Pasans Rent a Car පෞද්ගලික සමාගම තායිලන්තයේ බැංකොක් නුවරදී පැවති Iconic Awards  2025 සම්මාන උළෙලේදී වසරේ විශිෂ්ටම කුලී රථ සහ සංචාරක සේවා සපයන්නා ලෙස සම්මාන ලැබුවේය. කළමනාකරණ අධ්‍යක්ෂ ආචාර්ය පසන් නලින්ද හිරිපිටියගේ මහතා වෙත සම්මානය පිරිනමන ලදී. 
2002දී කුඩා පරිමාණ ව්‍යාපාරයක් ලෙස ඇරැඹුණු Pasans Rent a Car වර්තමානයේදී මෙරට සංචාරක සහ ප්‍රවාහන ක්ෂේත්‍රයේ ජාතික මට්ටමේ සන්නාමයක් බවට පත් වී තිබේ. මාලඹේ පිහිටි එම ආයතනය පෞද්ගලික පාරිභෝගිකයන්, සංචාරකයන්, පෞද්ගලික ආයතන සහ රජයේ සංස්ථා, මණ්ඩල, අමාත්‍යංශ ඇතුළු පාර්ශ්ව රැසකට වාහන සපයයි. 
Pasans Rent a Car  සතුව දෛනික හෝ මාසික කුලී පදනම මත ගත හැකි කාර්, වෑන්, බස්, ලොරි, අනෙකුත් සුඛෝපබෝගී වාහන රැසක් තිබේ. පාරිභෝගිකයන්ට තමන්ම වාහනය පැදවීම හෝ පළපුරුදු රියැදුරෙකු සමඟ වාහනය ගැනීම යන දෙකෙන් එකක් තෝරා ගත හැකිය. ඔවුන් සතු 130කට අධික වාහන අතරට Toyota Aqua, සුඛෝපබෝගී SUV, ආසන 30-33 බස් ඇතුළු සියලු‍ වාහන ඇතුළත් වේ. එම සමාගම ගුවන්තොටුපොළේ සිට සංචාරකයන් රැගෙන ඒම සහ දිවයින පුරා සංචාරක සේවා සැපයීමද සිදු කරයි. ඔවුන් බහුජාතික සමාගම් පිරිනැමූ සම්මාන රැසක්ද දිනා තිබේ.