CBL සමූහය අඛණ්ඩව දෙවැනි වරටත් ශ්රී ලංකාවේ වඩාත් ගෞරවාදරයට පත් වූ සමාගම් 10 අතරට තේරී පත්වීමට පසුගිය දා සමත් විය. 2019/2020 මුල්ය වර්ෂය වෙනුවෙන් ශ්රී ලංකා අන්තර්ජාතික වාණිජ මණ්ඩලය (ICCSL) හා ශ්රී ලංකා වරලත් කළමනාකරණ ගණකාධිකාරී ආයතනය (CIMA) සමග Daily FT පුවත්පත එක්ව සිදුකළ ඇගයීම් පදනම් කර ගනිමින් මෙම ශ්රේණිගත කිරීම පිරිනමා තිබේ.
ආයතනයේ මුල්ය කාර්යසාධනය මෙන්ම පාර්ශවකරුවන්, ගනුදෙනුකරුවන්, සේවක පිරිස හා සමාජය වෙත අර්ථවත් වටිනාකමක් එක්කරමින් කටයුතු කරන ලැයිස්තුගත මෙන්ම ලැයිස්තුගත නොවන සමාගම් මෙම සම්මානනීය ඇගයීමට ලක්කරනු ලබයි.
පවුලේ ආහාර සන්නාමයක් ලෙස ඉදිරියෙන්ම සිටින CBLශ්රී ලංකාවේ ආහාර සැපයුම් දාමයට, ආර්ථික සංවර්ධනයට මෙන්ම කෘෂිකර්මාන්ත අංශයෙහි සංවර්ධනය සඳහා ද විශාල දායකත්වයක් ලබාදෙන ආයතනයකි. කාබනික හා සාම්ප්රදායික ගොවිතැනෙහි නිරත ගොවීන් 13,000 පමණ ජාලයක් CBL සමූහය සමග සම්බන්ධවී කටයුතු කරන අතර ඉඩම් හා සම්පත් ඵලදායීතාව උපරිම කරමින් තිරසාර කෘෂිකර්මාන්ත අංශයක් නිර්මාණය කිරීමට ද CBL ආයතනය කැපවීමෙන් කටයුතු කරයි. 6,000කට අධික සේවක පිරිසකට වෘත්තීය අවස්ථා නිර්මාණය කරමින් දිවයින පුරා පැතිරුණු බෙදාහැරීම් ජාලය හරහා සිය නිෂ්පාදන සන්නාම පාරිභෝගිකයා වෙත රැගෙන යාමට CBL කටයුතු කර ඇත.
“අපගේ දෛනික කටයුතු හරහා හැම විටම පාරිභෝගිකයන්ට සහ පාර්ශවකරුවන්ට අර්ථවත් වටිනාකමක් ලබාදීමට අපි උත්සාහ කරනවා. නිරන්තරයෙන් ඔවුන්ගේ අවශ්යතා හඳුනාගෙන ඊට සරිලන ගුණාත්මක බවින් පිරි නිෂ්පාදන ඔවුන් වෙත ලබාදීම අරමුණ කරගෙනයි අපගේ සියලු මෙහෙයුම් කටයුතු සිදුවන්නේ. අපේ නිෂ්පාදන හා සන්නාම හරහා පාරිභෝගිකයන් වෙත ලබා දෙන වටිනාකම අපගේ සාර්ථකත්වය මනින හොඳම මිණුම බව අපි තරයේ විශ්වාස කරනවා. මේ සියලු කරුණු වඩාත් ගෞරවාදරයට පත්වූ සමාගමක් ලෙස තේරීපත් වන්නට අවශ්ය පදනම නිර්මාණය කරදුන් බව විශ්වාසයෙන් කියන්න පුළුවන්.” යනුවෙන් CBL සමූහයේ සභාපති - රම්ය වික්රමසිංහ මහතා පැවසීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
CBL සමූහය වඩාත් ගෞරවාදරයට පත් සමාගම් 10 අතරට