ශ‍්‍රී ලංකාවේ වැදගත් කාර්යභාරයක් සිදු කරන සුළු හා මධ්‍ය පරිමාණ ව්‍යාපාර ක්ෂේත‍්‍රයේ වර්ධනය සහ සවිබල ගැන්වීම සඳහා වන සිය කැපවීම යළිත් වරක් තහවුරු කරමින්, ශ‍්‍රී ලංකා අලෙවිකරණ ආයතනය (SLIM) මඟින් පවන්වනු ලබන 2024 SME Development සම්මාන උළෙලේ නිල බැංකු සහකරු ලෙස සම්බන්ධවීමට ලැබීම පිළිබඳ NDB බැංකුව නිවේදනය කර සිටියි. 

මෙම සුවිශේෂී හවුල්කාරිත්වය ජාතියේ සුළු හා මධ්‍ය පරිමාණ ව්‍යාපාර ක්ෂේත‍්‍රය මෙහෙයවීමට දායක වන ව්‍යවසායකයන්ගේ කැපවීම සහ ඔවුන්ගේ අලෙවිකරණ විශිෂ්ටත්වය හඳුනා ගනිමින් ඒ සඳහා සහාය දැක්වීමේ NDB බැංකුවේ අඛණ්ඩ කැපවීම පිළිඹිබු කරයි.

අඛණ්ඩව දෙවැනි වසරටත් පවත්වනු ලබන SLIM SME Development සම්මාන උළෙල, SLIM  ආයතනයේ “Restart” වැඩසටහන යටතේ පුරෝගාමී මුලපිරීමක් වන අතර, අලෙවිකරණය, සන්නාමකරණය සහ විකුණුම් උපායමාර්ග යන අංශයන්ගේ සුවිශේෂී හැකියාව පෙන්වනු ලබන ක්ෂුද‍්‍ර, කුඩා හා මධ්‍ය පරිමාණ ව්‍යාපාර ඇගයීම සහ නඟාසිටුවීම අරමුණු කරයි.

වසරේ සුළු හා මධ්‍ය පරිමාණ ව්‍යවසාය සහ විවිධ කර්මාන්ත 14ක් නියෝජනය කරන ක්ෂේත‍්‍ර සඳහා විශේෂිත ඇගයීම් සම්මාන ඇතුළු පුළුල් පරාසයක් තුළ මෙම සම්මාන පිරිනැමීම සිදු කරයි. මෙම සම්මාන වැඩසටහන මඟින් තොරතුරු තාක්ෂණය, ඩිජිටල් සහ ඔන්ලයින් වෙළෙඳාම, කෘෂිකර්මාන්ත සහ කිරි නිෂ්පාදන, පාරිභෝගික භාණ්ඩ, FMCG නිෂ්පාදන, ආගන්තුක සත්කාර, අපනයනය, B2B, සෞඛ්‍ය, පෝෂණ, ඇඟලූම් සහ තවත් බොහෝ ක්ෂේත‍්‍රවල පවතින ව්‍යාපාරයන් ඉස්මතු කරමින්, ශ‍්‍රී ලංකාවේ සුළු හා මධ්‍ය පරිමාණ ව්‍යාපාර හැකියාවන්වල කැපී පෙනෙන පරාසයක් පෙන්නුම් කරයි.

මෙම හවුල්කාරිත්වය පිළිබඳ අදහස් දක්වමින් NDB බැංකුවේ ප‍්‍රධාන විධායක නිලධාරී කැලූම් එදිරිසිංහ මහතා මෙසේ ප‍්‍රකාශ කර සිටියේය. “සුළු හා මධ්‍ය පරිමාණ ව්‍යවසායකයන් ශ‍්‍රී ලංකාවේ ආර්ථික ප‍්‍රගතියේ ප‍්‍රධානතම හවුල්කරුවන් බව අප විශ්වාස කරන්නෙමු. ශ‍්‍රී ලංකා අලෙවිකරණ ආයතනය සමඟ අපගේ හවුල්කාරිතවයෙන්, 2024 SMEDA සම්මාන උළෙලේ නිල බැංකු හවුල්කරු ලෙස අපගේ කාර්යභාරය මඟින් නවෝත්පාදනය සහ ඔරොත්තු දීමේ හැකියාව පමණක් නොව තම ව්‍යාපාර ඉහළට ඔසවා තැබීමට උත්සාහ කරන සුළු හා මධ්‍ය පරිමාණ ව්‍යවසායකයන්ගේ ප‍්‍රයත්නය ශක්තිමත් කිරීම අපගේ අරමුණයි.”