වැලිබල් ෆිනෑන්ස් ශ්රී ලංකාවේ ශීඝ්රයෙන් වර්ධනය වන විශ්වසනීය මූල්ය ආයතන අතර ප්රමුඛයකු ලෙස සිය නවතම ශාඛාව පසුගියදා අම්බලන්ගොඩ දී විවෘත කරනු ලැබුවේ ගනුදෙනුකරුවන් වෙනුවෙන් වන විශිෂ්ට මූල්ය සේවාව තවදුරටත් ඉදිරියට ගෙනයාම අරමුණු කර ගනිමිනි.
ශ්රී ලංකාවේ දකුණු පළාතේ සුවිශේෂී වැදගත්කමකින් යුත් අම්බලන්ගොඩ නගරයේ, වික්රමසූරිය මාවත, අංක 16 ලිපිනයෙහි පිහිටුවනු ලැබූ වැලිබල් ෆිනෑන්ස් නවතම ශාඛාව විවෘත කිරීමේ අවස්ථාව සඳහා එහි කළමනාකාර අධ්යක්ෂ ජයන්ත රන්ගමුව මහතා ඇතුළු ඉහළ කළමනාකාරීත්වය, ශාඛා කාර්ය මණ්ඩලය හා ගනුදෙනුකරුවෝ එක්ව සිටියහ. අම්බලන්ගොඩ හා ඒ අවට ගනුදෙනුකරුවන්ට පුළුල් මූල්ය විසඳුම් සලසා දෙමින් සිය මූල්ය සේවා තව දුරටත් ඉදිරියට ගෙනයාමට මෙම නවතම ශාඛාවෙන් වැලිබල් ෆිනෑන්ස් හට අවස්ථාව උදාවනු ඇත.
මේ සම්බන්ධයෙන් අදහස් දැක්වූ වැලිබල් ෆිනෑන්ස්හි කළමනාකාර අධ්යක්ෂ ජයන්ත රන්ගමුව මහතා මෙසේ සඳහන් කළේය. “සෑමවිටම ගනුදෙනුකරුවන්ගේ අවශ්යතා සපුරාලීම වෙනුවෙන් කැපවී කටයුතු කරන වැලිබල් ෆිනෑන්ස් සමඟ එක්ව සිටින සුවිශේෂී ගනුදෙනුකරුවන් අපගේ සේවා රටපුරා ගෙනයාමට ඉමහත් ශක්තියක් ලබාදෙනවා. විශේෂයෙන් අපගේ මූලික අරමුණක් වන්නේ මූල්ය සේවා ලබාදීමයි. වර්තමානයේ දක්නට ලැබෙන ආර්ථික අභියෝග මධ්යයේ අපගේ ගනුදෙනුකරුවන්ට ඔවුන්ගේ මූල්ය සුරක්ෂිතභාව ඉහළ නංවා ගැනීමට අපගේ සහයෝගය අවශ්ය වන අතරම එය ප්රජාවේ උන්නතියටද උපකාරී වනු ඇති බව අපගේ විශ්වාසයයි.”
වැලිබල් ෆිනෑන්ස් 2021/22 මූල්ය වර්ෂය සඳහා විශිෂ්ට මූල්ය කාර්ය සාධනයක් වාර්තා කිරීමට සමත්වූයේ අදාළ කාල පරිච්ඡේදය තුළ සිය ශක්තිමත් බව හා ක්ෂේත්රය තුළ සිය පුරෝගාමීත්වය යළි යළිත් තහවුරු කරමිනි. එහිදී 2020/21 මූල්ය වර්ෂයේ අදාළ කාලපරිච්ඡේදය තුළ වාර්තා කළ රුපියල් බිලියන 2.3 හා සැසඳීමේදී 2021/22 වර්ෂය සඳහා සියයට 67.1 ක වර්ධනයක් සහිතව රුපියල් බිලියන 4.7ක පෙරබදු ලාභයක් වාර්තා කිරීමට වැලිබල් ෆිනෑන්ස් සමත්විය.
එසේම පැවති ආර්ථික අභියෝග හමුවේ වුවද සිය අක්රිය ණය අනුපාතය (NPL) පෙර වසරේ වාර්තා වූ සියයට 4.48 සිට මේ වසරේදී සියයට 2.73 ක් දක්වා ශක්තිමත්ව හා ස්ථාවරව පවත්වාගෙන යාමෙන් වැලිබල් ෆිනෑන්ස් සමාගම තමන් සතු සුවිශේෂී මූල්ය කළමනාකරණ ස්ථාවරත්ව හැකියාව මනාව ප්රදර්ශනය කර ඇත.
සාර්ථකත්වය, ලාභය මෙන්ම කාර්යක්ෂම හා ඵලදායී ප්රතිඵල වාර්තා කිරීමට සමත්වූ අප ආයතනය ශාඛා ව්යාප්තිය ඇතුළු ප්රධාන කාර්ය සාධන දර්ශක තුළින් විශිෂ්ට සේවාවක් ලබාදීමේ ප්රතිඵලයක් ලෙස The Global Economics UKවිසින් පිරිනමනු ලබන ‘Best Finance Company - 2022’ සම්මානය අඛණ්ඩව දෙවන වරටත් තමන් සතු කර ගැනීමට සමත් වූයේ සිය විශ්වසනීය හා පුරෝගාමී සේවාව තවදුරටත් සහතික කරමිනි.
595
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
චීනයේ විශාලතම මෝටර් රථ ප්රදර්ශනය වන බෙයිජිං මෝටර් රථ ප්රදර්ශනය පසුගිය 25 වෙනිදා සිට ඊයේ (04) වැනිදා දක්වා බෙයිජිං නුවරදී පැවැත්විණි.
ලොව ධනවත්ම පුද්ගලයන්ට පැරිස් ඔලිම්පික් තරගාවලිය නැරඹීම සඳහා ඇමෙරිකානු ඩොලර් 381,600 ක (ශ්රී ලංකා රුපියල් කෝටි 11ක පමණ) අති විශේෂ පැකේජයක් හඳුන්වා දීමට ජී.ආ
යුරෝපයේ හැර ලෝකයේ සෑම කලාපයකම පාහේ මෙම වසරේ පළමු මාස තුනේදී අයි ෆෝන් සඳහා ඇති ඉල්ලුම සියයට දහයකට වඩා වැඩි ප්රමාණයකින් පහත වැටී ඇතැයි ඇපල් සමාගම ප්රක
කොමර්ෂල් බැංකුව 2024 අප්රේල් 22 වැනි සඳුදා සිට බලපැවැත්වෙන පරිදි සිය සභාපතිවරයා ලෙස ප්රමුඛතම ජාත්යන්තර ආයෝජන බැංකුකරුවකු වන ෂාර්හන් මුෂීන් මහතා සහ නි
ශ්රී ලංකාවේ ප්රංශ තානාපති ජොංෆ්රැන්සුවා පැක්තෙ මහතා පසුගියදා හම්බන්තොට ජාත්යන්තර වරායේ (HIP) සංචාරයක නිරත විය. මෙහිදී ප්රංශ සමාගම්වලට නිරත විය හැ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වැලිබල් ෆිනෑන්ස් අම්බලන්ගොඩට