂ්පාදන දෙගුණ තෙගුණ කිරීම සඳහා පියවර රැසක් ගත්හ. ඒ සඳහා ඔවුනට ණය දීමට මෙරට වාණිජ බැංකුද නොබියව ඉදිරිපත් විය.

14 January 2021

පාසල් විවෘත කිරීම සාර්ථක කරගනිමු

බස්නාහිර සහ හුදෙකලා කර ඇති ප්‍රදේශවල හැර සෙසු පළාත් පාසල්වල සීනු නාදය පසුගිය 11 වැනිදා සිට යළිත් ඇසෙන්නට පටන් ගත්තේය. පාසලේ සීනුව රැව්දීම කුමන රටක කුමන ජාතියකට වුවද මහත් ප්‍රබෝධයක් දනවන්නකි. රටක් සජීවී ලෙස ක්‍රියාත්මක වන බව ජාතියේ හදගැස්ම නොනැවතී ක්‍රියාත්මක වන බව ලොවටම හඬ ගා කියන්නකි.

14 January 2021

සංචාරක කර්මාන්තයට පාඩමක්

ලංකාවේ ආර්ථිකය ගැන කතා කිරීමේදී සංචාරක කර්මාන්තය යනු අද අපට අවතක්සේරු කළ යුතු සාධකයක් නොවේ. ආර්ථික වර්ධනය මතු නොව විදේශ විනිමය ඉපැයීමේ ප්‍රධානතම මාර්ගය බවට පත්ව ඇත්තේ සංචාරක කර්මාන්තයයි. එහිදී තුන්වැනි ස්ථානයේ තිබෙන එහි දායකත්වය රටේ ආර්ථිකයේ ඍජු, වක්‍ර හා උත්තේජක වර්ධන ක්‍රියාවලිය වේගවත් කිරීමට අතිශය වැදගත්ය. ලංකාවේ සංචාරක කර්මාන්තයෙහි ඍජු හා වක්‍ර ලෙස අවම වශයෙන් හාරලක්ෂ පනස්දහසක පමණ පිරිසක් ක්ෂේත්‍රයට සම්බන්ධ වී සිටිති.

13 January 2021

බඩු මිල බැස්සීමේ වෑයම සාර්ථක කරගනිමු

සහල්, පිටි, සීනි, පරිප්පු, සැමන් පමණක් නොව බිත්තර ද ඇතුළත් අත්‍යාවශ්‍ය ආහාර ද්‍රව්‍ය දහයක් ස්ථාවර මිලක් යටතේ නිශ්චිත කාලසීමාවක් පවත්වාගෙන යාමේ වැඩපිළිවෙළක් සකස් කිරීමට වෙළෙඳ හා පාරිභෝගික කටයුතු අමාත්‍ය බන්දුල ගුණවර්ධන මහතා තීන්දු කර ඇතැයි පසුගියදා මාධ්‍යවල සඳහන් විය. එම වැඩපිළිවෙළ යනු ගැසට් පත්‍රයක් නිකුත් කිරීම නොවන බවද ප්‍රකාශ වී තිබේ.

13 January 2021

ව්‍යවස්ථාවට ජනතාවාදී රාමුවක්

ආණ්ඩුව තීරණාත්මක මංසන්ධියකය. එක පැත්තකින් ආර්ථිකයත් අනෙක් පැත්තෙන් කොරෝනා වසංගතයත් තර්ජනය කරමින් සිටී. මාර්තු මාසයේ දී මානව හිමිකම් යෝජනාව නැවත වටයකින් හිස ඔසවනු ඇත. දේශීය හා ජාත්‍යන්තර වශයෙන් පීඩනය තියුණුය. මෙම පැති කල්පනා කරන විට ගමන දුෂ්කරය. කෙසේ වෙතත් ජනතාවගේ ඉවසීමට සීමාවක් තිබේ. ඔවුන් ඉල්ලා සිටියේ වෙනස්කම් ගණනාවකි.

12 January 2021

පාර්ලිමේන්තු පොකුරක් බිහිවීමට ඉඩදෙනු එපා

කොරෝනා මාරක වසංගතය රට හදන තැන ලෙස හැඳින්වෙන පාර්ලිමේන්තුව ද ආක්‍රමණය කර ඇත. ඉකුත් සිකුරාදා වාර්තා වූ පුවතකින් කියැවුණේ රාජ්‍ය ඇමැති දයාසිරි ජයසේකර මහතා කොරෝනා ආසාදිතයකු වී ඇති බවය. ඉරිදා වාර්තා වූයේ ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රාවුෆ් හකීම් මහතා ද ආසාදිතයකු බවය. එම හේතුව නිසාම මැති ඇමැතිවරුන් විසි දෙනකු පමණ නිරෝධායනයට යොමු කළ බවය.

12 January 2021

සංචාරක වැඩ පිළිවෙළ අසාර්ථකයි

‘ට්‍රැවල් බබ්ල්’ ක්‍රමයේ සාර්ථකත්වය, යුක්‍රේන සංචාරක ව්‍යාපෘතිය ගැන විවේචන, රාජ්‍ය චක්‍රලේඛ නීති සමාලෝචනය, දේශපාලන පලිගැනීම් කොමිසම් වාර්තාව, පළාත් සභා ගැන ඉන්දීය අවධාරණය, පුවත්පත් මණ්ඩල සංශෝධනය, සමගි ජනබලවේගයේ හවුල්කරුවන්ගේ කනස්සල්ල හා චම්පිකගේ 43 කණ්ඩායම ගැන මෙවර ‘සඳුදා හමුවෙන්’ අදහස් දක්වන්නේ සමගි ජනබලවේගයේ මහලේකම්, පාර්ලිමේන්තු මන්ත්‍රී රංජිත් මද්දුමබණ්ඩාර මහතායි.

11 January 2021

රාජ්‍ය නිලධාරීන් ගමේ ප්‍රශ්න සියැසින් දැකීම අවශ්‍යයි

කාර්යාලයට සීමා නොවී ගමට ගොස් වැඩ කරන්නැයි ජනාධිපති ගෝඨාභය රාජපක්ෂ මහතා රජයේ නිලධාරීන්ගෙන් ඉල්ලීමක් කළ බව සඳහන් පුවතක් අප පුවත්පත ඉකුත්දා වාර්තා කළේය. ‘ගම සමග පිළිසඳරක්’ තුළ වැඩ සමග යළි ගමට ජාතික වැඩසටහන පිළිබඳව රාජ්‍ය නිලධාරීන් දැනුවත් කිරීම සඳහා පැවැති රැස්වීමකට සහභාගිවෙමින් ජනාධිපතිවරයා ‘මෙරට වගා කළ හැකි දේ වගා කර පිටරට ගොවියාට යන මුදල අපේ ගොවියා අතට පත් කරන බවද’ ප්‍රකාශ කළේ යැයි එම ප්‍රවෘත්තියෙහි වැඩිදුරටත් සඳහන් ය.

11 January 2021

ට්‍රම්ප්ගේ ආධාරකරුවෝ කොංග්‍රස් රැස්වීමට කඩාවදිති

ප්‍රජාතන්ත්‍රවාදයේ මුදුන්මල්කඩ ඇමෙරිකා එක්සත් ජනපදයයි. ඇමෙරිකාවේ ප්‍රජාතන්ත්‍රවාදය දෙදරායෑම අපේ ඇස්පනාපිට සිදුවිය. ඒ, පසුගිය නොවැම්බරයේ පැවැත්වුණු ජනාධිපතිවරණයේ ප්‍රතිඵලය පිළිගැනීම ප්‍රතික්ෂේප කරමින්, සාමකාමී බලහුවමාරුවකට අකමැත්ත පළ කරන වත්මන් ජනාධිපති ඩොනල්ඩ් ට්‍රම්ප්ගේ ‘උසිගැන්වීම්’ මැද පෙරේදා (6) ඔහුගේ ආධාරකරුවන් දහස් ගණනක්, ඇමෙරිකන් කැපිටල් ගොඩනැගිල්ල වටලමින්, ඊට කඩා වදිමින්, එහි පාලනය සියතට ගැනීමට උත්සාහ දැරීමය.

08 January 2021

නි​රෝධායන වෙළෙඳපොළ ජාවාරම

කොරෝනා වසංගතය නිසා අසරණ වී සිටින විදෙස්ගත අපේ ජනයා මෙරටට ගෙන්වා ගැනීමේ ක්‍රියාවලිය ජාවාරම්කාර මාෆියාවකට හසුවී තිබෙන බවත් එය ජනාධිපතිතුමාගේ අපේක්ෂාව නොවන බවත්, රාජ්‍ය ඇමති අරුන්දික ප්‍රනාන්දු පුවත් සාකච්ඡාවක් පවත්වා ප්‍රකාශ කළේය.

08 January 2021

ශ්‍රී ලංකාව ඉන්දීය ස්ථාවරය සැලකිල්ලට ගැනීම අවශ්‍යයි

ඉන්දියාවේ විදේශ කටයුතු ඇමැති ආචාර්ය සුබ්‍රමනියම් ජයශංකර් මහතා තෙදින නිල සංචාරයක් සඳහා ශ්‍රී ලංකාවට පැමිණීම ජාතික වශයෙන් පමණක් නොව ජාත්‍යන්තර වශයෙන්ද වැදගත් අවස්ථාවක් බව පැහැදිලිය. එසේ නොවන්නට පසුගිය නොවැම්බරයේ දී කෙටි සංචාරයක් සඳහා ශ්‍රී ලංකාවට පැමිණි ජයශංකර් මහතා යළිත් දින තුනක වැඩසටහනකට මෙරටට පැමිණෙන්නේ නැත.

08 January 2021

අධ්‍යාපනයට නොමැකෙන සේවයක් කළ ඇමැති ඊරියගොල්ල

හිටපු අමාත්‍යවරයකු වූ අභාවප්‍රාප්ත අයි.එම්.ආර්.ඒ. ඊරියගොල්ල මහතාගේ 48 වැනි ගුණ සැමරුම අදට (7) යෙදී ඇත. මේ ලිපිය ඒ නිමිත්තෙනි.

07 January 2021

පිමි ගහන යුගයේ බඩගාන අපේ ගොවියා

ආහාර හා පෝෂණ සුරක්ෂිතතාව මෙරට නිතර සාකච්ඡාවට ලක්වන මාතෘකාවකි. බොහෝ ආහාර වර්ග රටට අවශ්‍ය තරම් රට ඇතුළෙහි නිෂ්පාදනය නොවෙයි. ඒ නිසා සහ වෙනත් හේතු මත පෝෂණය ද ප්‍රශ්නයකි. ඇතැමුන් කුපෝෂණයෙන් පෙළෙන අතර, තවත් පිරිසකට අධිපෝෂණ ප්‍රශ්නයකි. ඒ පිළිබඳව අද අප කතා කරන්නේ ශාඛ කායික විද්‍යාව සහ දේශගුණ විපර්යාස පිළිබඳ මහාචාර්යවරයකු සමගය.

07 January 2021

මත් උවදුරු අන්තරාය නිරන්තර සෙවිල්ලට ගනිමු

රුපියල් කෝටි 130 කට අධික වටිනාකමකින් යුත් අයිස් සහ හෂීස් නැමති මත්ද්‍රව්‍ය තොගයක් බෝට්ටුවකින් ප්‍රවාහනය කරමින් සිටි සැකකරුවන් සිවු දෙනකු මීගමුව මාරවිල අතර මුහුදු සීමාවේදී අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය.

07 January 2021

කොරෝනා-ආර්ථික සටන් එකට ජයගත හැකිද?

නව සහශ්‍රයේ දෙවැනි දසකයත් පසුගිය අවුරුද්දෙන් අවසන් විය. ඒ වසර මුළු ලෝකෙටම බරපතළ අපල තිබූ වසරකි. සියල්ලන්ගේ ආර්ථික පැවැත්ම අඩු වැඩි වශයෙන් බිඳ වැටිණ. සියල්ලෝම අඩු වැඩි වශයෙන් කොරෝනා උවදුරින් හෙම්බත් වූහ. 2020 වසර අවසන් වනවිට ලොව පුරා වූ ආසාදිතයන් සංඛ්‍යාව මිලියන 83.2 කි. මියගිය සංඛ්‍යාව මිලියන 1.9 කි.

06 January 2021

මඩකලපුවේ තවත් කොටි පෙරහුරුවක්ද?

එල්.ටී.ටී.ඊ. ජයන්තන් බළකායේ හිටපු නායකයකුට අයත් පුපුරණ ද්‍රව්‍ය තොගයක් මඩකලපුව කරදියනාරු ප්‍රදේශයේ නිවෙසක සඟවා තිබියදී මඩකලපුව කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් සොයාගනු ලැබූ බව සඳහන් පුවතක් අප පුවත්පත ඉකුත්දා වාර්තා කළේය.

06 January 2021

ඇත්ත නොදැකීමේ විපාක

ශ්‍රී ලංකාව මේ වනවිට රටක් හැටියට තිබෙන්නේ ආර්ථික වශයෙන් අන්තිම නරක තැනකය. එහෙත් මේ සම්බන්ධයෙන් වන සාකච්ඡාවේදී ආණ්ඩුවේ බොහෝ පිරිස් දක්වන අදහස්වලින් අපට සන්නිවේදනය වන කරුණක් තිබේ. එනම්, රටට මෙවැනි ඉරණමක් අත්වන බව දැන නොසිටියේය වැනි අදහසකි. රටක ආර්ථික ප්‍රතිපත්ති සම්පාදනය වන්නේ විද්‍යානුකූල දත්ත පදනම් කරගෙනය. එනිසා මේ කියන කතා විද්‍යාත්මකද කියා විමසීමට එවිට අපට සිදුවේ.

05 January 2021

කොරෝනා උවදුර හමුවේ ගති පැවතුම්ද වෙනස් වෙන්න ඕනෑ

සෞඛ්‍යාරක්ෂක ක්‍රම උල්ලංඝනය කරමින් ආසන සංඛ්‍යාවට වඩා වැඩිපුර මගීන් රැගෙන ගිය බස්නාහිර පළාතේ පෞද්ගලික බස් රථ 57ක ගමන් වාර අත්හිටුවා ඇතැයි බස්නාහිර පළාත් මාර්ගස්ථ ප්‍රවාහන අධිකාරිය පවසන බව අප පුවත්පත ඉකුත් ද‌ා වාර්තා කළේය.

05 January 2021

රූපවාහිනියෙන් - අන්තර්ජාලයෙන් දේව මෙහෙයට ගිය නත්තලක්

ලොක්ඩවුන් සීමා මධ්‍යයේ මිලියන ගණනක් කතෝලික බැතිමත්හු අද (25) නත්තල සැමරූහ.

25 December 2020

බැටිකලෝ කැම්පස් හදන්න නීති නැවූ හැටි

මතභේදයට තුඩු දී ඇති මඩකළපු විශ්වවිද්‍යාලය ගොඩනැගීමට ආධාර අනුබල දුන් සෑම රාජ්‍ය ආයතනයක්ම හා සෑම පළාත් පාලන ආයතනයක්ම නීතිය උල්ලංඝණය කොට හෝ නොසලකා හැර ඇත. නැතහොත් තමන්ට ඕනෑ හැටියට නීතියත්, නියාමන රෙගුලාසිත් නවාගෙන ඇත. මෙහිදී රජයට අයත් වාණිජ බැංකුවක් ද මූලික වශයෙන් පරීක්ෂා කොට අනුමැතිය දිය යුතු කරුණු නොසලකා හැර ඇති බව විශේෂ විගණනයකින් අනාවරණය වී තිබේ.

17 December 2020

මායාකාර සල්ලි ගහ හෙවත් නවීන මුදල් න්‍යාය

නවීන මුදල් න්‍යාය’ යටතේ රැකියා 150,000 නොව රටේ ජීවත් වන සියලුම දෙනාට රැකියා ලබා දිය හැකි බවත්, එමෙන්ම සෑම පවුලකටම සමෘද්ධිය මෙන්ම භාණ්ඩ සහ සේවා සැපයීමේ කාර්යය ’මැජික් වගේ’ කළ හැකි බවත් සමගි ජනබල වේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා කියයි.

17 December 2020

පියාසැරි 84 කට පසු නික්ම ගිය කෑගල්ලේ කුරුල්ලා

කන්තලේ සුරියපුර හි දී ඊයේ (15) දහවල් සැහැල්ලු ගුවන් යානයක් කඩා වැටීමෙන් පුහුණු ගුවන් නියමුවෙකු මරණයට පත්විය.

16 December 2020