භානුක අමරසිංහ

සියපත ෆිනෑන්ස් පීඑල්සී සමාගම සිදු කිරීමට යෝජනා කර ඇති රුපියල් බිලියන 5ක් වටිනා ණයකර නිකුතුව සඳහා කොළඹ කොටස් හුවමාරුවේ අනුමැතිය හිමිව ඇතැයි පවසයි. ඒ අනුව ලබන ජූනි 19 වැනිදා මෙම ණයකර මිලදී ගැනීම සඳහා නිකුත් කිරීමට නියමිතව තිබේ. 
මෙහිදී ලැයිස්තුගත, වර්ග කෙරුණු, ජ්‍යෙෂ්ඨ, සුරක්ෂිත නොවූ, පිරිමුදවාගතහැකි ණයකර නිකුතුවක් ලෙස මෙය විවෘත කෙරෙන බව සමාගම පවසයි. මෙම ණයකර නිකුතුව වසර පහකින් කල් පිරීමට නියමිත අතර සියයට 11.40ක වාර්ෂික ස්ථාවර පොලී අනුපාතයක් ඊට හිමි වෙයි. 
මෙහිදී මූලික නිකුතුව ලෙස ණයකර කොටස් මිලියන 30ක් නිකුත් කිරීම සැලසුම වී තිබේ. ඊට හිමිවන අධි දායකත්වයත් සමගින් තවත් ණයකර කොටස් මිලියන 10ක් නිකුත් කරන බව පවසයි. එසේම එම නිකුතු දෙකම හිමිවන අධි දායකත්වයත් සමගින් තවත් ණයකර කොටස් මිලියන 10ක් නිකුත් කිරීම සැලසුම වී තිබේ.