දකුණු කොරියා විශේෂ නියෝජිත යු මයුන්ග් හ්වාන් මහතා හා ජනපති මහින්ද රාජපක්ෂ මහතා අතර හමුවක් පසුගියදා පැවැත්විණි.

දෙරට අතර ද්විපාර්ශවීය සබදතා තර කර ගැනීම සම්බන්ධයෙන් මෙහිදී සාකච්ඡා විය.

යුද්ධයෙන් පසු ශ්‍රී ලංකාවේ සංවර්ධන ක්‍රියාදාමය හා බැදුණු නැවත පදිංචි කරවීමේ හා උතුරු පළාතේ මැතිවරණය පැවැත්වීමේ කටයුතු   හ්වාන් මහතා අගය කළේය.

උතුරු හා නැගෙනහිර සංවර්ධන කටයුතු වෙනුවෙන් ශ්‍රී ලංකා රජය ගෙන ඇති පියවර සම්බන්ධයෙන් ජනපති මහින්ද රාජපක්ෂ මහතා කරුණු පැහැදිලි කළේය.

ශී්‍රලංකාවෙන් වසරකට 5000 ත් 6000 ත් අතර ශ්‍රමිකයින් ප්‍රමාණයක් දකුණු කොරියාවේ රැකියා අවස්ථා සදහා පිටත්වේ.

දැනට 23000 ක පමණ ශී්‍රලාංකිකයින් දකුණු කොරියාවේ රැකියාවන්හි නියුතුව සිටින බවද සදහන්ය.

දකුණු කොරියාවේ සටි ශී්‍රලංකාවට පැමිණෙන සංචාරකයින්ගේ ක්‍රමික වර්ධනයක්ද පසුගිය කාලයේ දැකගත හැකිවිය.