කරවනැල්ල සමරපාල සුපර් හිමිකරු එච්.ආර්. ජයන්ත සමරපාල

මේ දවස්වල බිස්නස්වල තතු සොයා යන ගමනේ දී අපි කරවනැල්ල නගරයේ පිහිටා ඇති සිල්ලර බඩු වෙළෙඳසලක් වන සමරපාල සුපර් වෙත ගියෙමු. මේ දවස්වල බිස්නස් කොහොමද කියා අපි ඇසු පැනයට සමරපාල සුපර් වෙළෙඳසලෙහි හිමිකරුවන එච්.ආර්. ජයන්ත සමරපාල මහතා දැක්වුයේ මෙවන් අදහසකි.

Q මේ දිනවල බිස්නස් කොහොමද ?

මේ දිනවල බිස්නස්වල කියන්න තරම් විශේෂයක් නෑ. මිනිස්සුන්ට පඩි ලැබෙන දවසට බිස්නස් වැඩියි. නැති දවස්වලට බිස්නස් අඩුයි.

Q බිස්නස් මේ තත්වයට පත්වීමට බලපෑ හේතු මොනවාද ?

මම සිල්ලර බඩු කඩයක් තමා කරගෙන යන්නේ. මේක මගේ සීයගේ කාලේ ඉඳන් පවත්වාගෙන එන කඩයක්. එතකොට වසර 50ක වගේ ඉඳන් මෙම ව්‍යාපාරය අපි කරගෙන යන්නේ. සාමාන්‍යයෙන් බඩු මිලේ ලොකු වැඩිවීමක් වෙලා නෑ. එක හේතුවක් කියන්න බෑ බිස්නස් අඩුවෙන්න. 

ගොඩක් මින්සුන්ගේ අමතර වියදම් එක්ක බැලු‍වම කෑමට දෙන ප්‍රමුඛතාව අඩුයි. ළමයින්ගේ පන්ති වැඩයි, බෙහෙත් ගන්න ඒවට තමයි මිනිස්සු වැඩිපුර මුදල් වෙන් කරන්නේ. ඒ කරල ඉවර වෙලා තමා මිනිස්සු කන්න යන්නේ. වෙනදට සාමාන්‍යයෙන් හවස 4.00 - 5.00 වෙද්දි හොඳටම සෙනඟ. ඒත් දැන් එහෙම නෑ. මිනිස්සුන්ගේ පඩි දවසට නම් හොඳ බිස්නස් එකක් තියනවා. ඒත් අනිත් දවස්වලට නම් කියන්න පුළුවන් තරම් බිස්නස් එකක් නැහැ. පසුගිය වසරවලට සාපේක්ෂ බිස්නස්වල අඩුවකුත් තියෙනවා.

සටහන හා ඡායාරූප
හසිනි නවෝද්‍යා