වර්ධනය වන පාරිභෝගික අවශ්‍යතා සහ අපේක්ෂා සපුරාලමින්, කාර්ගිල්ස් බැංකුව සිය නව ‘කෝටිපති’ ආයෝජන ඉතුරුම් ගිණුම හඳුන්වා දුන්නේය. අනාගතය ඉලක්ක කරගත්, ව්‍යුහාත්මක ආයෝජන පහසුකමක් වන කෝටිපති, දිගුකාලීන ඉතුරුම් දිරිමත් කිරීමට සැලසුම් කර ඇති අතර, ජීවිතයේ වැදගත්ම මූල්‍ය ඉලක්ක කරා ළගා වීමට පැහැදිලි මාවතක් සපයයි. තවද, මෙය සියලු‍ම ශ්‍රී ලාංකිකයන්ගේ මූල්‍ය ස්ථාවරත්ව අවශ්‍යතාවලට ප්‍රතිචාර දක්වන, ප්‍රායෝගිකව සවිබල ගන්වන මූල්‍ය විසඳුම් නිර්මාණය කිරීමේ බැංකුවේ අඛණ්ඩ කැපවීම පිළිබිඹු කරයි.
අභිලාෂකාමී මෙන්ම ප්‍රවේශ විය හැකි ලෙස නිර්මාණය කර ඇති කෝටිපති, වාර්ෂිකව සියයට 10 ක ඉතා තරගකාරී පොලී අනුපාතයක් සපයයි. නම්‍යශීලී බව ඕනෑම කෙනකුගේ මූල්‍ය ගමනේ කේන්ද්‍රීය වේ. එබැවින් සැලසුම් මාසිකව රු. 4,841 ක් තරම් අඩු මාසික තැන්පතුවකින් ආරම්භ කළ හැක. මේ අතර ආයෝජන කාලය අවුරුදු 3 සිට 10 දක්වා වන අතර (කල්පිරීමේදී) ඉලක්කගත ආයෝජන වටිනාකම් රුපියල් මිලියන 1 සිට මිලියන 10 ක් දක්වා වේ. 
මෙම සැලැස්ම ගනුදෙනුකරුවන්ට නිවාස මිලදී ගැනීමේදී, දරුවන්ගේ අධ්‍යාපනය, විශ්‍රාම සැලසුම්කරණය, ව්‍යාපාරයක් ආරම්භ කිරීම වැනි ප්‍රධාන මූල්‍ය සහ ජීවින ඉලක්ක සපුරා ගැනීමට පිටුවහල් කරගැනීමේ අරමුණින් ව්‍යුහගත කර ඇත. අඛණ්ඩ මාසික මුදල් තැන්පත් කිරීම් 12කට පසු ගනුදෙනුකරුවන්ට ඔවුන්ගේ කෝටිපති ආයෝජන ඉතුරුම් ගිණුම් ශේෂයෙන් සියයට 90 ක් දක්වා පූර්ව අනුමත ණය සඳහා සුදුසුකම් ලැබෙන අතර ඔවුන්ගේ ඉතුරුම් ගමනට බාධාවක් නොවී ද්‍රවශීලතාව රඳවා තබා ගැනීම සහතික කරයි. ගිණුම් හිමියන්ට පූර්ව අනුමත ක්‍රෙඩිට් කාඞ්පත් සහ ප්‍රමුඛතා ස්ථාවර තැන්පතු අනුපාතවලින්ද ප්‍රතිලාභ ලබා ගත හැකි අතර එය මූල්‍ය සැලසුම්කරණය සඳහා පුළුල් පදනමක් සපයයි. 
කෝටිපති ආයෝජන සැලසුම් ගිණුම පිටුපස ඇති අදහස සාකච්ඡා කරමින්, කාර්ගිල්ස් බැංකුවේ කළමනාකාර අධ්‍යක්ෂ සහ ප්‍රධාන විධායක නිලධාරී සෙනරත් බණ්ඩාර මහතා මෙසේ පැවසීය: “මූල්‍ය ස්වාධීනත්වය ආරම්භ වන්නේ අරමුණින් ඉතිරි කිරීමේ හැකියාවෙනි. මේ අනුව කෝටිපති සරල ඉතුරුම් ගිණුමකට වඩා වැඩි යමක්. එය මිනිසුන්ට ඔවුන්ගේ අනාගතය අරමුණක් සහිතව ගොඩනගා ගැනීමට උපකාර වන පුළුල් මෙවලමකි. ඔබේ ඉලක්කය, පවුලේ නිවසක්, සුවපහසු විශ්‍රාමයක් හෝ ඒ අතර ඇති ඕනෑම දෙයක් වුවද, එම අභිලාෂ සාක්ෂාත් කර ගැනීමට විශ්වාසදායක, ප්‍රතිලාභදායක මාවතක් සැපයීම අපගේ අරමුණයි. කාර්ගිල්ස් බැංකුවේදී, සෑම ශ්‍රී ලාංකිකයකුගේම ප්‍රගතිය සැබවින්ම තහවුරු කර ගන්නා ප්‍රගතිශීලී බැංකු විසඳුම් ගෙන ඒමට අපි කැපවී සිටිමු.”
එහි තරගකාරී ප්‍රතිලාභ සහ අමතර ප්‍රතිලාභ සමගින්, කෝටිපති ආයෝජන සැලසුම් ගිණුම සැලකිය යුතු ඉතුරුම් ගොඩනගා ගැනීමට සහ ඔවුන්ගේ මුදල් කාලයත් සමඟ වර්ධනය වීමට අවශ්‍ය ගනුදෙනුකරුවන් ගොඩනැගීම සඳහා ස්ථානගත වී ඇත.