(කාංචන කුමාර ආරියදාස)
දේශීය ලොකු ලූනු අස්වනු නෙලීම ආරම්භ කිරීමත් සමඟ වෙළඳපොලේ දේශීය ලොකු ලූනු ගැනුම් මිල පහත වැටීම නිසා මෙවර දේශීය ලොකු ලූනු ගොවියා අපහසුතාවයකට පත්විය හැකි බව ගොවීහු පෙන්වා දෙති.
මෙවර වගා කෙරුණු ඉතා සීමිත දේශීය ලොකු ලූනු වල අස්වැන්න නෙළීම දිනවල ආරම්භ කර තිබේ. දඹුල්ල, සිගිරිය , වෑවල වැව,ගලේවෙල ,ආදී ප්රදේශවල ලොකු ලූනු අස්වැන්න නෙලන අතර කිලෝවක ගැනුම් මිල දඹුල්ල ආර්ථික මධ්යස්ථානයේ රුපියල් 55 සිට 70 දක්වා වූ මිල පවතින බව ගොවීහු පෙන්වා දෙති.
දේශීය ලොකුලූණු ගොවීන් කියා සිටියේ විශාල පිරිවැයක් ලොකුලූනු වගාව සඳහා යෙදු බවත් එහෙත් අති සාර්ථක අස්වැන්නක් ලබා ගැනීමට නොහැකි තත්ත්වයක පවතින බවය. ලූණු ගෙඩි ප්රමාණයෙන් කුඩාවීම නිසා ඉහළ මිලක් නොලැබෙන බව ඔවුහු පෙන්වා දෙති.
වසර කිහිපයක සිටම දේශීය ලොකු ලූනු ගොවියා මිල පහත වැටීම හේතුවෙන් මෙන්ම අයහපත් කාලගුණික තත්ත්වය හේතුවෙන් දැඩි අපහසුතාවයකට පත්ව බොහෝ ලොකුළූණු ගොවීන් මෙවර වගාවෙන් ඈත්ව ඉතා සීමිත කොටසක් පමණක් වගා කර තිබීම විශේෂත්වයකි.
වර්ෂාව ලැබීම ප්රමාද වීම සහ මහවැලි ජලාශවල ජලය නිකුත් කිරීම ප්රමාද කිරීම හේතුවෙන් මෙවරද දේශීය ලොකු ලූනු වගාවන් ප්රමාද වූ බවත් ගොවීන් පෙන්වා දෙති.
ඒ හේතුවෙන් අස්වැන්න නෙළන සමය එද්දි වර්ෂාව ලැබීමත් සමඟ දේශීය ලොකු ලූනු අස්වැන්න ට බාධා එල්ල වෙන බවත් ඒවා කුණුවී විනාශ වී යන බවත් ගොවීහු පෙන්වා දෙති. එමනිසා බොහෝ ගොවීන් ලොකුළුණු වගාවෙන් ඉවත්ව වෙනත් වගාවන් කරන්නට පෙළඹී සිටිති.
ලොකු ලූනු අස්වැන්න නෙළන එක් කුලී කම්කරුවෙක් සඳහා දිනකට රුපියල් 1500ක පමණ මුදලක් වැය වෙන බවත් විශාල මිනිස් ශ්රම ප්රමාණයක් අස්වැන්න නෙලීම සඳහා යොදාගැනීමට සිදුවීම එමෙන්ම වල් මර්දනය කිරීම සඳහා වල්නාශක වෙළඳපොලේ නොමැතිවීම ලොකු ළූණු සඳහා යොදවන කෘමිනාශක ද්රව්ය මිල ඉහළ යෑම ආදී කරුණු නිසා ලොකු ලූනු ගොවීන් සිය වගාවෙන් ඉවත් ව ඇති බව ද ඔවුහු පෙන්වා දෙති.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලොකු ලූනු මිල පහළ යාමෙන් දඹුලු ගොවීහු කබලෙන් ලිපට
lalith Tuesday, 11 September 2018 07:21 PM
තෙලේ දාලා කරවෙන්න බැදපු ලුණු බෑග්වල දාලා වෙන රටවල්වල විකුනනවා. එව්වා එන්නේ තායිලන්තෙන්. අපිටත් ඒවගේ වැඩක් වත් කරන්න බැරිවෙයිද? සිනිසම්බෝල වත් හදලා අධිශීතකරණ වල දාලා අවුරුදු කාලෙට විකුනන්න වත්?
hesaTuesday, 11 September 2018 09:35 PM
ඇත්ත, බෝතල් කල සීනි සම්බල් නම් දැනුත් තියෙනවනේ... බැදපු ලුණු අදහස නම්´ අයිඩියල් ආහාර කල් තබා ගන්න ක්රම කොයි තරම්ද? කලකදී විකුණා ගන්න බැහැ කියනවා වෙළෙන්දා, දවසක මිල වැඩියි කියනවා පාරිභෝගිකයා...
chathuri Tuesday, 18 September 2018 10:37 AM
ගොවියන්ට තමන්ගේ මහන්සිය තරමට මුදල්හොයාගන්න අමාරුයි...... හැම අස්වැන්නක්ම අසල්වැසි රටට යවල නැවත ගෙන්වන්න එතකොට කියන්නේ පිටරටින් ගෙනාපුවා කියලා...... අධික මිලකට විකුණන්න පුළුවන්