ඉන්ධන මිල ගණන් සංශෝධනය මෙරට ආර්ථිකයට ඇති කරන බලපෑම කෙරෙහි ආයෝජන අංශ අවධානයක පසුවේ. ඩීසල්, පෙට්‍රල්  සහ භූමිතෙල්  මිල සංශෝධනය පිරිවැය ඉහළ නංවන සාධකයකි.

ලෝක වෙළෙඳපොළේ ඉන්ධන මිල ගණන් සලකා බලන පසු  බැරලයක මිල (බොර තෙල්) ඇ.ඩො. 65.24කි. ඉරානය සහ ඊශ්‍රායලය අතර පැවැති යුද තත්වය සමග ඉහළගිය මිල නැවත පහළ වැටී තිබේ. ශ්‍රී ලංකාවට අවශ්‍ය ඉන්ධන තොග මාස දෙකකට වැඩි කාලයක් සඳහා පවතින බව ප්‍රකාශ කර තිබියදී මෙරට බහුලව අලෙවි වන අත්‍යවශ්‍ය ඉන්ධන වර්ගවල මිල වැඩිවීම ගැටලුවකි.

 ඊයේ (ජුලි 01) ගනුදෙනු අවසානයේදී සියලු කොටස් මිල දර්ශකය ඒකක 18,034,02 කි. කලින් දිනයට සාපේක්ෂව දර්ශක 7.30 කින් ඉහළ ගොස් තිබේ. එස්. ඇන්ඩ් පී. ශ්‍රී ලංකා දර්ශකය 5355.68ක් වූ අතර එය දර්ශක 3.12කින් ඉහළ ගියේය. දෛනික පිරිවැටුම රු. බිලියන 7,641.79ක් විය. කොටස් මිලියන 679ක් හුවමාරු වී තිබේ. මෙදින වාර්තා වූ ගනුදෙනු ප්‍රමාණය 31,598කි. සමාගම් 105ක කොටස් මිල පහත වැටිණ.

සිංගර් ශ්‍රී ලංකා ශත තිස් දෙකක ප්‍රතිලාභ ප්‍රකාශයට පත් කරයි. හේලිස් පැබ්රික් ශත විසි පහක, හැටන් වැවිලි රුපියලක, වැලිබල් වන් රු. තුනක, තෝකියෝ සිමෙන්ති රු. 2.25ක, සතොස මෝටර්ස් රු. 10 ක සර්වෝදය ඩිවෙලප්මන්ට් රු. 1.25ක, ලංකා කෙඩිට් ඇන්ඩ් ෆයිනෑන්ස් ශත විසිපහක වශයෙන් ලාභාංශ ප්‍රකාශයට පත් කොට තිබේ.

නිරීක්ෂක