ශ්‍රී ලංකාවේ මාර්ගගත වෙළෙඳපොළක් වනQuickee තවත් ජයග්‍රාහී පියවරක් ඉදිරියට තබමින්, තමාට ම අයත් බෙදාහැරීමේ සේවාව සමඟ එක්ව භෞතිකමය සේවා මධ්‍යස්ථානයක් වන Quickee Mansion  හඳුන්වා දීමට කටයුතු කර තිබේ.

කොළඹ 03 පිහිටි 'Quickee  මන්දිරය‘ දින 365 ම ක්‍රියාත්මක  ඇමතුම් මධ්‍යස්ථානයකින් සමන්විත වන අතර, එමඟින් පාරිභෝගික ජනතාවට අඛණ්ඩව සහයෝගය ලබා දීම අරමුණු කරයි. එමෙන් ම Quickee Mansion යනු Quickee හි ශක්තිමත් බෙදාහැරීම් සේවාවේ මූලස්ථානය ලෙසින් ද හඳුන්වා දිය හැකිය. ලැබෙන ඇණවුම් ආරක්ෂිතව පාරිභෝගිකයන් අතට පත් කිරීම එමඟින් තහවුරු කරයි.

ඕනෑම දිනක අලු‍යම 3 දක්වා බෙදා හැරීම් සේවා ලබා දෙන  Quickee බෙදා හැරීමේ සේවාවේ කාර්යක්ෂමතාව නිසා ම එහි ලාංඡනයට සඳහා ලොව වේගවත්ම සත්වයා වන චීටාගේ රුව ඇතුළත් කර ඇති බව ද එම සමාගම කියයි.

'Quickee SoS' සේවාව මගින් උදෑසන 9 සිට 3 දක්වා කොළඹ හා තදාසන්න ප්‍රදේශ ආශ්‍රිත පාරිභෝගිකයන්ගේ හදිසි අවශ්‍යතා මිල දී ගැනීම් සඳහා සහයෝගය ලබා දෙන අතර, සාදයකට අවශ්‍ය දෙයක් හෝ ඖෂධ වැනි අත්‍යවශ්‍ය යමක් ගෙන්වා ගැනීමට අවශ්‍ය නම්, Quickee's 'Party SOS'  සහ 'Emergency SOS' යන සේවා හරහා එය නිවසට ක්ෂණිකවම ගෙන්වා ගැනීමේ හැකියාව පවතී.

“Quickee Mansion, ශ්‍රී ලංකාවේ තරඟකාරී අන්තර්ජාල වෙළෙඳපොළ තුළ අපගේ භෞතික පැවැත් මේ නියෝජනයයි. එමගින් ගනුදෙනුකරුවන් වෙනුවෙන් අපගේ කැපවීම සහ සමීප බව පෙන්නුම් කරනවා. ශ්‍රී ලංකාව තුළ ක්‍රියාත්මක වන බොහෝ මාර්ගගත අලෙවි සේවාවන්ට භෞතික පැවැත්මක් නැහැ. නැතිනම් භෞතික කාර්යාල පිහිටා තිබෙන්නෙ වෙනත් රටවල.  ‘සියලු‍ පාරිභෝගික අවශ්‍යතා සඳහා එක නැවතුම්පොළක්‘ කියන අපගේ තේමාව Quickee Mansion සමඟ යථාර්ථයක් බවට පත් වෙනවා.”‍ යනුවෙන් Quickee  හි ප්‍රධාන විධායක නිලධාරී සැමී අක්බාර් මහතා ප්‍රකාශ කළේය.

595