සුජිත් හේවාජුලිගේ

ශ්‍රී ලංකාවේ ප්‍රථම තරු හතේ අවියානා හෝටලය මේ වසරේ (2025) විවෘත කෙරෙන බව අවියානා හෝටල් සමූහයේ සභාපති ආචාර්ය තිසර හේවාවසම් මහතා පැවසීය.

වසරකට ඇමරිකානු ඩොලර් කෝටි 50ක ආදායමක් ශ්‍රී ලංකාවට ගෙන ඒම මෙම ව්‍යාපෘතියේ අරමුණ බවද ඔහු සඳහන් කළේය.

මහනුවර තෙල්දෙණිය උඩිස්පත්තුව ප්‍රදේශයේ අක්කර 27ක රමණීය භූමි භාගයක මෙම හෝටල් සංකීරණය ඉදිකිරෙමින් පවතින අතර එහි ඉදිකිරීම් කටයුතුවලින් සියයට 70 ක් පමණ දැනටමත් අවසන්වී ඇතැයිද කාරියවසම් මහතා සඳහන් කළේය.

ශ්‍රී ලංකාවේ වෘත්තීයවේදීන් දෙසීයක පමණ පිරිසක් මෙම හෝටලයේ දැනටමත් ආයෝජනය කර ඇත. තවත් පිරිසකට ආයෝජනය කිරීමට අවස්ථාව ඇති බව අවියානා හෝටල් සමූහය පවසයි.

දැනට ලෝකයේ තරු හත හෝටල් හතක් ඇතග ශ්‍රී ලංකාවේ අවියානා හෝටලය ලෝකයේ තරු හතේ අටවැනි හෝටලය වශයෙන් ඉතිහාසගත වනු ඇත.

ලෝකයේ ධනවත් සංචාරකයන් මෙරටට අද්දවා ගැනීමට මෙවැනි හෝටල් පිටුබලයක් වන බව තිසර හේවාවසම් මහතා වැඩිදුරටත් සඳහන් කළේය.