කාර්මික විසඳුම් සැපයුම්කරුවකු වන Hayleys Aventura ආයතනය ඔවුන්ගේ අන්තර්ජාතික මට්ටමේ නිෂ්පාදන නවෝත්පාදන පිළිබඳව අවබෝධය බෙදාගැනීම වෙනුවෙන් ලෝකයේ වඩාත්ම කීර්තිමත් කාර්මික සන්නාම සහ ඔවුන්ගේ ඉහළ කළමනාකාරිත්වය ද එකතු කරගනිමින් සංවිධානය කරන ලද සන්නාම සමුළුව පසුගියදා සාර්ථකව පවත්වන ලදී.
Hyster (ඇමරිකා එක්සත් ජනපදය), Prestar (මැලේසියාව), Suzhou Asia Fuji (චීනය), Goodpack (සිංගප්පූරුව), A & D (ජපානය), A-Safe (එක්සත් රාජධානිය) සහ මෑතකදී එක් වූ Avery Weigh-Tronix (එක්සත් රාජධානිය) ආදී ගෝලීය වශයෙන් කීර්තිමත් ප්රමුඛ පෙළේ සන්නාම රැසක් මේ සඳහා Hayleys Aventura සමග අත්වැල් බැඳගෙන තිබුණි.
මෙම සන්නාම සමුළුවේදී ප්රදර්ශනයට තබා තිබුණු නිෂ්පාදන හරහා තාක්ෂණික සැසි සහ ක්රියාකාරකම් සමඟ බාධාවකින් තොරව එකතු වීමට අවස්ථාව ලබා දුන් අතර එමඟින් සහභාගීවන්නන්ට එම විසඳුම් පිළිබඳ ගැඹුරු අවබෝධයක් ලබා ගැනීමට සුවිශේෂී අවස්ථාවක් ලැබිණි. Hayleys Aventura හි ගෝලීය හවුල්කාර සන්නාමවල ජ්යෙෂ්ඨ නායකයන්ද මේ අවස්ථාවට සහභාගි වී සිටි අතර ශ්රී ලංකාවේ ව්යාපාර සමඟ සහයෝගයෙන් කටයුතු කළ හැකි ආකාරය පිළිබඳව මෙන්ම ලොව පුරා පවතින නවීන තාක්ෂණයෙන් යුතු බර මැනීමේ උපකරණ, විදුලි සෝපාන සහ ෆොක්ලිෆ්ට් ආදී ද්රව්ය හැසිරවීමේ ක්රමවේද, ඇසුරුම් රාක්ක පද්ධති සහ අතරමැදි තොග බහාලුම් ආදී ගබඩා කිරීමේ විසඳුම් සඳහා ප්රවේශය ලබාගත හැකි ආකාරය ආදී කරුණු පිළිබඳව මෙහිදී සාකච්ඡා කෙරිණි.
මෙම අවස්ථාවට ශ්රී ලංකාවේ මැලේසියානු මහකොමසාරිස් බඩ්ලි හිෂාම් ඇඩම්, ශ්රී ලංකාවේ ඉන්දුනීසියානු ජනරජ තානාපතිනි දේවි ගුස්ටිනා ටොබින් සහ ශ්රී ලංකාවේ බංගලාදේශ මහ කොමසාරිස් තාරෙක් මොහොමඩ් අරිෆුල් ඉස්ලාම් යන මහත්ම මහත්මීන් ඇතුළු රාජ්ය තාන්ත්රික ආරාධිතයෝ රැසක් ද සහභාගි වී සිටියහ.
මෙම අවස්ථාව සමඟ සම්බන්ධ වී සිටි Hayleys Aventura හි කළමනාකාර අධ්යක්ෂ වසභ ජයසේකර මහතා මෙහිදී සිය අදහස් ප්රකාශ කළ අතර එහිදී ඔහු ආයතනයේ මෙහෙවර සහ අරමුණ පිළිබඳව විග්රහයක් ඉදිරිපත් කළේය.
“අපගේ මෙහෙවර වන්නේ, ශ්රී ලංකාවේ කර්මාන්ත සඳහා හොඳම වර්ගයේ බර මැනීමේ උපකරණ මෙන්ම විදුලි සෝපාන සහ ෆොක්ලිෆ්ට් ආදී ද්රව්ය හැසිරවීමේ ක්රමවේද සහ ඇසුරුම් රාක්ක පද්ධති සහ අතරමැදි තොග බහාලුම් ආදී ගබඩා කිරීමේ විසඳුම් සඳහා දැරිය හැකි මිලෙන් යුත් ප්රවේශයක් ලබා දීමයි. එමෙන්ම ඔවුන්ගේ සැපයුම්දාම තුළ කාර්යක්ෂමතාව වර්ධනය කිරීම සහ ඉහළ ගෝලීය ප්රමිතීන්ට අනුව විසඳුම් ලබා දීමෙන් ඔවුන්ගේ නිෂ්පාදන වෙළෙඳපොළට සැපයීමේ හැකියාව වැඩිදියුණු කිරීම අපගේ ප්රධාන අරමුණයි.”
595
ජපානයේ හොන්ඩා මෝටර් රථ සමාගමට මෙම මූල්ය වර්ෂයේදී සියයට 2.8 ක මෙහෙයුම් ලාභයක් ලැබෙනු ඇති පුරෝකථනය කරයි.
වරැන් බෙවරේජස් ලංකා යනු ශ්රී ලංකාවේ ප්රමුඛ පෙළේ සිසිල් බීම නිෂ්පාදකයකු වන අතර, ඔවුන් එක්සත් ජනපදයෙන් පිටත PepsiCo හි විශාලතම සැපයුම්කරු වේ. ඔවුන් විසින්
මෝටර් රථ ක්ෂේත්රයේ ප්රමුඛතම සන්නාමයක් වන Toyota ලංකා (පෞද්ගලික) සමාගම විසින් දිවයින පුරා විසිරී සිටින සිය අලෙවි නියෝජිතයන්ගේ විශිෂ්ට සේවාව අගය කිරීම වෙ
ඇපල් සමාගම හෙට (07) පැසිෆික් වේලාවෙන් උදෑසන 7ට පැවැත්වෙන විනාඩි 35ක අතත්ය උත්සවයකට සහභාගී වීමට සියල්ලන්ටම ආරාධනා කළේය.
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
චීනයේ විශාලතම මෝටර් රථ ප්රදර්ශනය වන බෙයිජිං මෝටර් රථ ප්රදර්ශනය පසුගිය 25 වෙනිදා සිට ඊයේ (04) වැනිදා දක්වා බෙයිජිං නුවරදී පැවැත්විණි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හේලීස් වෙන්ඩර් වෙතින් සන්නාම සමුළුවක්