Hemas Manufacturing සමාගමේ මෙහෙයුම් විශිෂ්ටත්වය සහ ගෝලීය වෙළෙඳ අනුකූලතාව අගයමින් ශ්‍රී ලංකා රේගුව විසින් බලයලත් ආර්ථික ක්‍රියාකරු සඳහා (AEO) පිරිනමන Tier 1 සහතිකය’ පසුගියදා පිරිනමන ලදී.  අනුකූලතාව, මෙහෙයුම් කාර්යක්ෂමතාව සහ ගෝලීය වෙළෙඳ පහසුකම් සැපයීමේ ප්‍රමුඛයා  ලෙස Hemas Manufacturing සමාගම ගොඩනගා ගත් ස්ථාවරත්වය මේ ඔස්සේ තවදුරටත් සවිමත් විය. ගෝලීය වශයෙන් පිළිගත් මෙම සහතිකය ලබාගත් ශ්‍රී ලාංකික සමාගම් 48 අතරට Hemas Manufacturing  සමාගමද මෙම ජයග්‍රහණය ඔස්සේ එකතු වන අතර විශිෂ්ට  වෙළෙඳ හා සැපයුම් දාම කළමනාකරණය සඳහා ඔවුන් දක්වන කැපවීම මෙමඟින් මැනවින් අවධාරණය කරයි. 

ලෝක රේගු සංවිධානය (WCO) මඟින් ක්‍රියාත්මක කරන AEO Tier වැඩසටහන‘ අන්තර්ජාතික වශයෙන් ඉහළ පිළිගැනීමක් සහිත රාමුවකී. දේශසීමා වෙළෙඳාමේ ඉහළම ආරක්ෂාව, අනුකූලතාව සහ කාර්යක්ෂමතාව යන  ප්‍රමිති පිළිබඳ මෙහිදී අවධානය යොමු කරන අතර ශ්‍රී ලංකා රේගුවේ දැඩි පරික්ෂාවෙන් අනතුරුව  වලංගුතා සහතිකය පිරිනමනු ලැබේ. මෙම වලංගුතාව හිමි කරගනු ලැබූ සමාගම් දැඩි ජාත්‍යන්තර වෙළෙඳ අවශ්‍යතා සපුරාලන බව සහතික කරයි.

මෙම ජයග්‍රහණය  පිළිබඳ අදහස් දක්වමින් Hemas Consumer Brands කළමනාකරණ අධ්‍යක්ෂිකා සබ්‍රිනා එසුෆලී මහත්මිය මෙසේ සඳහන් කළාය.  ‘කාර්යක්ෂමතාව සහ ගෝලීය වෙළෙඳ විශිෂ්ටත්වය සඳහා අපගේ නොසැලෙන කැපවීම පිළිබඳ කදිම සාක්ෂියක් ලෙස මෙම AEO Tier 1 අනුකූලතා සහතිකය හැඳින්විය හැකියි. සැමවිටම මෙහෙයුම්වල අඛණ්ඩතාව සහ පාරිභෝගික තෘප්තිය කෙරෙහි ප්‍රමුඛස්ථානය ලබා දෙන සමාගමක් ලෙස ලොව පුරා සිටින අපගේ හවුල්කරුවන් වෙත බාධාවකින් තොරව මෙන්ම වඩාත් විශ්වසනීයත්වයෙන් යුතු සේවාවක් සැපයීම සඳහා අපගේ හැකියාවන් මෙමඟින් වැඩි දියුණු කරනවා.”‍

කඩිනම් රේගු නිෂ්කාෂණ සේවය, මෙහෙයුම් කටයුතු පිළිබඳ  අවදානම අවම කිරීම සහ වැඩිදියුණු කළ වෙළෙඳ පහසුකම් ඇතුළු උපායමාර්ගික වාසි රැසක් මෙම AEO Tier 1 සහතිකය සමඟ AEO Tier 1 වෙත හිමි වේ. මේ ඔස්සේ ආනයන හා අපනයන ක්‍රියාවලි ද වඩාත් විධිමත් කරන අතර එම සහතිකය VIP හෝ හරිත ප්‍රවේශයක් ලෙස ක්‍රියාකිරීම මඟින් වේගවත් හා කාර්යක්ෂම ලෙස භාණ්ඩ ප්‍රවාහනයද  සහතික කෙරේ. ගෝලීය වෙළෙඳාම තුළ විශ්වාසදායක සහ කාර්යක්ෂම හවුල්කරුවකු ලෙස Hemas විසින් ගොඩනගා ගෙන සිටින කීර්තිනාමය මෙම සුවිශේෂ සන්ධිස්ථානය ඔස්සේ තවදුරටත් ඉහළ නංවයි. 

Hemas Consumer Brandsහි ප්‍රසම්පාදන ප්‍රධානී අරුණ සුමනතිලක මහතා ඒ සම්බන්ධයෙන් සිය අදහස් එකතු කළේ මෙසේය. ”‍මෙම සන්ධිස්ථානය ඔස්සේ ජාත්‍යන්තර වෙළෙඳ  ප්‍රමිති ආරක්ෂා කිරීම සඳහා අපගේ කණ්ඩායම් දක්වන කැපවීම සහ ඔවුන්ගේ වෙහෙස මහන්සිය මැනවින්  පිළිබිඹු වෙනවා.