බොරැල්ල Charli’s Sports හිමිකරු මොහොමඩ් උසාමා

මේ දිනවල බිස්නස්වල තත්වය පිළිබඳව සොයා බැලීමට අපි පිටකොටුව, නුගේගොඩ, මහරගම, කොහුවල, දෙහිවල ආදී ප්‍රදේශවලට ගියෙමු. බිස්නස්වල තතු සෙවීමට අප මෙවර ළගා වූයේ බොරැල්ල නගරය වෙතය. ක්‍රීඩා උපකරණ සහ ක්‍රීඩා ඇඳුම්, සපත්තු වෙළෙඳසැලක් වූ Charli’s Sports  වෙත අපි ගොඩ වූයෙමු. එහි හිමිකරු වූ මොහොමඩ් උසාමා මහතා මේ දිනවල බිස්නස් පිළිබඳ දැක්වූයේ මෙවැනි අදහසකි.

Q: මේ දිනවල බිස්නස් කොහොමද?
අපි විකුණන්නේ ක්‍රීඩා උපකරණ සහ ක්‍රීඩා සඳහා අවශ්‍ය ඇදුම් සපත්තු ආදිය. මම මේ ව්‍යාපාරය පටන් අරන් තවම කෙටි කාලයක්. මේ දවස් වල බිස්නස් ගැන කියනවා නම් බිස්නස් හොඳයි. සාමාන්‍ය විදියට කෙරීගෙන යනවා. වෙසක් එකෙන් පස්සෙ බිස්නස් ටිකක් වැඩි වුණා. 

Q: බිස්නස් වැඩිවීමට බල පෑ හේතු මොනවාද?
අපි විකුණන්නේ ක්‍රීඩා උපකරණ නිසා අපිට බිස්නස් වැඩි කාලයක් සීසන් එකක් කියල නෑ. සාමන්‍ය විදියට තමයි බිස්නස් වෙන්නේ. අපි චීනෙන් ඉන්දියාවෙන් ක්‍රීඩා උපකරණ අානයනය කරනවා. පාරිභෝගිකයෝ ඉල්ලන විදියට තමයි අපි බඩු ආනයනය කරන්නේ. මොකද පාරිභෝගිකයාගේ ඉල්ලු‍මට අනුව සැපයුම කරන්න ඕන. එතකොට තමයි අපිට බිස්නස් එකේ සාර්ථකත්වයක් ලබාගන්න පුළුවන්. 
සමහර පාරිභෝගිකයෝ ඕන කරන ක්‍රිඩා උපකරණ සපත්තු එහෙම විවිධ සන්නාම වලින් ඇණවුම් කරනවා. අපි ඒ ඕන කරන ඒවා ආනයනය කරලා දෙනවා. බඩු මිලෙත් යම් අඩුවීමක් තියනවා. මිල අඩු වීමත්  බිස්නස් වැඩි වෙන්න බලපානවා. ඒවගේම පාරිභෝගිකයෝ කැමැති තෝරාගන්න හොද එකතුවක් වෙළෙඳසැල්වල තියනවට. අපි ළඟත් ලොකු එකතුවක් තියනවා. ඒකත් එක හේතුවක් බිස්නස් වැඩි වෙන්න.
ශෂිකා අබේරත්න

ඡායාරූප - ඉසුරු පෙරේරා