සංචාරක කර්මාන්තයේ ලොකු පිම්මක්

ජනවාරි 1 සිට මාර්තු 5 දක්වා මෙරටට පැමිණි සංචාරකයන් ගණන 530,746ක්

පසුගිය වසරේ මෙම කාලයට සාපේක්ෂව සියයට 15.1 ඉහළයාමක්

මෙම මස 1 සිට 5 වැනිදා දක්වා මෙරටට පැමිණි සංචාරකයන් ගණන 37,786 ක්

පෙර වසරේ එම කාලයට සාපේක්ෂව සියයට 9.12 ක ඉහළ යාමක්

මෙම මස සංචාරක ඉලක්කය 3,02,803 ක්

පළමු දින 5 දී වැඩිම පිරිස රුසියාවෙන්

වසර අග ඉලක්කය සපුරා ගැනීමට තවත් 2,469,25 පිරිසක් ඉදිරි මාස 9දී පැමිණිය යුතුයි.

විමුක්ති එස් රුද්‍රිගු

මෙම වසරේදී මෙරටට සංචාරකයන් ලක්ෂ 30 ක් ගෙන්වා ගැනීමේ සංචාරක සංවර්ධන අධිකාරියේ ඉලක්කය පිළිබඳව සුබවාදී අදහස් ඇති කරමින් පසුගිය ජනවාරි මස පළමු වැනිදා සිට මාර්තු මස 5 වැනිදා දක්වා ගෙවුණු කාලය තුළ මෙරටට සංචාරකයන් 530,746 දෙනකු ශ්‍රී ලංකාවට පැමිණ ඇති අතර එය පසුගිය වසරේ මෙම කාලයට සාපේක්ෂව සියයට 15.1 ඉහළ යාමකි.

එසේම මෙම මස 1 සිට 5 වැනිදා දක්වා මෙරටට සංචාරකයන් 37,786 ක් පැමිණ ඇති අතර එයද පෙර වසරේ මීට සමාන කාලයට සාපේක්ෂව සියයට 9.12 ක ඉහළ යාමකි. මෙම මස සංචාරක ඉලක්කය 302,803 ක් වන එය සපුරා ගැනීම සඳහා ඉතිරි දින 26 දී ශ්‍රී ලංකාවට තවත් සංචාරකයන් 265,107 ක පිරිසක් මෙරටට පැමිණිය යුතුව ඇත.

පළමු දින 5 තුළදී මෙරටට සංචාරකයන් වැඩිම පිරිසක් පැමිණි රට රුසියානු සමුහාණ්ඩුව වන අතර දෙවැනි සහ තෙවැනි ස්ථාන පිළිවෙළින් ඉන්දියාව සහ එක්සත් රාජධානිය හිමිකර ගෙන තිබේ.

පසුගිය පෙබරවාරි මාසයේදී මෙරටට සංචාරකයන් 240,217 දෙනකු පැමිණ තිබූ අතර එහිදී වැඩිම සංචාරකයන් පිරිස ඉන්දියාවෙන් පැමිණ තිබිණි. එහි දෙවැනි සහ තෙවැනි ස්ථාන පිළිවෙළින් රුසියාවටත් එක්සත් රාජධානියටත් හිමිවිය. එසේම පසුගිය ජනවාරි මාසයේදී මෙරටට සංචාරකයන් 252,761 ක් පැමිණ තිබූ අතර එය 2024 වසරේ ජනවාරි මාසයට සාපේක්ෂව සියයට 21.4 ක ඉහළ යාමක්ද විය.

එහිදී වැඩිම සංචාරකයන් පිරිසක් පැමිණි රට ඉන්දියාව වූ අතර දෙවැනි සහ තෙවැනි ස්ථාන පිළිවෙළින් රුසියාවටත්, ඉන්දියාවටත් හිමි වූවේය. පසුගිය ජනවාරි මාසයේදී මෙරට සංචාරක ඉපැයීම් ඇමෙරිකානු ඩොලර් මිලියන 400.7 ක් වූ අතර එය පෙර වසරට සාපේක්ෂව සියයට 17.2 ක ඉහළ යාමක්ද විය.

වසර අග ඉලක්කය සපුරා ගැනීම සඳහා තවත් සංචාරකයන් 2,469,254 ක පිරිසක් ඉදිරි මාස 9 කාලය තුළදී මෙරටට පැමිණිය යුතු අතර ඒ සඳහා මෙම ප්‍රවණතාව අඛණ්ඩව පවත්වා ගත යුතුය.

ලක්ෂ 5 කඩ ඉම පසු කිරීමත් සමග ඒ පිළිබඳව අදහස් දක්වමින් සංචාරක නියෝජ්‍ය අමාත්‍ය රුවන් රණසිංහ මහතා විශ්වාසය පළ කරමින් ප්‍රකාශ කර සිටියේ ශ්‍රී ලංකාවට ලක්ෂ 30 කඩඉම පසුකර යාමට හැකියාව පවතින බවයි. සංචාරකයන් මෙරටට පැමිණීමේ අනාගත වර්ධනය සඳහා ලක්ෂ 5 කඩඉම දැඩි පදනමක් දැමූ බවද ඔහු පැවැසුවේය.

වත්මන් ප්‍රවණතාව තිරසාර කරගැනීමේ සහ වේගවත් කර ගැනීමේ අරමුණින් මෙම මස තුළදී ශ්‍රී ලංකාව සංචාරක කර්මාන්තය ප්‍රවර්ධනය කිරීම සඳහා වන නව සැලසුම එළිදක්වනු ඇතැයිද වීඩියෝ පණිවුඩයක් නිකුත් කරමින් නියෝජ්‍ය අමාත්‍යවරයා පැවැසුවේය.

මෙම අභිලාෂකාමි ඉලක්කය සපුරා ගැනීම සඳහා සහාය දීමට සංචාරක අමාත්‍යාංශය කැපවී සිටින බවද ඔහු ප්‍රකාශ කළේය. මෙරටට පැමිණෙන සංචාරකයන් සංඛ්‍යාව වැඩිකර ගැනීම සඳහා ඉලක්කගත ප්‍රවර්ධන වැඩසටහන් සහ උපාය මාර්ගික මුලපිරීම් අවශ්‍ය බවද නියෝජ්‍ය අමාත්‍යවරයා පැවැසුවේය.

මෙම වසරේ ජනවාරි මස පළමු වැනිදා සිට මාර්තු මස 5 වැනිදා දක්වා ගෙවුණු කාලය තුළ මෙරටට වැඩිම පිරිසක් පැමිණි රට ඉන්දියාව වන අතර ඉන්දියාවෙන් මෙරටට සංචාරකයන් 84,476 ක් පැමිණ ඇත. දෙවැනි ස්ථානය රුසියාවටත්, තෙවැනි ස්ථානය එක්සත් රාජධානියටත් හිමිව ඇති අතර රුසියාවෙන් සංචාරකයන් 70,159 ක් සහ එක්සත් රාජධානියෙන් සංචාරකයන් 51,105 ක් මෙරටට පැමිණ තිබිණි.

අදහස් (0)

සංචාරක කර්මාන්තයේ ලොකු පිම්මක්

ඔබේ අදහස් එවන්න

ව්‍යාපාරික විත්ති

දිගුකාලීන ආර්ථික වර්ධනයකට අඛණ්ඩව ප්‍රතිසංස්කරණ අවශ්‍යයි

2025 මැයි මස 06 35 0

කලාපීය ආර්ථිකය ශක්තිමත් ස්ථානයක සිට තවත් ඉදිරියට ගමන් කරමින් සිටියත් ඉදිරියේදී ඇතිවිය හැකි අවිනිශ්චිතා බොහෝයි වත්මන් තත්වය පිළිබඳව කලාපයට සෑහීමකට

ලංකාවේ ආයෝජනයට වියට්නාමයේ වින්ගෲප් සමූහයට ජනපතිගෙන් ඇරියුම්

2025 මැයි මස 06 64 0

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වී

අප්‍රේල් මාසයේදී මහ බැංකුව ඩො.මි. 160 ක් මිලට අරන්

2025 මැයි මස 06 88 0

ශ්‍රී ලංකා මහ බැංකුව පසුගිය අප්‍රේල් මාසයේදී මෙරට මූල්‍ය වෙළෙඳපොළෙන් ඇමෙරිකානු ඩොලර් මිලියන 160 ක ඩොලර් ප්‍රමාණයක් මිලදී ගෙන ඇතැයි නවතම දත්ත වාර්තා පෙ

කොටස් ගනුදෙනු අද පැය තුනකට පමණයි

2025 මැයි මස 06 19 0

අද (06) දිනයේදී පැවැත්වෙන පළාත් පාලන මැතිවරණය හේතුවෙන් කොළඹ කොටස් හුවමාරුවේ ගනුදෙනු පැය තුනකට සීමා වන බව එම හුවමාරුව පවසයි. ඒ අනුව පෙරවරු 9.30ට ආරම්භ කෙරෙන

එමිරේට්ස් ශ්‍රී ලංකා සංචාරක ප්‍රවර්ධන කාර්යාංශය සමග හවුල්කාරීත්වය දීර්ඝ කරයි

2025 මැයි මස 06 23 0

ශ්‍රී ලංකාවේ සංචාරක කර්මාන්තය තවදුරටත් සංවර්ධනය කිරීම අරමුණු කරගනිමින් එමිරේට්ස් හා ශ්‍රී ලංකා සංචාරක ප්‍රවර්ධන කාර්යාංශය (SLTPB) ඔවුන්ගේ හවුල්කාරීත්ව

හේලීස් රු.බි. 7ක ණයකර නිකුතුවට අධිදායකත්වයක්

2025 මැයි මස 06 21 0

කොළඹ කොටස් හුවමාරුවේ ලැයිස්තුගත හේලීස් පීඑල්සී සමාගම රුපියල් බිලියන 7ක් රැස් කරගැනීම සඳහා සිදු කළ ණයකර නිකුතුවට අධි දායකත්වයක් හිමි වූ බව පවසයි. ඊයේ (05)